Games Workshop ќе го препечати од ново и повторно ќе го издадат оригиналното издание на Warhammer 40.000. За 30-годишнината од воената друштвена игра, уште во 2017 година се случи ова одново издавање, но го направија достапно само во Warhammer World во Нотингем. Многумина немаа шанса да отпатуваат до таму и да си земат една едиција, па затоа за сите сега ќе биде многу повеќе достапно.
На неодамнешниот преглед на новите изданија, Games Workshop објави дека препечатеното прво издание на Warhammer 40.000: Rogue Trader Rulebook ќе биде достапно преку печатење по барање, а нарачките може да се направат помеѓу 14 и 23 октомври. Секој кој ќе си нарача една копија таа ќе му стигне по карго во период од 180 работни дена. За жал нема да одите например во Гоблин Друштвени Игри и да си ја купите од таму.
Првата верзија на Warhammer 40.000 излезе во 1987 година и на некој начин беше сосема поинаква од сегашното 10-то издание. За почеток, тоа беше игра со улоги колку и воена игра, со претпоставка дека трет играч ќе го преземе делот од „гејмсмастер“ кој ги толкува правилата, го претставува сценариото и зема дел од сите независни сили на бојното поле. Битките беа на ниво на одред, со значително помали војски и претпоставка дека би користеле токени или какви и да било минијатури при рака, бидејќи во тој момент постоеле толку малку официјални мини.