MGM сега е дел од Amazon

Amazon официјално го купи гигантот MGM за наверојатни $8.45 милијарди, без јавен одговор од FTC (Federal Trade Commission) за тоа дали ќе го оспори договорот или не. Извештаите со месеци сугерираат дека FTC размислува за предизвик, а The Wall Street Journal на почетокот на овој месец забележа дека Amazon потвдри дека му се дале на FTC сите потребни информации поставувајќи рок од средината на месецот дека ќе го затвори договорт, со или брз одговор од агенција и нејзиниот нов лидер Lina Khan.

Откако првично одби да коментира за затворањето на зделката, FTC навистина исптари изјава. Директорот на канцеларијата за јавни работи на FTC – Lindsay Kryzak го изјави следново:

FTC не коментира за некои конкретни прашања. Сепак повторуваме дека Комисијата не одобрува трансакции и може да го оспори договорот во секое време доколку утврди дека го прекршува законот. Дополнително ова лето FTC објави дека ќе испрати предупредувачки писма пред потрошувачката во врска со зделките што не можат целосно да се истражат во временските рокови утврдени со законот на HSR. Овие писма ги предупредуваат страните што се спојуваат дека нивните трансакции остануваат под истрага и предупредувања дека завршувањето се случува на нивен сопствен ризик.

Lindsay Kryzak

FTC не коментираше ни изјави дали некогаш Amazon добиле вакво писмо.

Претходно оваа недела, антимонополската комисија на Европската унија даде зелено светло за купување на Амазон, истакнувајќи дека трансакцијата нема да предизвика загриженост за конкуренцијата бидејќи преклопувањата меѓу двете компании се ограничени. Се чини дека Амазон го сфати тоа како доволно одобрение и го затвори договорот речиси една година откако двете компании првпат го потпишаа.

Прекрасното стекнување на забавниот гигант кој што е креатор на франшизи како James Bond, Rockey, The Addams Family, The Handmaid’s Tale, и мноштво други култни емисии и филмови треба да помогнат да се зајакне постоечката Prime Video библиотека на Амазон. Високиот потпретседател на Amazon, Mike Hopkins го изјави следново:

Им кажуваме добредојде на вработените, креаторите и талентита на гигантот MGM во Prime Video и Amazon Studios, и со нетрпение очекуваме да работиме заедно за да создадеме уште повеќе можности за давање квалитетно раскажување на приказни на нашите клиенти.

Mike Hopkins

Додавањето на огромната колекција на MGM – да не збориме за можноста за повеќе оригинали може да и помогне на услугата за стриминг на Амазон да добие предност на Netflix, HBO Max и семејството на услуги на Disney. Како што е сега, претплатниците на Prime плаќаат (ново зголемена) такса од $139 годишно. Со таа претплата добиваат преку 26000 филмови и 2700 серии кои што се достапни на Prime Video, заедно со други поволности како бесплатна дводневна испорака за какви било купувања од страницата.

Оваа вест доаѓа додека другите медиумски џинови бараат да ги размрдаат работите од индустријата за стриминг. Минатата година, AT&T објави дека го спојува WarnerMedia со Discovery во потег што опфаќа емисии од големи мрежи вклучувајќи HBO, CNN, Cartoon Network, GHTV, TLC, Food Network и многу повеќе. Спојвување штотуку беше одобрено од амерканската влада во февруари а HBO Max и Discovery Plus ќе се комбинираат во една апликација како резултат.

МАРКЕТИНГ

Оваа недела Xbox одбележува 25 години од своето постоење. По тој повод, извршната директорка на Xbox, Аша Шарма, објави долга објава на X, во која ја опиша долгата историја на Microsoft во гејминг-индустријата, која започнува многу пред објавувањето на првата конзола Xbox на 15 ноември 2001 година. Сепак, иако најголемиот дел од објавата наликува на вообичаените блог-текстови по повод годишнини од раководители во гејминг-индустријата, последниот дел навестува дека компанијата би можела да тргне во нов правец со најконтроверзната технологија во моментов – генеративната вештачка интелигенција.

„Иако современите игри ги покажуваат највисоките достигнувања на човечката креативност на начини што пред само неколку децении беа незамисливи, трошоците, ресурсите и ризиците потребни за нивно создавање пораснаа исто толку драматично“, напиша Шарма. „Како резултат на тоа, премногу идеи никогаш не стануваат игри, а премногу игри не го достигнуваат она што нивните креатори го замислиле. Со децении, ова беше неизбежниот компромис при остварувањето амбициозни проекти. Мораме да го промениме тоа.“

Шарма неодамна ја опиша гејминг-дивизијата на Microsoft како „нездрава“ и изјави дека Xbox се наоѓа во процес на „рестартирање“, кое веќе доведе до отпуштање на повеќе од илјада вработени и продажба на неколку омилени студија, меѓу кои и Double Fine.

Следниот пасус на Шарма дава одреден увид во тоа како компанијата планира да ја промени ситуацијата. „Низ човечката историја, обемот на она што можевме да го создадеме зависеше од луѓето, капиталот и ресурсите со кои располагавме“, продолжи Шарма. „Таа поврзаност почнува да се менува. Едно лице наскоро ќе може да располага со можности за кои некогаш беа потребни цели нации. Мал тим ќе може да создава светови за кои денес се потребни стотици програмери и стотици милиони долари. А нашите најголеми студија ќе можат да реализираат амбиции што далеку ги надминуваат денешните игри, исто како што Microsoft Flight Simulator 2024 е далеку понапреден од првото издание во 1982 година.“

Иако Шарма внимателно избегна директно да го употреби терминот „вештачка интелигенција“, идејата дека „мал тим“ ќе може да „создава светови за кои денес се потребни стотици програмери и стотици милиони долари“ изгледа остварлива единствено во контекст на оваа технологија. Современите ААА-видеоигри обично бараат сè поголем број програмери, а како резултат на тоа, трошоците за нивниот развој постојано растат низ целата индустрија.

Искуството на Шарма со вештачката интелигенција

Откако Шарма беше назначена за нова извршна директорка на Xbox, многумина почнаа да шпекулираат дека гејминг-дивизијата на Microsoft со текот на времето сè повеќе ќе се потпира на вештачката интелигенција. Пред да ја преземе сегашната функција, Шарма беше корпоративна потпретседателка за видео во Microsoft и раководителка за производи во рамките на платформата за вештачка интелигенција, а потоа ја предводеше организацијата CoreAI за развој на производи во компанијата.

Во услови на постојани критики кон генеративната вештачка интелигенција поради нејзиното потенцијално негативно влијание врз работните места, уметничкото изразување и животната средина, Шарма се обиде да ја намали важноста на своето претходно учество во развојот на оваа технологија. Во блог-објава од февруари, таа изјави: „Како што се развиваат монетизацијата и вештачката интелигенција и влијаат врз оваа иднина, нема да бркаме краткорочна ефикасност ниту ќе го преплавиме нашиот екосистем со бездушна содржина генерирана од вештачка интелигенција. Игрите се и секогаш ќе бидат уметност, создадена од луѓе и со помош на најиновативната технологија што ја обезбедуваме“.

Сепак, на 13 октомври, таа го најави Xbox Labs, експериментална дивизија инспирирана од неодамнешниот бран проекти за декомпајлирање, пренесување и модифицирање игри, потпомогнати од вештачка интелигенција. И покрај тоа што оваа група недвосмислено се занимава со код генериран од вештачка интелигенција, Шарма успеа ниту еднаш да не го употреби зборот „AI“ во објавата со која го претстави тимот.

Најновата блог-објава на Шарма е доста слична, бидејќи ги опишува промените во индустријата за видеоигри предизвикани од генеративната вештачка интелигенција, без директно да ја именува технологијата. Иако многу играчи со право не ја одобруваат употребата на генеративна вештачка интелигенција при создавањето игри, нејзината употреба за пишување или помош при создавање програмски код тивко стана дел од софтверската индустрија.

Истражувањето на Stack Overflow за 2025 година, во кое беа опфатени случувањата во текот на годината, покажа дека 84 отсто од анкетираните софтверски програмери користат алатки за вештачка интелигенција во одредена форма. Иако сè уште постои надеж дека оваа ситуација би можела да се промени преку законски регулативи или други механизми, се чини дека повеќето големи гејминг-компании ќе продолжат да се потпираат на генеративната вештачка интелигенција сè додека не дојде до некаква значајна промена.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!