PlayStation Plus Игри за месец Мај: GRID Legends, Chivalry 2 & Descenders

PlayStation ја потврди следната серија бесплатни игри за претплатниците на PlayStation Plus. Членовите на PS Plus во сите три нивоа ќе можат да ја преземат оваа тројка на игри во мај 2023 година: Grid Legends, Chivalry 2 и Descenders. Сите три игри ќе бидат бесплатни за претплатниците на PS Plus почнувајќи од 2 мај. Прво одиме сите на скара после гејмаме!

Фановите на трките и возењето дефинитивно ќе сакаат да ја изиграат Grid Legends. Објавена минатата година, најновата Grid игра на Codemasters (петта во франшизата) е веројатно најдобрата досега. Grid Legends има режим на Cinematic Story Mode, Multiplayer со повеќе видови за до 22 играчи и пакет кој што ви дава опција да си правите и ставате песни. Добро е да се провери без разлика дали сте тврдоглав љубител на трки или обичен играч, бидејќи играта е хибридна тркачина со аркадни симулации. И двете верзии на PS5 и PS4 на Grid Legends ќе бидат достапни.

За љубителите на екстремни спортови, Descenders вреди да се игра во мај. Игра со велосипеди која што има многу едноставна причина зошто да ве повлече да ја играте – Возите Велосипед Брзо! Многу брзо! Оваа игра со планински велосипеди има процедурално генерирани патеки за да ги одржува работите свежи, а самиот велосипед исто така има специјални пермутации и надоградувања. Descenders е забавна тркачина (исто како Grid Legends) без разлика дали играте соло или со пријателите онлајн. Таа е исто така една од оние спортски игри во кои е прилично лесно може да се влезе, но мора да одвоите време за навистина да го совладате неговиот уникатен стил.

Во меѓувреме, Chivalry 2 е сосема поинаков вид на игра со повеќе играчи. Играте како средновековен воин низ огромни арени (бојни полиња) со 64 играчи. Игра во прво лице, Chivalry 2 е брза и крвава игра која содржи повеќе од 30 различни оружја, разновиден систем на класи и подкласи. Да, можете да ги газите вашите противници на коњ! Е тоа е лудилото!

МАРКЕТИНГ

Љубителите на Grand Theft Auto, гејмерите и креаторите на дигитална содржина ќе имаат можност да бидат дел од еден специјален настан посветен на долгоочекуваната GTA 6. На 19 ноември, во Скопје ќе се одржи GTA 6 Launch Event, кој истовремено ќе се организира на двете локации на Inferno Gaming Club – Inferno 1 во Тафталиџе и Inferno 2 во Кисела Вода.

Настанот ќе започне во 11:00 часот, а посетителите ќе можат да очекуваат целодневна дружба, гејминг, музика и атмосфера инспирирана од легендарниот Vice City. Организаторите најавуваат тематска музика во текот на целиот ден, со звук и енергија што ќе потсетуваат на препознатливиот свет на Grand Theft Auto, претворајќи ги гејминг-клубовите во места за вистинско GTA доживување.

Централниот дел од настанот ќе биде можноста посетителите да ја испробаат GTA 6 и одблизу да се запознаат со играта. Сите заинтересирани ќе можат да добијат свој термин за играње и да го искусат старо-новиот свет на Rockstar Games, но настанот нема да биде наменет исклучиво за оние што сакаат да седнат пред конзолата.

Идејата е да се создаде простор за собирање на домашната гејминг-заедница, размена на искуства, запознавање нови луѓе и поврзување на креаторите на дигитална содржина. Настанот ќе биде можност за дружба меѓу гејмери, стримери, јутјубери, инфлуенсери и сите оние што ја следат гејминг-културата, со можност за нови соработки и запознавања.

Посетителите ќе можат да разговараат за играта, да ги споделат своите први впечатоци, да разменат мислења за новините во GTA 6 и едноставно да поминат ден во друштво на луѓе со слични интереси. Со музика, тематска атмосфера и активности во текот на денот, организаторите сакаат настанот да прерасне во вистинско собирање на гејминг-заедницата, а не само во можност за тестирање на нова игра.

БЕСПЛАТНО ИГРАЊЕ, НО СО ЗАДОЛЖИТЕЛНО АПЛИЦИРАЊЕ ЗА ИГРАЊЕ

Една од најважните информации за сите заинтересирани е дека учеството и можноста за играње на GTA 6 се целосно бесплатни. Посетителите нема да треба да плаќаат за да ја испробаат играта, а можноста ќе биде достапна во текот на целиот настан.

Сепак, поради организацијата и распоредот на термините за играње, сите што сакаат да ја испробаат GTA 6 ќе треба однапред да аплицираат преку официјалниот формулар.

По апликацијата ќе се врши јавно влечење за сите луѓе што ќе се пријават за термин за играње, со што ќе се овозможи подобра организација и ќе се избегне непотребно чекање.

КОГА, КАДЕ И ЗОШТО?

GTA 6 Launch Event ќе се одржува на 19 ноември, со почеток во 11:00 часот, истовремено во Inferno 1 во Тафталиџе и Inferno 2 во Кисела Вода.

За сите љубители на Grand Theft Auto, ова ќе биде можност да го дочекаат новото поглавје на франшизата во друштво на домашната гејминг-заедница, со целодневна Vice City атмосфера, музика, дружење и, секако, можност први да ги споделат своите впечатоци од GTA 6.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!