Претстојниот филм сместен во познатиот магичен свет на Dungeons & Dragons официјално го доби насловот Dungeons & Dragons: Honor Among Thieves. Wizards of the Coast денес го објавија целосниот наслов на филмот за време на неговата прва презентација на D&D Direct. Во филмот ќе глумат Chris Pine, Michelle Rodriguez, Justice Smith, Regé-Jean Page, Hugh Grant и Sophia Lillis, а ќе биде објавен на почетокот на 2023 година. Официјалениот тизер за филмот може да го погледнете овде:
Новиот филм е во режија на Jonathan Goldstein и John Francis Daley и некако ќе се проба да биде своја кампања која би изгледала како нешто што би можело да се игра со група на пријатели. Односно доколку сте се собрале неколку другари и вашата кампања сте ја напишале во убаво и скоцкано сценарио и сте решиле тоа да го направите во филм со Fantasy жанр. Ова е технички четвртиот филм базиран на Dungeons & Dragons, по група од три филмови објавени во раните 2000-ти. Филмови кои што никој не ги памти денес ако бидеме реални. И не само што никој не ги памти, туку првиот дел помина катастрофално во бокс-офисот во САД, а вториот и третиот дел едвај успеале да бидат прикажани во кино.
„Па, она што ќе го кажам е дека поминавме многу забавно додека го снимавме филмот. Имаше многу смеење. Начинот на кој јас го опишав, е како „Game of Thrones“ измешано со малку Princess Bride, и зачинето со малку Monty Python and the Holy Grail. Многу е забавен. Има многу возбудувања. Мојот лик, тој е оној што сака да организира се, како припремач на забави. Мислам дека ќе биде навистина добро!
Извадок од интервју на Chris Pine за филмот
