Доколку викнете додека играте Don’t Scream, мора да ја рестартирате играта

Некои игри ви кажуваат сè што треба да знаете во насловот, и тоа е веќе стандард во изминативе декади на гејмингот. Доколку не можете да се сетите на некоја таква игра одма ќе ви го дадеме најдобриот пример – Don’t Starve. Тоа е игра за тоа како треба да јадете за да живеете… Многу конкретно нели. Играта Don’t Scream е исто таква, само што има дополнителен слој на предизвик. Тоа е хорор игра каде што, ако врескате во реалниот живот, играта започнува одново… Или на друг начин ова е Хорор игра која што има некој елемент на Soulslike. Ако умрете, тогаш од ново. Односно ако викнете, тогаш од ново.

Се разбира, тоа значи дека ви треба микрофон за да го репродуцирате вашето викање/врескање. Како што објаснува страната на Don’t Scream на Steam, „Морате да го калибрирате вашиот микрофон во играта, така што секое пискање, скокање или дури и мало чкрипење ќе биде регистрирано како крик, зголемувајќи го предизвикот“. Тоа не значи дека не можете да испуштате бучава – прифатливо е ниско зборување – но дури и „тивкото здивнување“ се смета за неуспех. „Можете да ја заобиколите калибрацијата за да викате преку стравови“, објаснуваат девелоперите, „но тоа ќе ја расипе возбудата. За вистинско хорор искуство играјте како што е дизајнирано“.

Don’t Scream има за цел да реплицира хорор филм од пронајдена снимка како The Blair Witch Project, само со траење од 18 минути наместо 81. Ја истражувате плашливата шума Pineview со камера, а тајмерот се намалува само кога се движите. Очигледно ќе има „десетици динамични стравови“ за да ја тестираат вашата храброст на патот.

Што ќе се случи ако стигнете до крајот на 18-минутното траење? Со оглед на тоа што „Don’t Scream“ очигледно нема „приказна“ туку многу „познание“, не очекувам дека ќе има многу до нејзината кулминација надвор од последниот скок и достигнување на Steam, но се работи за патувањето, а не за дестинацијата, како што сакаат да објаснат неверојатно заморните луѓе.

Don’t Scream ја прават двајца инди-програмери кои се од Joure & Joe. Предвидено е да се пушти во Early-Access на 27 октомври оваа година, а девелоперите планираат да додадат повеќе стравови, проширени информации, опционални цели и повеќе во текот на своето време во Early-Access.

МАРКЕТИНГ

Љубителите на Grand Theft Auto, гејмерите и креаторите на дигитална содржина ќе имаат можност да бидат дел од еден специјален настан посветен на долгоочекуваната GTA 6. На 19 ноември, во Скопје ќе се одржи GTA 6 Launch Event, кој истовремено ќе се организира на двете локации на Inferno Gaming Club – Inferno 1 во Тафталиџе и Inferno 2 во Кисела Вода.

Настанот ќе започне во 11:00 часот, а посетителите ќе можат да очекуваат целодневна дружба, гејминг, музика и атмосфера инспирирана од легендарниот Vice City. Организаторите најавуваат тематска музика во текот на целиот ден, со звук и енергија што ќе потсетуваат на препознатливиот свет на Grand Theft Auto, претворајќи ги гејминг-клубовите во места за вистинско GTA доживување.

Централниот дел од настанот ќе биде можноста посетителите да ја испробаат GTA 6 и одблизу да се запознаат со играта. Сите заинтересирани ќе можат да добијат свој термин за играње и да го искусат старо-новиот свет на Rockstar Games, но настанот нема да биде наменет исклучиво за оние што сакаат да седнат пред конзолата.

Идејата е да се создаде простор за собирање на домашната гејминг-заедница, размена на искуства, запознавање нови луѓе и поврзување на креаторите на дигитална содржина. Настанот ќе биде можност за дружба меѓу гејмери, стримери, јутјубери, инфлуенсери и сите оние што ја следат гејминг-културата, со можност за нови соработки и запознавања.

Посетителите ќе можат да разговараат за играта, да ги споделат своите први впечатоци, да разменат мислења за новините во GTA 6 и едноставно да поминат ден во друштво на луѓе со слични интереси. Со музика, тематска атмосфера и активности во текот на денот, организаторите сакаат настанот да прерасне во вистинско собирање на гејминг-заедницата, а не само во можност за тестирање на нова игра.

БЕСПЛАТНО ИГРАЊЕ, НО СО ЗАДОЛЖИТЕЛНО АПЛИЦИРАЊЕ ЗА ИГРАЊЕ

Една од најважните информации за сите заинтересирани е дека учеството и можноста за играње на GTA 6 се целосно бесплатни. Посетителите нема да треба да плаќаат за да ја испробаат играта, а можноста ќе биде достапна во текот на целиот настан.

Сепак, поради организацијата и распоредот на термините за играње, сите што сакаат да ја испробаат GTA 6 ќе треба однапред да аплицираат преку официјалниот формулар.

По апликацијата ќе се врши јавно влечење за сите луѓе што ќе се пријават за термин за играње, со што ќе се овозможи подобра организација и ќе се избегне непотребно чекање.

КОГА, КАДЕ И ЗОШТО?

GTA 6 Launch Event ќе се одржува на 19 ноември, со почеток во 11:00 часот, истовремено во Inferno 1 во Тафталиџе и Inferno 2 во Кисела Вода.

За сите љубители на Grand Theft Auto, ова ќе биде можност да го дочекаат новото поглавје на франшизата во друштво на домашната гејминг-заедница, со целодневна Vice City атмосфера, музика, дружење и, секако, можност први да ги споделат своите впечатоци од GTA 6.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!