„Формула составена од монотонија со преубави борби“ – Beast of Reincarnation Рецензија

Beast of Reincarnation

Game Freak е студио чие име со години речиси автоматски се поврзува со Pokémon. Но, по толку време поминато во развивање на една од најголемите гејминг франшизи во светот, јапонското студио реши да се оддалечи од добро познатата формула и да се обиде со нешто сосема поинакво. Резултатот е Beast of Reincarnation, акциона игра што ги заменува шарените светови со едноставна и детска атмосфера и малку стана постапокалиптична земја со опасни чудовишта, брзи борби и приказна за човечноста, загубата и поврзаноста.

На прв поглед, играта има речиси сè што би можело да привлече љубители на жанрот. Колку и да сакам да кажам на Соулс жанрот, сепак тоа за жал е само во визијата, желбите и визиите на креаторите на играта. Но сепак, можеме да видиме интересен свет, во центарот на вниманието е главниот лик Ема, девојка која поради инфекцијата ги изгубила своите човечки емоции и сеќавањата од минатото и нејзина задажа е да го спаси светот. Го има најубавиот придружник Волк, бидејќи сите сакаме голем волк да ни е најдобар другар. Но, зад амбициозната презентација на играта има едно многу главно нешто. Играта премногу сака да биде малото братче на Секиро коешто кога ќе порасне сака да биде Секиро и да се искачи на врвот, но сепак на врвот сака да се качи со лифт, не по скали.

Светот е преубав, но само во првите неколку часа

Приказната во Beast of Reincarnation нè носи во 4026 година, во свет кој е речиси целосно уништен од феномен познат како Blight. Јапонија е претворена во постапокалиптична земја во која природата, растенијата и технологијата се испреплетуваат на необичен начин, додека некогашните цивилизации се само остатоци од минатото. Blight не е само обична катастрофа што ја уништила човечката цивилизација. Тоа е инфекција што го менува живиот свет, создавајќи опасни суштества наречени Malefacts. Зад оваа појава стои мистериозниот Beast of Reincarnation, суштество чија моќ повторно се буди на секои сто години и претставува закана за опстанокот на човештвото.

Game Freak направиле многу интересен начин за раскажување на приказната. Наместо постојано да ги објаснува сите детали за светот, играта остава простор за откривање на неговото минато преку разговори, истражување и мали моменти во текот на патувањето. Не е на ниво на Elden Ring за и кога би завршил да не знаеш ништо, овде има смисла.

Забавата трае се до моментот кога сфаќаш дека скоро сите зони се истиот концепт, не можеш никако ни секунда да се изгубиш, и станува една иста досадна формула којашто нема смисла. За среќа, секогаш има светло на крајот од тунелот, па затоа понатамошните зони во играта стануваат интересни.

Но, јас искрено не сфатив зошто светот е толку преполнет. Буквално на секој чекар има кампски оган и на секаде има работи расфрлани низ светот. Во секоја Соулс и Соулслајк игра концептот е да има многу малку огнови за да се чувстува тежината, но во Beast of Reincarnation ми се смачи кога ги гледав буквално на секој чекор непотребно оставени. И целиот концепт во сите зони е да влезеш, да одиш само право, да го утепаш непријателот на крај и тоа е тоа.

Свет не се спасува сам, секогаш мораш да имаш сопатник

Една од најважните одлуки на Game Freak е тоа што не се обиделе да го претворат „Ку“ (волкот) во обичен придружник што служи само за визуелно надополнување на главниот лик. Сите ги знаеме тие игри. Односот на Девојката и Волкот е во центарот на приказната, а истовремено претставува и основа врз која се гради голем дел од механиките.

Морам да признаам дека Ку ми стана еден од омилените придружници што сум ги имал во било која игра што сум ја играл. Главна причина за тоа е бидејќи се работи за многу јак лик со предобри и силни моќи што во секое време спасува ситуација. И интересно како Ку може и да згази непријатели, но може да те држи и тебе во живот ако сакаш да си Тенк, а не само Демиџ.

Ку е придружник што цело време кога има борби ти го контролираш што да прави. Контролираш дали сака да напаѓа одма непријатели, да е фокусиран да го лечи карактерот, но сепак си има и свои напади коишто како во голем број RPG игри бираш каков напад сакаш да направи. Конкретно кажано се отвара еден „JRPG Панел“ и се прави такви напади. Секој напад има свои позитиви и негативи, но секогаш е позитивно.

Колку и да го обожавам со тоа што ми помагаше во секоја борба, мислам дека целиот концепт на Ку не беше искористен како што имале привично замислено. Очекував да има на моменти со него да решавам загатки, да се прават некакви привлекувања на непријатели. Но буквално е ставен само за борби и ништо друго.

Но интересно е што Ема има многу интересни способности. Нејзината коса може да се продолжува и да функционира како алатка за движење. Со неа може да создава „мостови од корења“, па да се искачува на повисоки места и да се префрла преку поголеми празнини. Дополнително тие корења служат и за во борба. Многу интересна механика којашто малку е поинтересна напишана на хартија него во играта, но цело време се користи.

Добивав панични напади од Дрвото со Таленти

Како и во сите RPG игри мора да има едно огромно Дрво со Таленти коешто некаде е масовно, некаде е нормално, но овде ми правеше панични напади колку е непотребно гигантско. Целиот систем на борба за Ема и Ку е заснован на ова дрво, и за сите што сте луди и бркавте Platinum трофеј на PlayStation, се што ќе кажам е – СО СРЕЌА.

Дрвото со таленти овозможува отклучување нови напади, подобрување на постојните способности и промена на начинот на кој функционираат одредени механики. Може да се инвестира во главното оружје што е мач, во оружјата како што е стрелите, но способностите на косата и различните Bloom Arts на Ку.

Особено интересен е фактот што Ема и Ку делат посебни одредени ресурси за напредување, па играчот мора да одлучи како ќе ги распределува достапните поени. И овде настанува паничниот напад бидејќи има премногу и сите се поделени на левели. И за да го отклучиш целото дрво и да излевелираш се на максимум, треба да утепаш повеќе од 4000 непријатели! Сакам да си вратам еден тон од саатите што ги потрошив на фармање! Еден од најдосадните Platinum трофеи што некогаш сум го бркал, па среќа не изугбив уште еден тон саати и ми текна како да го земам последниот трофеј што ми фалеше и да ја баталам играта.

Главните непријатели се предобри, но тотално промашени

Сите механики за парирaње, комбинирање способности и користење на Ку добиваат најголема смисла кога играчот ќе се соочи со главните непријатели. Тоа беа моментите во кои Beast of Reincarnation што играта најдобро ги покажува своите амбиции и способноста да создаде вистински интензивни акциски секвенци.

За разлика од обичните противници, големите непријатели бараат многу подобро разбирање на борбениот систем. Не е доволно постојано да напаѓате и да се надевате дека ќе нанесете доволно штета. Мора да ги препознавате нивните движења, да ги користите можностите за парирaње и да ги активирате способностите на Ку во вистинскиот момент.

Но, сево ова ќе беше уште подобро доколку навистина се чувствуваа како вистински главни непријатели. Јас морам да признаам дека повеќе пат умрев кога се борев против неколку помали непријатели во исто време за разлика од главните непријатели. На почеток ќе умрев од првите, после тоа беше го гледам првпат и го убивам од прва.

Веќе на третото соочување со главен непријател морав да кренам тежина на играта од „Normal“ во „Hard“ од причина што некако ми немаше смисла како тоа доаѓам да се борам со главниот непријател во зоната што треба да ме спречува, да ме мачи и се остнато, и го победувам од прва. Ниту на Hard ништо не беше променето.

Проблемот е во тоа што сите главни непријатели имаа само неколку потези што се прелесни и за Parry и за Dodge во секое време, не прават толку голема штета како тебе на карактер, дури на најтешка тежина Parry Window е многу лесен за фаќање. И кога го кажувам ова звучи многу добро. Но, сепак играта не те мачи толку и тука се сфаќа моментот зошто колку и да сака да биде Соулслајк, сепак направена е да биде акциона игра и да биде наменета буквално за сите.

Единствено што е позитивно и зотшо се предобри е дека се огромни, брзи и убаво изгледаат. Специфично последните непријатели малку се потрудиле повеќе од што треба за да има добар завршеток.

Финални зборови – Голема препорака ако сакате да уживате

Beast of Reincarnation е игра што можеби не успеа целсоно да ги исполни сите мои амбиции и желби уште од првите моменти кога беше најавена. Многу убаво ми ја продадоа, но не се жалам, бидејќи сепак и Platinum трофеј морав да и направам дека нешто ме изнервира малку.

Но дефинитивно покажува дека Game Freak има многу повеќе да понуди отколку што сме навикнати да очекуваме од студиото. Нејзиниот свет не е секогаш доволно разновиден, приказната понекогаш го губи темпото, а некои механики оставаат впечаток дека можеле да бидат подобро разработени.

Сепак, кога борбениот систем ќе дојде до израз, кога Ема и Ку ќе ги искористат своите способности во совршена комбинација и кога играта ќе ги спои сите свои најдобри елементи, станува јасно зошто овој проект заслужува внимание.

МАРКЕТИНГ

ГТА 6 е една од најочекуваните видео игри во историјата на гејмингот и гејминг индустријата. По повеќе од една деценија шпекулации, гласини, огромни протекувања и безброј прашања кога конечно ќе пристигне следното продолжение на легендарниот серијал. Рокстар Гејмс се подготвуваат повторно да нè вратат во светот кој не сме го виделе од раните 2000-ти години. После толку време ќе се вратиме во фиктивниот свет и регион познат како „Вајс Сити“. Но, за да разбереме зошто ГТА 6 предизвикува толкава возбуда, мораме да се вратиме малку наназад. Поточно, во септември 2013 година.

Тогаш PlayStation 3 и Xbox 360 сè уште беа актуелни конзоли, паметните телефони изгледаа поинаку, ТикТок не постоеше, а светот сè уште не знаеше колку време ќе помине пред да ја добие следната Grand Theft Auto игра. Рокстар Гејмс ја објави ГТА 5, нè однесе во фиктивниот град Лос Сантос и ни ги претстави карактеите Мајкл, Френклин и Тревор. Тогаш веројатно никој не ни помислуваше дека ова ќе биде играта во која ќе поминеме добар дел од следната деценија. Во меѓувреме, ГТА 5 стана многу повеќе од обична видео игра. Во рок од 13 години се искачи на третото место за најпродавани игри во историјата со повеќе од 235 милионии копии продадени на сите платформи.

Додека ГТА 5 продолжуваше да бележи огромен успех, а ГТА Online постепено прераснуваше во сопствен гејминг-феномен, прашањето за следното продолжение стануваше сè погласно. Гејмерите веќе почнаа да се прашуваат кога Рокстар Гејмс конечно ќе го најави следното поглавје.

Rockstar Games, Rockstar VI

Плановите за ГТА 6 започнале многу порано отколку што јавноста почна да претпоставува. Според Роб Нелсон, еден од раководителите на „Роксар Нортх“, уште во 2015 година дел од тимот отпатувал во Мајами за да ги прави целосните истражувања и анализи за проектот. Проектот тогаш го носел кодното име „Проџект Америкас“, а првичните амбиции биле многу поголеми. Идејата била играта да опфати огромни делови од Северна и Јужна Америка, со повеќе локации и можност за патување меѓу нив. Но, плановите не се одвивале толку едноставно.

Рокстар Гејмс во истиот период работеа и на другиот огромен наслов во тоа време „Red Dead Redemption 2“, проект кој постепено станувал сè поголем и барал ангажман од речиси сите студија на компанијата од целиот свет.

Како резултат на тоа, работата на ГТА 6 била поместена во втор план, а голем дел од ресурсите биле насочени кон завршувањето на вестерн-авантурaта која пристигна во 2018 година. Првичната замисла за огромна мапа што ќе опфаќа делови од двата американски континента подоцна била намалена на „Вајс Сити“ и околните области. Токму во 2018 година започнаа и првите посериозни шпекулации во јавноста. На 6 март, Јутјуб каналот „The Know“ објави видео во кое, повикувајќи се на анонимен извор близок до Рокстар, тврдеше дека следната ГТА ќе го носи кодното име „Project Americas“. Според тогашните информации, играта требало да се одвива во модерна верзија на Вајс Сити, но и да овозможи патување до делови од Јужна Америка.

Во следните години интернетот беше преплавен со наводни мапи, фотографии, информации од анонимни извори и теории за тоа како ќе изгледа ГТА 6. Во 2019 година се појавија шпекулации за приказна сместена во седумдесеттите и осумдесеттите години, со протагонист по име Рикардо, додека други тврдеа дека играта ќе има огромен свет инспириран од повеќе јужноамерикански градови. Се појавуваа и наводни протечени мапи, од кои голем дел подоцна се покажаа како целосно измислени.

Rockstar, од друга страна, продолжуваa да молчат и да ги негрираат информациите. Со тоа шпекулациите станаа поголеми.

Rockstar Games, Rockstar VI

Во меѓувреме, развојот на играта се соочил со дополнителни предизвици. Ковид-19 пандемијата ги испрати вработените да работат од дома, а студиото морало да ги прекине многу важните детали од нивната работа во студија за снимање движења и перформанси. Во интервју за Блумберг во октомври 2026 година, Нелсон опиша дека тимот поминал низ тежок период во кој сè уште се обидувал да ја дефинира конечната визија за играта. До крајот на 2019 година, раководството веќе ја имало основата на приказната за Џејсон и Луција, но голем дел од дизајнерските одлуки и системите во играта сè уште биле во развој.

Иако низ годините се појавуваа гласини дека проектот бил откажуван или целосно започнуван од почеток, нема официјални докази дека ГТА 6 некогаш била целосно откажана. Станува збор за долготраен процес во кој првичните планови биле менувани, дел од амбициите биле намалени, а развојот бил успорен поради други големи проекти и надворешни околности.

Првата официјална потврда дека Rockstar работи на следната Grand Theft Auto игра пристигна дури на 4 февруари 2022 година. Во кратко соопштение, компанијата потврди дека активниот развој на новото продолжение е во тек и дека нејзината цел е значително да го надмине она што претходно го понудила. Не беше објавено ни име, ни трејлер, никаква локација, датум на излегување не постоеше, но за гејмерската заедница тоа беше доволно.

Само неколку месеци подоцна, во септември 2022 година, следеше уште еден настан кој ја обиколи целата гејминг-индустрија. Непознат хакер објави десетици видеа од рана развојна верзија на ГТА 6, со вкупно околу 50 минути материјал. На снимките можеа да се видат делови од играта во развој, вклучувајќи ги Вајс Сити, главните ликови и некои од механиките. Рокстар Гејмс потврдија дека претрпела неовластен упад во својата мрежа и дека биле украдени доверливи информации, меѓу кои и снимки од новата игра. Компанијата изрази разочарување што материјалите биле објавени на тој начин, но истовремено порача дека инцидентот нема долгорочно да влијае врз развојот на проектот. За игра која со години се чуваше во строга тајност, ова беше огромен удар.

Декември 2023 – конечно го добивме првиот трејлер

По речиси две години од официјалната потврда дека се работи на следната игра, Рокстар Гејмс конечно ставаат крај на тишината. На 8 ноември 2023 година, ко-основаrчот и претседателот на компанијата, Сем Хаузер, објави дека првиот трејлер за следната ГТА ќе пристигне на почетокот на декември, во месецот кога Рокстар Гејмс го одбележуваше својот 25-годишен јубилеј.

Возбудата меѓу фановите беше огромна. На 1 декември компанијата потврди дека трејлерот ќе биде премиерно прикажан на 5 декември во 15:00 часот. Но, планот не издржа ни до закажаната премиера. Вечерта на 4 декември, на социјалните мрежи се појави протечена верзија од трејлерот, со низок квалитет и жиг. Рокстар реагираше брзо и реши да ја објави официјалната верзија порано од планираното, со кратка порака дека трејлерот протекол и дека фановите треба да ја погледнат вистинската снимка на Јутјуб.

И така, по повеќе од десет години чекање, конечно го видовме првиот официјален поглед кон Grand Theft Auto 6.

Во нешто повеќе од минута и половина, Рокстар ни го претстави фиктивниот свет Леонида, измислената американска сојузна држава инспирирана од Флорида, со неонските улици, плажите и препознатливата атмосфера на Вајс Сити. Трејлерот ги откри и двајцата главни протагонисти – Луција и Џејсон, криминален пар чија приказна очигледно ќе биде еден од централните делови на играта.

Особено внимание привлече Луција, која стана првата жена протагонистка во главната приказна на серијалот со можност за играње во модерната ера на Grand Theft Auto. Уште првите кадри ја прикажаа во затвор, а потоа ја видовме заедно со Џејсон во свет полн со криминал, забави, луди интернет-трендови и препознатливи ситуации што Рокстар ги користи за да ја исмева современата американска култура.

Кога Rockstar го објави првиот трејлер, најавата беше дека играта ќе пристигне во 2025 година. Неколку месеци подоцна, во мај 2024 година, Take-Two Interactive, матичната компанија на Rockstar, го стесни периодот на излегување на есента 2025 година. По толку долго чекање, фановите конечно имаа барем приближен рок кога ќе можат да ја видат играта.

Но, на 2 мај 2025 година пристигна првото големо разочарување. Рокстар објави дека играта нема да излезе во есента истата година, туку на 26 мај 2026 година. Компанијата им се извини на фановите за дополнителното чекање и објасни дека им е потребно повеќе време за да ја заврши играта на нивото на квалитет што публиката го очекува од неа.

Одложувањето беше разочарувачко, но многумина се надеваа дека дополнителните месеци ќе бидат доволни. Четири дена подоцна, на 6 мај, Rockstar го објави и вториот трејлер, со нови сцени од играта, повеќе детали за Џејсон и Луција и прв поголем поглед кон животот во Леонида. Возбудата повторно се врати, а датумот 26 мај 2026 година стана новата цел за фановите.

Сепак, ни тој датум не беше конечен. На 6 ноември 2025 година, Рокстар објави дека ГТА 6 повторно се одложува, овојпат за 19 ноември 2026 година. Во соопштението компанијата наведе дека дополнителното време е потребно за да го доврши проектот и да го испорача квалитетот што играчите го очекуваат. Со ова, играта беше поместена за речиси шест месеци од претходно најавениот датум.

Два одложувања за помалку од една година, а со секое ново соопштение фановите добиваа уште малку трпение како задолжителен дел од ГТА искуството. Интернетот, се разбира, не пропушти да се пошегува на сметка на постојаното поместување на датумот, но зад шегите остануваше едно прашање: дали Рокстар конечно ќе го испочитува и овој рок? На 17 ноември 2026 година, официјалниот датум на излегување останува 19 ноември. По тринаесет години од ГТА, речиси три години од првиот трејлер и две одложувања, до излегувањето на играта остануваат само два дена.

По сите одложувања, трејлери и години чекање, ГТА 6 конечно влезе во последната фаза пред излегувањето. Во јуни 2026 година Рокстар ги отвори преднарачките, со што играта и официјално почна да се подготвува за своето лансирање. На располагање беа две изданија – Standard Edition и Ultimate Edition, која вклучува дополнителни дигитални содржини поврзани со приказната на Џејсон и Луција. Сите што ќе ја купат играта пред 20 ноември добиваат и Vintage Vice City Pack, со предмети инспирирани од препознатливиот изглед на градот.

Во последните недели пред лансирањето, Рокстар продолжи да го гради интересот со нови материјали. На официјалната страница се појавија дополнителни снимки од играта, галерија со слики од Леонида, како и повеќе информации за музиката што ќе го придружува патувањето низ Вајс Сити и околината. Компанијата постепено откриваше нови детали за светот, неговите жители и атмосферата, но истовремено продолжи да чува голем дел од приказната и изненадувањата во тајност.

Цел Мајами е во изглед на Вајс Сити

Најголемиот дел од промотивната кампања беше насочен во Мајами. Рокстар реши да ја искористи таа поврзаност и буквално да го претвори вистинскиот град во промотивна верзија на светот од играта.

На улиците се појавија билборди од фиктивни компании, фиктивни телевизиски станици, ресторани и ноќни клубови што постојат само во играта. Наместо обични реклами за самата игра, минувачите можеа да видат промоции за „Weazel News“, автомобилската компанија „Coil“, радиостаницата „Chamber 106.6“ и други брендови од универзумот на играта. На плажите во Мајами Бич беа поставени розови и сини чадори и лежалки со ознаките на Vice City, а низ градот се појавија тематски автобуси, возила и големи мурали со Џејсон и Луција.

Еден од највпечатливите потези беше огромниот натпис „Welcome to Vice City“ поставен на покривот на „Kaseya Center“, арената во која настапува кошаркарскиот тим „Мајами Хит“. Целата кампања беше толку голема што локалните власти на округот Мајами-Дејд објавија промотивен пакет вреден 3,9 милиони долари, кој опфаќа рекламирање на меѓународниот аеродром, пристаништето и низ јавниот транспорт. Дел од договорот со Рокстар беше и самиот натпис на арената.

Интересно е што оваа промоција отвори и локална дебата. Некои претставници на властите се спротивставија на користењето јавни ресурси за рекламирање игра во која има криминал и насилство, додека други сметаа дека градот треба да ја искористи светската популарност на GTA 6 за да привлече внимание и посетители.

Иако Мајами беше центарот на кампањата, Рокстар не ја ограничи промоцијата само на градот што го инспирираше Вајс Сити. Во неделите пред излегувањето, големи реклами со Џејсон и Луција се појавија во Њујорк, Лос Анџелес, Чикаго, Париз, Лондон, Виена, Келн, Варшава, Мадрид, Барселона и Лисабон. Кампањата стигна и до Токио, Тајпеј, Сингапур, Хонг Конг и Мелбурн.

Во некои градови беа поставени огромни билборди и дигитални екрани, додека на други локации цели фасади на згради беа покриени со промотивни илустрации. Во Париз, на пример, рекламата на кулите Les Mercuriales привлече особено внимание, со огромни прикази на главните ликови и датумот на излегување. Во Лондон, промоцијата се појави и на фасади и во големи трговски центри, а во други градови беа забележани автобуси целосно обложени со визуелниот идентитет на играта.

Целта беше едноставна, каде и да се наоѓаат фановите, да добијат впечаток дека ГТА 6 е насекаде. И секоја фотографија од нов билборд, мурал или автобус дополнително ја ширеше кампањата на интернет, без Рокстар да мора да објавува посебна реклама за секоја локација.

Една од најинтересните соработки е договорот со NBA тимот Мајами Хит. На 18 ноември, ден пред официјалното излегување на играта, тимот ќе настапи под името Вајс Сити во специјален настан наречен „Ноќ во Вајс Сити“. За таа пригода се подготвени специјални дресови во црна и розова боја, тематски кошаркарски терен и производи со визуелниот идентитет на играта.

Музиката отсекогаш била еден од најпрепознатливите делови на серијатлот. Радиостаниците, водителите, рекламите и песните што ги слушаме додека возиме низ градот често стануваат исто толку незаборавни колку и самите мисии. Студиото добро знае дека музиката е важен дел од идентитетот на серијалот, па затоа и промоцијата на играта ја искористи за да создаде дополнителна возбуда, но и да ја претстави атмосферата на светот во кој ќе се одвива играта.

Уште во првиот трејлер се покажа колку добро Рокстар знаат да изберат песна што ќе остане поврзана со играта. За музичка подлога беше избрана „Love Is a Long Road“ од Том Пети, песна објавена во 1989 година на неговиот албум „Full Moon Fever“. Изборот се покажа како полн погодок. Песната се вклопи со приказната за Џејсон и Луција, но и со атмосферата на Флорида, од каде што потекнуваше самиот Пети.

Ефектот беше видлив и на музичките платформи. Според податоците што Спотифај ги сподели со „Universal Music Publishing Group“, слушањата на песната по објавувањето на трејлерот се зголемиле за неверојатни 36.97 отсто во споредба со претходната недела. Со други зборови, песна стара повеќе од три децении одеднаш доби нова публика благодарение на видео игра.

Слична приказна се повтори и со вториот трејлер, објавен во мај 2025 година. Овојпат студиото ја избра „Hot Together“ од The Pointer Sisters, песна од 1986 година. Само два часа по објавувањето на трејлерот, слушањата на песната на Спотифа пораснале за 182 отсто во споредба со истиот период една недела претходно.

Но, студото не застана само на изборот на музика за трејлерите. На 27 август 2026 година беше објавен и „Grand Theft Auto VI: An Extended Look“, подолг приказ на светот и содржините во играта, во кој музиката доби уште поголема улога. Во видеото беа вклучени 15 песни од различни жанрови и периоди, а реакцијата на публиката повторно се прелеа на стриминг-платформите.

На 17 септември 2026 година Rockstar отиде и чекор понатаму, најавувајќи го „Grand Theft Auto VI: The Album“, официјален музички албум што ќе биде објавен заедно со играта на 19 ноември. Албумот е создаден во соработка со издавачката куќа Atlantic Records и содржи 34 оригинални песни од изведувачи од различни музички жанрови.

Меѓу имињата што беа откриени во првата најава се Travis Scott, Future, Metro Boomin, Yung Lean, PinkPantheress, Fred again.., Morgan Wallen, Rauw Alejandro и Keith Richards. Првите шест синглови беа објавени веднаш, а за нив беа достапни и дигитални верзии за слушање и претходно зачувување на музичките платформи. Rockstar најави и физички изданија на албумот на винил и CD, вклучувајќи специјални колекционерски изданија.

Во септември 2013 година, кога првпат влеговме во Лос Сантос, веројатно никој не очекуваше дека ќе поминат повеќе од 13 години пред повторно да добиеме целосно нова Grand Theft Auto игра. Во меѓувреме сменивме конзоли, компјутери, телефони, музика, трендови и цели генерации гејмери. ГТА 5 остана со нас низ сето тоа време, а студиото успеа да ја претвори во една од најуспешните и најдолговечните игри во историјата.

Сега, по години шпекулации, лажни протекувања, вистински протекувања, бескрајни теории, трејлери и две одложувања, конечно сме пред вратите на Вајс Сити. Џејсон и Луција се подготвени да ја започнат својата приказна, а милиони играчи ширум светот се подготвени повторно да се изгубат во еден свет на Rockstar.

Дали ГТА 6 ќе ги оправда сите очекувања? Дали ќе постави нови стандарди за отворените светови и видео игрите воопшто? Дали ќе стане новата игра со која ќе се споредуваат сите следни големи изданија? Одговорите ќе ги добиеме дури кога ќе почнеме да ја играме. Но, едно е сигурно, ретко која игра успеала толку долго да го задржи вниманието на светот, а уште поретко некоја игра успеала да направи нејзиното излегување да изгледа како настан што го чека цела генерација.

Од Лос Сантос до Вајс Сити. Од 2013 до 2026 година. По 13 години, приказната продолжува.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!