Судбината на виртуелниот свет на Uncharted франшизата се уште не е позната, а истото не може да се каже и за филмскиот свет на Uncharted. Имено, добивме индикација дека авантурите започнати во филмот Uncharted од 2022 година би можеле да продолжат во догледна иднина, и има шанса ова да стане еден голем филмски универзум. Сепак тоа е тренд денес…
Продуцентот на филмот, Charles Roven, во интервју за The Hollywood Reporter изјави дека е заинтересиран да го продолжи Uncharted филмскиот свет на нешто многу поголемо и да прави повеќе филмови со актерот Tom Holland.
Q: Дали сè уште постои желба да се продолжи Uncharted франшизата по импресивното прикажување на бокс офисот, особено за времето во кое беше објавен?
Oh yeah! We had a really good time with that movie. The fans really liked the movie, and people who didn’t know anything about the game really liked the movie. So we are definitely looking to make another one of those.
Изјава од Charles Roven за The Hollywood Reporter
Една од причините зошто филмот Uncharted би можел да го добие своето продолжение може да се најде во многу добриот резултат што го постигна во кино салите ширум свеот. Со заработка од 407 милиони долари, моментално е шести филм со најголема заработка базиран на шаблон за видео игра.
