Дали Киксан ќе биде „новиот“ Сакса?

Многу е убаво чувството да си гејмер во Македонија последниве години. Сакса освојува мејџор, две години по ред светски шампиони во аматерски CS:GO, и сега уште една вест која според мене е во некои аспекти поголема и од таа за Сакса!
Не знам колкумина се упатени бидејќи нашиот гејмерски свет е толку разгран, и интересите ни се на сите страни, истиот тим кој освои светски аматерски првак два пати по ред во CS:GO,  се обидоа и на професионалната сцена и беа во топ 30 тимови во свет и во одредени случаи победуваа топ 10 ранкирани тимови или играа блиски натпревари со нив. Кратко кажано тоа е многу лудница да се види и да се доживува! Нешто што треба сите ние да се гордееме бидејќи ретко кој може да го направи овој успех!


Ростерот се состоеше dan1, aidKiT, CacaNito, stYleEez и kyxsan, и во годиниве назад играа под знамето на повеќе тимови како QSKE Gaming, GG, Airlya, но наголемите успеси ги покажаа во тимот Bluejays.

За жал таа приказна заврши годинава…

Беше убаво да се гледа ростер составен од комплетно македонски играчи,кои ни го дадоа задоволството да ги чекаме нивните натпревари со пиво и грицки, како кога обичните смртници чекаат да игра нашата фудбалска репрезентација. Убаво беше и во овој спорт да можеме да се дереме пред екран: 

МАКЕДОНИЈА,  МАКЕДОНИЈА !!!

По завршувањето на договорот со Bluejays, дечките се пуштија во акција да бараат нов тим, но бидејќи нивните резултати не беа за потценување исто како и нивните специфични индивидуални таленти, и со тоа Kyxsan и CacaNito добија понуди од други странски тимови кои и двајцата ги прифатија.

CacaNito доби понуда од ATK, a Kyxsanод APEKS.

CacaNito имаше лоша среќа во периодот на адаптација со тимот,  му се погоди да треба да игра со едни од најголемите имиња на CS:GO сцената како Astralis, Liquid, ENCE, FORZE и апкамери како Bad New Eagles кои се во таква форма што го исчистија поранешниот шампион FAZE во квалификациите.

Од друга страна судбината на Kyxsan беше и се уште е посветла, но има повеќе од приказната тука, затоа мора малку поопширно да ја разработиме.

Најтешката позиција за играње во CS:GO e IGL (in-game leader), тие луѓе се „научниците“ во оваа игра. Покрај тоа што е потребно да го водиш тимот, да гледаш што се случува на твојот екран, да ја читаш играта на противниците, да наоѓаш начини за надмудрување на нивната игра, да носиш одлуки за економија, и да повторам, да си 100% фокусиран на тоа што ти е пред екранот и ефективен во пукањето, тоа е подвиг кои многу малце можат да го прават дури и во пониските слоеви на компетитивен CS:GO. Да го правиш тоа во најврвната класа во топ 30 тимови во светот треба да си на некое сосема друго ниво. Не е лесно да се најде добар „пукач“ кој ќе се вклопи во еден  тим во толку високо ниво, ама да се најде добар IGL кој е спремен ментално да носи одлуки под притисок, да ги чита одлуките и ефективно да ги надмудрува противниците во светска класа на компетиција е речиси невозможно.

Приказната почнува така што APEKS еден тим во топ 30 екипи поради недостаток на IGL паѓа на 128 место на листата. Тим кој е составен од ветерани и млади таленти, за кој се гледа дека имаат се што треба за да може да се борат и со тимовите од топ 10, има нешто што им недостасува, тоа е добар IGL .

Тука во приказната влегува Киксан.

Добива шанса да ги покаже своите способности и таленти во овој тим и за негова среќа првите натпревари ги играат против добри тимови ама сепак, ништо во топ 30.

Тука веќе APEKS почнува да заликува на сериозен тим, тим спремен да игра против секого, кастерите на натпреварите, полека ама сремежливо почнуваат да го споменуваат неговото име и да зборат како добро се вклопил.

И така беше се додека не дојдоа квалификациите за MAJOR.

Кога почнаа APEKS да се соочуваат со тимови од врвот на класата како FAZE, тука почна нашиот Киксан да доаѓа до израз. Дали пораз или победа, секој тим јако се намачи да игра против играта на Киксан. За кратко време се виде дека веќе во светот не постои тим кој е безбеден и може да ги земе здраво за готово, или да гледа на нив како сигурна победа. Како се поплочуваше патот кон MAJOR-от се поочигледни стануваа талентите на Киксан за таа позиција. Кастерите почнаа да го споменуваат неговото име како пример и додека се играа сосема други натпревари. Во повеќе наврати беа спомнувани негови одлуки и тактики и преку него ја дефинираа, цитирам „новата генерација на IGL која гледа сосема поинаков агол на CS GO, нови стандарди на кои сеуште не сме навикнале“.

Но тука не застана да се одмотува клопчето околу Киксан. По квалификувањето на APEKS на MAJOR, веднаш по победата, пост мечот интервју даде соиграчот на Киксан Joakim “jkaem” Myrbostad. Тоа е играч кој е ветеран во играва, и кој поголемиот дел од својата кариера го има поминато играјќи во класа на Топ5 тимови како FAZE и G2, долги години борејќи се рамо до рамо и против „crème de la crème“ играчите во оваа игра.

Во самото интервју веднаш по прашањето за импресиите како се чувствува во моментот и за моменти од самиот меч, дојде прашањето за Киксан, бидејќи само тој е единствената промена од кога беа 128 место во светот па се до овој голем момент, квалификување на MAJOR.

Тоа што jkaem го кажа на интервјуто,им даде на знаење на сите за каква големина на IGL се работи.

Тој рече:

 „Да, Киксан се вклопи одлично во тимот, во последниот период имавме тренинзи со многу играчи, дадовме шанса на многу играчи, но од кога се појави Киксан, сфативме дека тој е ОЧИГЛЕДНИОТ избор “.

Joakim “jkaem” Myrbostad

Убаво е што многу кратко по успехот на Сакса гледаме нов човек кој покажува голем потенцијал во гејминот, и не само тоа, туку покажува следно ниво во подобрување во самата игра само поради неговото уникатно видување на играта. Ако го земеме фактот дека Сакса не стави на мапата, Киксан со ова што го покажа до сеа, има потенцијал да стане легенраден играч и да послужи како пример на многу следни генерации кои доаѓаат во CS GO.

Сите го сакаме Сакса, и беше жалосно што неговото име не стана толку големо се до 2022, се дури не стана светски шампион, иако многу порано човекот беше легитимен на DOTA сцената. Прв во ранкинг на светско ниво долги години, едно второ место на најголемата сцена, финансиски осигуран долги години (нормално, тоа е мерилото кај нас за успех).
Ајде да не ја направиме таа грешка со Киксан, кога веќе светот се чуди на неговите способности, кога веќе врвот на класата се „поти“ да се бори против неговата тактика, ајде барем ние да му ја дадеме почитта што ја заслужува.

Киксан има 22 години, има барем уште 5 години игра во „пикот“ на своите способности. Потенцијалот е огромен, исто како оној на Сакса, вреден за споменување, и вреден за следење. Тој е човекот кој ќе охрабри една следна генерација на млади деца да тргнат по тој пат, и во најмала рака ќе ги прошири хоризонтите за тоа што е гејминг на ова наше поднебје. Вакви успеси го легитимираат гејмингот како појава, според моето искуство не само како забава, туку и како индустрија кај нас. Не само што младите се трудат да станат професионални играчи, туку и повеќе се вработуваат во гејминг индустрија како девелопери, дизајнери, QA и се што нуди индустријата.

И да одговорам на прашањето што го поставив во насловот.

Дали Киксан ќе биде новиот Сакса?

Да, искрено се надевам дека да, се надевам дури и дека ќе биде поголем.

А на нас останува на какво ниво ќе ги претставуваме нашите квалитетни луѓе пред општеството, дали ќе чекаме Киксан некаде во иднина да освои „светско“ за да го направиме битен пред обичните смртници, или тоа ќе се трудиме да го направиме уште сега.

Очигледно е дека кај нас се раѓа квалитет и потенцијал, дали тој ќе го воздигнуваме или и негуваме дури расте, или само ќе се гордееме со неговите успеси, многу зборува за нас.

А таа одлука, е само наша…

МАРКЕТИНГ

Спорели на:

About The Author

За време на паузите меѓу натпреварите на Светското првенство во League of Legends за 2026 година, Riot Games ги изненади фановите со долгоочекувана најава: пристигнува новата ера на League of Legends.

Претставено преку низа кинематографски видеа и гејмплеј-снимки, „сеопфатното ажурирање од големи размери“ за 17-годишната игра, кое треба да пристигне во 2027 година, го носи името New Dawn. Ако реакциите и овациите во Barclays Center во Бруклин се некаков показател, најпосветените фанови на франшизата со нетрпение ја очекуваат промената.

Riot засега ги остави повеќето детали за ова големо освежување на играта на фантазијата на играчите. Кинематографскиот трејлер за New Dawn прикажа импресивни визуелни прикази на неколку омилени шампиони меѓу фановите, меѓу кои Blitzcrank, Lux, Leona, Sett, Poppy, Volibear, Riven, Jhin и Ahri. Кратките гејмплеј-снимки ги прикажаа и Master Yi и Morgana во акција. Но, што е суштината на ажурирањето? Од студиото велат дека ќе откријат повеќе детали во јануари.

Она што беше потврдено е дека League во 2027 година ќе добие целосно нов клиент за играта. Riot последен пат ја промени неговата архитектура во 2016 година. Видеото најави и освежена верзија на мапата Summoner’s Rift, која е еден од препознатливите елементи на долгогодишната MOBA-игра. Засега, фановите можат само да шпекулираат што навистина значи најавата на Riot за „еволуиран гејмплеј и нови начини за доживување на омилените шампиони“.

Како и да е, Riot очигледно има амбиција да ја прошири играта не само за долгогодишните играчи, туку и да привлече потенцијално нова публика, која можеби го познава League единствено преку Arcane или колекционерската игра со карти Riftbound. На прес-настан пред финалето, извршниот продуцент на League, Пол Белеца, јасно стави до знаење дека Riot ја гледа играта како проект што треба да опстои низ „повеќе генерации“ и дека би сакале таа да трае „100 години“. За да се постигне тоа, потребна е стратегија. Во време кога и други големи франшизи со постојана онлајн-поддршка се обидуваат да привлечат поширока публика и да го обноват интересот за своите игри (како во случајот со World of Warcraft: Forever), сосема е природно Riot да го следи истиот пат со League.

Сепак, компанијата сè уште не е подготвена да ги открие конкретните планови за играта. Наместо тоа, најавата за новата визија за гејмплејот ја искористи и за да потсети дека League останува важен дел од е-спортската сцена. И календарот за следната година ќе претрпи поголеми промени: сезоната во 2027 година ќе започне во Кина со проширен турнир First Stand, по што ќе следува Mid-Season Invitational во Валенсија, Шпанија. Светското првенство во 2027 година ќе се одржи во Јапонија и Јужна Кореја, при што Нагоја ќе биде домаќин на првите натпревари од Светското првенство во Јапонија, пред турнирот да заврши во Сеул. Riot размислува и за замена на традиционалната Play-In фаза на Светското првенство со Demacia Cup, што потенцијално би им отворило врата на повеќе тимови да се натпреваруваат.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!