Извршниот директор на Striking Distance, Glen Schofield ја напушта компанијата по разочарувачките бројки при продажба на нивниот хорор наслов и игра, The Callisto Protocol. Главниот директор за развој на компанијата, Steve Papoutsis ќе го замени и ќе дојде на позицијата која што моментално стои празна по денешното заминување.
Информацијата ја добивме од преставник од Striking Distance кој што за медиумот Bloomberg изјави дека Schofield ќе ја напушти компанијата за да „стреми кон нови можности“. Заедно со него ќе заминат и Главниот Оперативен Директор и Главниот Финансиски Директор на Striking Distance.
Schofield е најпознат по тоа што беше ко-креатор на франшизата Dead Space и го основаше Striking Distance за да работи на игра поврзана со универзумот на PUBG, која подоцна ќе стане самостоен наслов што сега го знаеме како The Callisto Protocol.
Првично се предвидуваше дека играта ќе достигне продажба од барем 5 милиони копии продадени ширум светот, само за извештаите да откријат дека се борела да достигне 2 милиони продадени копии по нејзиното лансирање на крајот од минатата година. Со оглед на извештаите за колку финансии направила играта, се предвидува дека се направени само 160 милиони долари, и играта се класифицира како големо промашување и грешка.
Лошата продажба влијаеше и на инвеститорот бидејќи Bloomberg исто така објави дека 30 вработени биле отпуштени во текот на изминатите неколку месеци, оставајќи ги со околу 90 вработени до моментот при заминувањето на директорите на играта и студиото.
