Loopmancer – Детективот од Cyberpunk е заглавен во Groundhog Day

Во 2020 година излезе играта која што многумина ја чекаа со години, до тој степен што девелоперите мораа да ја издадат премногу рано и испадна еден од најголемите флопови во историјата на гејмингот (за некој и најголемото разочарување). Таа игра се вика Cyberpunk 2077 која што денес е многу подобрена, но сепак луѓето што ја чека веќе го немаат истиот жар во нив да ја играат како што треба. Не е перфектна, но е многу подобра. Но интересно е тоа што иако Cyberpunk 2077 не помина баш добро, жанрот “Cyberpunk” стана многу голем мејнстрим и гејмерите максимално бараат повеќе игри со таков жанр и сместени во таков свет, во таква иднина!

Излегоа игри како The Ascent и Ghostrunner, сепак не влегоа во некој спотлајт да бидат дознаени и играни од многу луѓе и да добијат големи фан бази, влегоа во сенките на големина наслови и беа дознаени само од луѓе кои што сакале да ги играат баш тие игри… Но сепак едно Indie студио од Бејжинг кое што се вика eBrain Studio направиле една игра која што има многу интересно име – Loopmancer.

Се работи за Sci-Fi Roguelite-Platformer кој што е сместен во еден Cyberpunk свет (Dragon City) со многу добар но хард-кор Noir наратив. И нормално секој ваков Roguelike си бара да си има добар и забавен hack-and-slash комбат. И нормално црешата на шлагот е дека играта е правена во Unreal Engine 4, и тоа што го нуди енџинот е искористено максимално.

The year is 2046, and the world has advanced to the point where cybernetic implants and bionic prosthetics have become commonplace. However, as is typical for the genre, the wealth gap has created a good ol’ fashioned dystopia. You play as Xiang Zixu, a private eye tasked with investigating the disappearance of a high-profile journalist. You’re killed in pursuit of a crime lord who may be linked to her disappearance, and then wake up in your bed, Groundhog Day-style. The day has restarted, but your memories remain intact.

Синопсис на приказната

УМЕТНОСТА Е ВО ДЕТАЛИТЕ

Кога го започнувате демото, првото нешто што ќе го забележите е колку убаво изгледа играта, освен карактерите кои што често се чудни. Очигледно е дека моделите на ликовите би можеле малку да се средат и да изгледаат што помалку како пластика, но играчите во секој случај нема да ги забележите во поголемиот дел од играта бидејќи играта е толку брза и забавна за играње што не се замарате со карактерите. А и дополнително не се некои со кои што може да се врзете на некое ниво да ви е драго што играте со некој детектив што се вика Xiang Zixu. Девелоперите на eBrain направиле фантастична работа создавајќи атмосферски Cyberpunk амбиент полн со прекрасни неонски светла и детални позадини. Loopmancer не разочарува во своите еколошки дизајни.

Одма штом ќе го започнете демото немате објаснување дека вие сте тој и тој, туку приказната во рафални експозиции одма ве пука и одма почнувате. Се будите како карактерот Xiang Zixu, татко кој се обидува да открие кој стои зад смртта на неговата ќерка. Во моментов, тој истражува исчезнат новинар, кој последен пат бил виден како разговара со криминалец кој има голема лутина кон главниот лик. Бидејќи е DEMO верзија не добивате некое многу информации и не откривате многу што се случува понатаму во играта, но сепак добивате доволно колку што е потребно за почеток.

За време на првото играње, Xiang умира и се враќа во својот стан на почетокот на денот. Во станот, играчот може да ги надгради своите способности, да се пресоблече и да си даде бафови по случаен избор со помош на галење на мачката, што е совршен начин да се охрабри играчот. Но сепак секој Buff е нормално различен и доколку не ви се погодат како што треба може да ви наштети на вашта игра, односно на вашиот одреден Run.

Neuro-comp interfaces, bionic prosthetics and nano-biotechnology have all become commonplace. Society is highly developed, but the gap between the haves and the have nots has only grown larger.

Year 2046 / Dragon City

РАБОТА-ДОМА, ДОМА-РАБОТА

Вашето апартманче/станче е првата локација каде што може да си шетате, но сепак подоцна доаѓа полициската станица каде што има многу други работи кои што може да правите таму. Во полициската станица имате неколку можности. Тука избирате каде сакате да одите, на кои стази/области. Ова е многу битно бидејќи секоја област е различна (логично) и секоја област има свои спесифичности. Тие се различни непријатели, различни оружја кои што може да ги најдете, приказна, нивоа и се што може да замислете. Во демото за жал ја има само првата област. Но во полициската станица исто така има еден специјалист за оружја и зајакнување на вашиот карактер. Нешто слично како што James Bond го има “Q” тука имате еден ваш Q. И дополнително во просторијата каде што е специјалистот има едно многу интересно нешто, еден MIni-Game кој што нема да ви откриеме што е бидејќи сакаме да ви оставиме сами да си видите за што станува збор.

НЕ СЕ ВЛЕЧИ, ТРЧАЈ ШТО МОЖЕШ ПОБРЗО

Така цело време ќе започнувате, ќе мора да поминете низ станот и полициската станица само за да се дојде до игра. На патот, играчот ќе гледа повеќе сцени и ќе биде запрен да разговара со ликовите. Тука се прави изборот за со кои оружја сакате да играте и која стаза сакате да ја играте. Играта е доволно брза, односно доволно колку што треба. Далеку е од брзината која што ја има Ghostrunner, но како за ваков платформер има солидна брза што реално може само малку да се зголеми. Брзината во секоја игра е нормално многу битна, и на вакви игри секој сака да мисли дека е многу јак и да лета низ стазите како да игра Warframe. Тоа не дека не е возможно, но нема навистина да летате. Но со помош на лизгање, брзо трчање и нормално Граплинг Хук вие се осеќате како Ninja-Detective. Но затоа брзината во комбатот е прекрасно направен што нема да може да му одолеете

Стазите со секој нов Loop се менуваат на одредени начини. Мал број се и секогаш се различни, но сепак не се генерираат самите секој пат. Околу 3-4 и секој следен пат играте на друга (не толку различна) стаза. Не се толку тешки за памтење, нема да ве бунат не се грижете. И нормално доколку сакате да правите и Fast Travel и тоа е возможно. На одредени места на стазите имаате машини кои што ви нудат можност малку да си ја вратите силата (HP) и со тоа се прави Fast Travel.

ЛАДНО ОРУЖЈЕ, ОГНЕНО ОРУЖЈЕ И… ЛОСОС?!

Начинот на кој што ќе ја преземе ситуацијата ќе зависи од оружјето што го имате и сите ability’s што ги имате. Низ нивоата има машини познати како PUT машини, кои ви овозможуваат да ја префрлате валутата на Loopmancer, позната како eCoins, во неа и да инвестираат во ново оружје. Доколку сте инвестирале одредена сума во тоа оружје но немате доволно да го отклучите, на следното играње ќе ви остане сумата што сте ја инвестирале. Изборот на оружја во играта е ОГРОМЕН! Има оружја како катани и огнени секири, па се до шеговити оружја како столче на преклопување или солена риба. Сите тие, исто така може да вклучуваат специјални напади, како што например палката за голф да може да лансира проектили кон непријателите. Веројатно никогаш нема да играте со такви Joke-Weapons, бидејќи ако некој ви даде голем Лосос и Катана што би одбрале… Но сепак возможно е да ја поминете играта и со Лосос како оружје, но ќе сакате да си ги извадите очите додека успеете да стигнете до крајот на тој начин.

Покрај ова, играчите можат да носат огнено оружје, бидејќи секогаш е убаво да се има и некој пиштол или пушка заедно со вашата катана. Да се ​​биде во можност доволно да се користат сите овие во жарот на битката е клучот за опстанокот. Нормално нема да можете да пукате цело време, и немате без број куршуми, интерсно е имате многу малку, но Loopmancer вклучува кутии за снабдување од време на време за да надополни сè што е изгубено. Играта има многу кутии кои што мора да ги скршите доколку сакате да си ги вратите куршите и повторно да си пукате. Како што спомнавме, многу сте ограничени за со куршуми, но сепак многу повеќе ќе сакате да сечете луѓе со катана него да ги пукате и убивате. И нормално на сите стази има едни топки кои што ги наоѓате и ви даваат мал Upgrade на вашето HP, Stamina, колку муниција може да имате.

ЦРВЕНО БУРЕ ЗНАЧИ САМО ЕДНО НЕШТО

Една важна работа што беше вистинско изненадување е тоа што се што има на стазите се многу битни карактеристики во битката. Ова главно доаѓа на патот на експлозивните црвени буриња кои се расфрлани низ целата област, што може да предизвика голема штета не само на непријателите, туку и на играчот. Дополнително на тоа, има неколку области кои имаа еколошки опасности како што се брзо возење на возила на автопат. Како и бурињата така и автомобилите ви штетат и на вас и на непријателите. Непријателите може лесно да се соборат, но бараат одредена стратегија врз основа на нивниот став. Тие се означени со каква боја трепкаат; ако е црвено, тие сè уште можат да бидат тепани и нема да направат Respawn или да се вратат, ако е жолто, тие блокираат и не можете лесно да ги утепате не. Овој пристап ги држи играчите на нивните прсти, но би било убаво да се има блокада за самиот протагонист, бидејќи нападите можат да бидат брзи и многу штетни. Да се ​​одбегне од патот е малку незгодно, а брзиот блок може да ја подобри борбата.

Нешто што многу ќе ве нервира додека ја играте играте дефинитивно ќе се црвените буриња бидејќи некогаш ќе е тешко да ја избегнете експлозијата, но сепак непријателите се исто така добро оружани. Многу оружја имаат во себе гранати. Нормално доколку ви фрлат една граната таа ќе експлодира и доколку не ја избегнете ќе ве оштети, па дури може и да ве убие.

ЗВУКОТ Е КАКО ДА ЗБОРИТЕ СО ПРИЈАТЕЛИ НА DISCORD

Нешто што многу ја утепува и уништува забавата додека играте е дефинитивно саунд тракот војс актингот кои што го имаат протагонистите, но дефинитивно антагонистите… На непријателите кога им се додавало гласови веројатно девелоперите немале начин како да го направат тоа и решиле да седнат сите да зборат на Discord, тоа да го снимат и да го стават во играта. Дефинитивно тоа е најлошото нешто во играта кое што доведе на моменти за проверка да се види дали случајно сме во некој Voice Chat на Discord со неколку пријатели. Целиот саунд-трак не е доволно направен како што треба, се осеќа како да е музика што успеле да ја најдат накаде на YouTube и не ни провериле колку музиката се спојува во играта. Не е толку лош, но кога веќе станува збор за Cyberpunk Futuristic свет, мора да има приближно нешто како што имаше Cyberpunk 2077… Нешто што најдовме во играта што можеби е BUG, не навлеговме многу да провериме е тоа што доколку целиот Sound го ставите на 0, исклучите се што може да се исклучи, зборувањето на непријателите се уште си стои и не може да биде исклучено! Можеби ви текнало дека сакате да ја играте играта без звук, во еден момент ќе слушнете некој како овка од болка, и баш тогаш проверувате дали не сте излегле од Discord Voice Chat.

ДАЛИ МОЖАМ ДА ЈА ИГРАМ ИГРАТА НА PC?

За среќа, иако играта еимпресивните, Loopmancer не бара врвен хардвер. Ова се минималните и потребните барање за хардвер

  • OS: Windows 7 64-bit
  • Processor: Intel Core i5-8250U / AMD Phenom II X4 965
  • Memory: 8 GB RAM
  • Graphics: GeForce MX150 / Radeon R7 260X
  • DirectX: Version 11
  • Storage: 15 GB available space
  • OS: Windows 10 64-bit
  • Processor: Intel Core i7-4770S / AMD FX-9590
  • Memory: 16 GB RAM
  • Graphics: NVIDIA GTX 1060(6GB) / Radeon R9 390X
  • DirectX: Version 11
  • Storage: 15 GB available space

Играта за сега ја има само како DEMO верзија, но треба да ја видиме во текот на оваа година на PC, PlayStation, XBOX и Nintendo Switch.

Трејлер
Гејмплеј

МАРКЕТИНГ

Спорели на:

ГТА 6 е една од најочекуваните видео игри во историјата на гејмингот и гејминг индустријата. По повеќе од една деценија шпекулации, гласини, огромни протекувања и безброј прашања кога конечно ќе пристигне следното продолжение на легендарниот серијал. Рокстар Гејмс се подготвуваат повторно да нè вратат во светот кој не сме го виделе од раните 2000-ти години. После толку време ќе се вратиме во фиктивниот свет и регион познат како „Вајс Сити“. Но, за да разбереме зошто ГТА 6 предизвикува толкава возбуда, мораме да се вратиме малку наназад. Поточно, во септември 2013 година.

Тогаш PlayStation 3 и Xbox 360 сè уште беа актуелни конзоли, паметните телефони изгледаа поинаку, ТикТок не постоеше, а светот сè уште не знаеше колку време ќе помине пред да ја добие следната Grand Theft Auto игра. Рокстар Гејмс ја објави ГТА 5, нè однесе во фиктивниот град Лос Сантос и ни ги претстави карактеите Мајкл, Френклин и Тревор. Тогаш веројатно никој не ни помислуваше дека ова ќе биде играта во која ќе поминеме добар дел од следната деценија. Во меѓувреме, ГТА 5 стана многу повеќе од обична видео игра. Во рок од 13 години се искачи на третото место за најпродавани игри во историјата со повеќе од 235 милионии копии продадени на сите платформи.

Додека ГТА 5 продолжуваше да бележи огромен успех, а ГТА Online постепено прераснуваше во сопствен гејминг-феномен, прашањето за следното продолжение стануваше сè погласно. Гејмерите веќе почнаа да се прашуваат кога Рокстар Гејмс конечно ќе го најави следното поглавје.

Rockstar Games, Rockstar VI

Плановите за ГТА 6 започнале многу порано отколку што јавноста почна да претпоставува. Според Роб Нелсон, еден од раководителите на „Роксар Нортх“, уште во 2015 година дел од тимот отпатувал во Мајами за да ги прави целосните истражувања и анализи за проектот. Проектот тогаш го носел кодното име „Проџект Америкас“, а првичните амбиции биле многу поголеми. Идејата била играта да опфати огромни делови од Северна и Јужна Америка, со повеќе локации и можност за патување меѓу нив. Но, плановите не се одвивале толку едноставно.

Рокстар Гејмс во истиот период работеа и на другиот огромен наслов во тоа време „Red Dead Redemption 2“, проект кој постепено станувал сè поголем и барал ангажман од речиси сите студија на компанијата од целиот свет.

Како резултат на тоа, работата на ГТА 6 била поместена во втор план, а голем дел од ресурсите биле насочени кон завршувањето на вестерн-авантурaта која пристигна во 2018 година. Првичната замисла за огромна мапа што ќе опфаќа делови од двата американски континента подоцна била намалена на „Вајс Сити“ и околните области. Токму во 2018 година започнаа и првите посериозни шпекулации во јавноста. На 6 март, Јутјуб каналот „The Know“ објави видео во кое, повикувајќи се на анонимен извор близок до Рокстар, тврдеше дека следната ГТА ќе го носи кодното име „Project Americas“. Според тогашните информации, играта требало да се одвива во модерна верзија на Вајс Сити, но и да овозможи патување до делови од Јужна Америка.

Во следните години интернетот беше преплавен со наводни мапи, фотографии, информации од анонимни извори и теории за тоа како ќе изгледа ГТА 6. Во 2019 година се појавија шпекулации за приказна сместена во седумдесеттите и осумдесеттите години, со протагонист по име Рикардо, додека други тврдеа дека играта ќе има огромен свет инспириран од повеќе јужноамерикански градови. Се појавуваа и наводни протечени мапи, од кои голем дел подоцна се покажаа како целосно измислени.

Rockstar, од друга страна, продолжуваa да молчат и да ги негрираат информациите. Со тоа шпекулациите станаа поголеми.

Rockstar Games, Rockstar VI

Во меѓувреме, развојот на играта се соочил со дополнителни предизвици. Ковид-19 пандемијата ги испрати вработените да работат од дома, а студиото морало да ги прекине многу важните детали од нивната работа во студија за снимање движења и перформанси. Во интервју за Блумберг во октомври 2026 година, Нелсон опиша дека тимот поминал низ тежок период во кој сè уште се обидувал да ја дефинира конечната визија за играта. До крајот на 2019 година, раководството веќе ја имало основата на приказната за Џејсон и Луција, но голем дел од дизајнерските одлуки и системите во играта сè уште биле во развој.

Иако низ годините се појавуваа гласини дека проектот бил откажуван или целосно започнуван од почеток, нема официјални докази дека ГТА 6 некогаш била целосно откажана. Станува збор за долготраен процес во кој првичните планови биле менувани, дел од амбициите биле намалени, а развојот бил успорен поради други големи проекти и надворешни околности.

Првата официјална потврда дека Rockstar работи на следната Grand Theft Auto игра пристигна дури на 4 февруари 2022 година. Во кратко соопштение, компанијата потврди дека активниот развој на новото продолжение е во тек и дека нејзината цел е значително да го надмине она што претходно го понудила. Не беше објавено ни име, ни трејлер, никаква локација, датум на излегување не постоеше, но за гејмерската заедница тоа беше доволно.

Само неколку месеци подоцна, во септември 2022 година, следеше уште еден настан кој ја обиколи целата гејминг-индустрија. Непознат хакер објави десетици видеа од рана развојна верзија на ГТА 6, со вкупно околу 50 минути материјал. На снимките можеа да се видат делови од играта во развој, вклучувајќи ги Вајс Сити, главните ликови и некои од механиките. Рокстар Гејмс потврдија дека претрпела неовластен упад во својата мрежа и дека биле украдени доверливи информации, меѓу кои и снимки од новата игра. Компанијата изрази разочарување што материјалите биле објавени на тој начин, но истовремено порача дека инцидентот нема долгорочно да влијае врз развојот на проектот. За игра која со години се чуваше во строга тајност, ова беше огромен удар.

Декември 2023 – конечно го добивме првиот трејлер

По речиси две години од официјалната потврда дека се работи на следната игра, Рокстар Гејмс конечно ставаат крај на тишината. На 8 ноември 2023 година, ко-основаrчот и претседателот на компанијата, Сем Хаузер, објави дека првиот трејлер за следната ГТА ќе пристигне на почетокот на декември, во месецот кога Рокстар Гејмс го одбележуваше својот 25-годишен јубилеј.

Возбудата меѓу фановите беше огромна. На 1 декември компанијата потврди дека трејлерот ќе биде премиерно прикажан на 5 декември во 15:00 часот. Но, планот не издржа ни до закажаната премиера. Вечерта на 4 декември, на социјалните мрежи се појави протечена верзија од трејлерот, со низок квалитет и жиг. Рокстар реагираше брзо и реши да ја објави официјалната верзија порано од планираното, со кратка порака дека трејлерот протекол и дека фановите треба да ја погледнат вистинската снимка на Јутјуб.

И така, по повеќе од десет години чекање, конечно го видовме првиот официјален поглед кон Grand Theft Auto 6.

Во нешто повеќе од минута и половина, Рокстар ни го претстави фиктивниот свет Леонида, измислената американска сојузна држава инспирирана од Флорида, со неонските улици, плажите и препознатливата атмосфера на Вајс Сити. Трејлерот ги откри и двајцата главни протагонисти – Луција и Џејсон, криминален пар чија приказна очигледно ќе биде еден од централните делови на играта.

Особено внимание привлече Луција, која стана првата жена протагонистка во главната приказна на серијалот со можност за играње во модерната ера на Grand Theft Auto. Уште првите кадри ја прикажаа во затвор, а потоа ја видовме заедно со Џејсон во свет полн со криминал, забави, луди интернет-трендови и препознатливи ситуации што Рокстар ги користи за да ја исмева современата американска култура.

Кога Rockstar го објави првиот трејлер, најавата беше дека играта ќе пристигне во 2025 година. Неколку месеци подоцна, во мај 2024 година, Take-Two Interactive, матичната компанија на Rockstar, го стесни периодот на излегување на есента 2025 година. По толку долго чекање, фановите конечно имаа барем приближен рок кога ќе можат да ја видат играта.

Но, на 2 мај 2025 година пристигна првото големо разочарување. Рокстар објави дека играта нема да излезе во есента истата година, туку на 26 мај 2026 година. Компанијата им се извини на фановите за дополнителното чекање и објасни дека им е потребно повеќе време за да ја заврши играта на нивото на квалитет што публиката го очекува од неа.

Одложувањето беше разочарувачко, но многумина се надеваа дека дополнителните месеци ќе бидат доволни. Четири дена подоцна, на 6 мај, Rockstar го објави и вториот трејлер, со нови сцени од играта, повеќе детали за Џејсон и Луција и прв поголем поглед кон животот во Леонида. Возбудата повторно се врати, а датумот 26 мај 2026 година стана новата цел за фановите.

Сепак, ни тој датум не беше конечен. На 6 ноември 2025 година, Рокстар објави дека ГТА 6 повторно се одложува, овојпат за 19 ноември 2026 година. Во соопштението компанијата наведе дека дополнителното време е потребно за да го доврши проектот и да го испорача квалитетот што играчите го очекуваат. Со ова, играта беше поместена за речиси шест месеци од претходно најавениот датум.

Два одложувања за помалку од една година, а со секое ново соопштение фановите добиваа уште малку трпение како задолжителен дел од ГТА искуството. Интернетот, се разбира, не пропушти да се пошегува на сметка на постојаното поместување на датумот, но зад шегите остануваше едно прашање: дали Рокстар конечно ќе го испочитува и овој рок? На 17 ноември 2026 година, официјалниот датум на излегување останува 19 ноември. По тринаесет години од ГТА, речиси три години од првиот трејлер и две одложувања, до излегувањето на играта остануваат само два дена.

По сите одложувања, трејлери и години чекање, ГТА 6 конечно влезе во последната фаза пред излегувањето. Во јуни 2026 година Рокстар ги отвори преднарачките, со што играта и официјално почна да се подготвува за своето лансирање. На располагање беа две изданија – Standard Edition и Ultimate Edition, која вклучува дополнителни дигитални содржини поврзани со приказната на Џејсон и Луција. Сите што ќе ја купат играта пред 20 ноември добиваат и Vintage Vice City Pack, со предмети инспирирани од препознатливиот изглед на градот.

Во последните недели пред лансирањето, Рокстар продолжи да го гради интересот со нови материјали. На официјалната страница се појавија дополнителни снимки од играта, галерија со слики од Леонида, како и повеќе информации за музиката што ќе го придружува патувањето низ Вајс Сити и околината. Компанијата постепено откриваше нови детали за светот, неговите жители и атмосферата, но истовремено продолжи да чува голем дел од приказната и изненадувањата во тајност.

Цел Мајами е во изглед на Вајс Сити

Најголемиот дел од промотивната кампања беше насочен во Мајами. Рокстар реши да ја искористи таа поврзаност и буквално да го претвори вистинскиот град во промотивна верзија на светот од играта.

На улиците се појавија билборди од фиктивни компании, фиктивни телевизиски станици, ресторани и ноќни клубови што постојат само во играта. Наместо обични реклами за самата игра, минувачите можеа да видат промоции за „Weazel News“, автомобилската компанија „Coil“, радиостаницата „Chamber 106.6“ и други брендови од универзумот на играта. На плажите во Мајами Бич беа поставени розови и сини чадори и лежалки со ознаките на Vice City, а низ градот се појавија тематски автобуси, возила и големи мурали со Џејсон и Луција.

Еден од највпечатливите потези беше огромниот натпис „Welcome to Vice City“ поставен на покривот на „Kaseya Center“, арената во која настапува кошаркарскиот тим „Мајами Хит“. Целата кампања беше толку голема што локалните власти на округот Мајами-Дејд објавија промотивен пакет вреден 3,9 милиони долари, кој опфаќа рекламирање на меѓународниот аеродром, пристаништето и низ јавниот транспорт. Дел од договорот со Рокстар беше и самиот натпис на арената.

Интересно е што оваа промоција отвори и локална дебата. Некои претставници на властите се спротивставија на користењето јавни ресурси за рекламирање игра во која има криминал и насилство, додека други сметаа дека градот треба да ја искористи светската популарност на GTA 6 за да привлече внимание и посетители.

Иако Мајами беше центарот на кампањата, Рокстар не ја ограничи промоцијата само на градот што го инспирираше Вајс Сити. Во неделите пред излегувањето, големи реклами со Џејсон и Луција се појавија во Њујорк, Лос Анџелес, Чикаго, Париз, Лондон, Виена, Келн, Варшава, Мадрид, Барселона и Лисабон. Кампањата стигна и до Токио, Тајпеј, Сингапур, Хонг Конг и Мелбурн.

Во некои градови беа поставени огромни билборди и дигитални екрани, додека на други локации цели фасади на згради беа покриени со промотивни илустрации. Во Париз, на пример, рекламата на кулите Les Mercuriales привлече особено внимание, со огромни прикази на главните ликови и датумот на излегување. Во Лондон, промоцијата се појави и на фасади и во големи трговски центри, а во други градови беа забележани автобуси целосно обложени со визуелниот идентитет на играта.

Целта беше едноставна, каде и да се наоѓаат фановите, да добијат впечаток дека ГТА 6 е насекаде. И секоја фотографија од нов билборд, мурал или автобус дополнително ја ширеше кампањата на интернет, без Рокстар да мора да објавува посебна реклама за секоја локација.

Една од најинтересните соработки е договорот со NBA тимот Мајами Хит. На 18 ноември, ден пред официјалното излегување на играта, тимот ќе настапи под името Вајс Сити во специјален настан наречен „Ноќ во Вајс Сити“. За таа пригода се подготвени специјални дресови во црна и розова боја, тематски кошаркарски терен и производи со визуелниот идентитет на играта.

Музиката отсекогаш била еден од најпрепознатливите делови на серијатлот. Радиостаниците, водителите, рекламите и песните што ги слушаме додека возиме низ градот често стануваат исто толку незаборавни колку и самите мисии. Студиото добро знае дека музиката е важен дел од идентитетот на серијалот, па затоа и промоцијата на играта ја искористи за да создаде дополнителна возбуда, но и да ја претстави атмосферата на светот во кој ќе се одвива играта.

Уште во првиот трејлер се покажа колку добро Рокстар знаат да изберат песна што ќе остане поврзана со играта. За музичка подлога беше избрана „Love Is a Long Road“ од Том Пети, песна објавена во 1989 година на неговиот албум „Full Moon Fever“. Изборот се покажа како полн погодок. Песната се вклопи со приказната за Џејсон и Луција, но и со атмосферата на Флорида, од каде што потекнуваше самиот Пети.

Ефектот беше видлив и на музичките платформи. Според податоците што Спотифај ги сподели со „Universal Music Publishing Group“, слушањата на песната по објавувањето на трејлерот се зголемиле за неверојатни 36.97 отсто во споредба со претходната недела. Со други зборови, песна стара повеќе од три децении одеднаш доби нова публика благодарение на видео игра.

Слична приказна се повтори и со вториот трејлер, објавен во мај 2025 година. Овојпат студиото ја избра „Hot Together“ од The Pointer Sisters, песна од 1986 година. Само два часа по објавувањето на трејлерот, слушањата на песната на Спотифа пораснале за 182 отсто во споредба со истиот период една недела претходно.

Но, студото не застана само на изборот на музика за трејлерите. На 27 август 2026 година беше објавен и „Grand Theft Auto VI: An Extended Look“, подолг приказ на светот и содржините во играта, во кој музиката доби уште поголема улога. Во видеото беа вклучени 15 песни од различни жанрови и периоди, а реакцијата на публиката повторно се прелеа на стриминг-платформите.

На 17 септември 2026 година Rockstar отиде и чекор понатаму, најавувајќи го „Grand Theft Auto VI: The Album“, официјален музички албум што ќе биде објавен заедно со играта на 19 ноември. Албумот е создаден во соработка со издавачката куќа Atlantic Records и содржи 34 оригинални песни од изведувачи од различни музички жанрови.

Меѓу имињата што беа откриени во првата најава се Travis Scott, Future, Metro Boomin, Yung Lean, PinkPantheress, Fred again.., Morgan Wallen, Rauw Alejandro и Keith Richards. Првите шест синглови беа објавени веднаш, а за нив беа достапни и дигитални верзии за слушање и претходно зачувување на музичките платформи. Rockstar најави и физички изданија на албумот на винил и CD, вклучувајќи специјални колекционерски изданија.

Во септември 2013 година, кога првпат влеговме во Лос Сантос, веројатно никој не очекуваше дека ќе поминат повеќе од 13 години пред повторно да добиеме целосно нова Grand Theft Auto игра. Во меѓувреме сменивме конзоли, компјутери, телефони, музика, трендови и цели генерации гејмери. ГТА 5 остана со нас низ сето тоа време, а студиото успеа да ја претвори во една од најуспешните и најдолговечните игри во историјата.

Сега, по години шпекулации, лажни протекувања, вистински протекувања, бескрајни теории, трејлери и две одложувања, конечно сме пред вратите на Вајс Сити. Џејсон и Луција се подготвени да ја започнат својата приказна, а милиони играчи ширум светот се подготвени повторно да се изгубат во еден свет на Rockstar.

Дали ГТА 6 ќе ги оправда сите очекувања? Дали ќе постави нови стандарди за отворените светови и видео игрите воопшто? Дали ќе стане новата игра со која ќе се споредуваат сите следни големи изданија? Одговорите ќе ги добиеме дури кога ќе почнеме да ја играме. Но, едно е сигурно, ретко која игра успеала толку долго да го задржи вниманието на светот, а уште поретко некоја игра успеала да направи нејзиното излегување да изгледа како настан што го чека цела генерација.

Од Лос Сантос до Вајс Сити. Од 2013 до 2026 година. По 13 години, приказната продолжува.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!