Повеќето луѓе знаат дека сè што ќе му застане на патот на големиот и веќе стариот Kratos нема да заврши баш сјајно. Без разлика дали тоа е со сечилата, секирата или само со рацете на Kratos, знаеме дека премногу крв е пролеана од негова страна, посебно кај суштествата и животните. Поради таа причина групата за права на животните PETA повеќе би сакале Kratos да ги поштеди сите суштества кои застануваат на патот на Kratos. Здружението бара во играта да се стави “PETA MODE” каде што ќе нема насилство врз никое животно!
Во неколку објави преку официјалниот Twitter профил на PETA, организацијата бара од Sony Santa Monica да им дозволи на играчите да ја играат Ragnarok без да мора да го исфрлаат „насилството врз животните“. Секој кој е дури и неколку часа во играта ќе биде свесен дека Kratos масакрира еден куп животни што му се на патот, но PETA сака да има начин да го избегне сето тоа крвопролевање. Бидете предупредени дека надоле претстојат благи спојлери на God of War Ragnarok, ако се уште не сте ја играле можно е да добиете спојлер!
Ова не е прв пат, а ни па последен пат PETA да повика голем издавач да промени една од своите игри. Позабележителен пример за ова беше за време на лансирањето на Far Cry 6, во кое PETA побара од Ubisoft да ја отстрани мини-играта со петли. Ништо не беше променето на крајот, и многу е веројатно дека серијаталот God of War ќе има многу колење животни во идните наслови. Во идните наслови нормално доколку се направат… А сите знаеме дека оваа франшиза нема да згасне така лесно.