God of War Ragnarök доби NewGame+

Барате изговор да ја земте во раце Leviathan Axe за уште една авантура? Почнувајќи од денес, има ново ажурирање за God of War Ragnarök со многу нови содржини, сите изградени околу робусниот режим New Game Plus.

Новата NewGame+ се отвора за секој што ја победил играта, а целата ваша опрема и вештини ќе дојдат заедно како што сте ги оставиле во вашиот последен SAVE. Исто така, имате пристап до сите оружја, вклучувајќи го и Draupnir Spear од самиот почеток. Сепак, треба да се забележи дека областите за кои е потребно тоа копје за пристап ќе останат затворени додека не стигнете до соодветната точка во приказната. Од слични причини, нема да ја започнете вашата нова игра со стрелите Sonic или Hex.

Се појавуваат неколку нови оклопи и сетови за армори. Најинтересен е Спартанскиот оклоп, кој потсетува на изгледот на Кратос од старите денови во грчкиот Пантеон. Додека го носите, немате поволности, нема статистика и е заклучен на ниво 1 – очекувајте предизвик. NG+, исто така, располага со нов Level Cap, Enchantments и Progression Paths за подобрување на вашите способности. Играчите можат да се справат и со проширената верзија на Niflheim Арената, каде што играте како Кратос или Атреус и со себе носите различни придружници за да ви помогнат.

Помеѓу неколкуте други дополнувања и подобрувања, играчите можат да го преземат и режимот за црно-бело рендерирање за повеќе филмски игра. Дали некој ќе игра BW верзија од Ragnarök? 99.9% Не…

God of War Ragnarök беше објавена минатиот ноември за PlayStation 5 и PlayStation 4. Целосните детали за новопристигнатата содржина можете да ги прочитате на блогот на PlayStation.

МАРКЕТИНГ

Xbox овој месец ја прославува својата 25-годишнина, а по тој повод ги изненадува фановите со бројни подароци и најави. Игри како Minecraft, Microsoft Flight Simulator 2024, Gears E-Day и други добија бесплатни содржини по повод прославата. Покрај бесплатните предмети во игрите, играчите добија и неколку возбудливи најави од студијата Id Software и MachineGames, кои се во сопственост на Bethesda.

Извршната директорка на Xbox, Аша Шарма, во четвртокот објави порака на X во која зборуваше за подобрувањата што пристигнуваат на Xbox, но тоа не беше сè. Таа ја промовираше и новата Slaughter Mode, бесконечен борбен режим за Doom: The Dark Ages. Во овој режим, играчите ќе се соочуваат со сè посилни бранови случајно избрани демони, со цел да освојат што повеќе поени и да собираат черепи кои можат да ги заменат за уникатни награди. По секој бран, ќе мора да одлучат дали ќе продолжат и ќе ризикуваат да го изгубат целиот дотогашен напредок или ќе се откажат и ќе се обидат повторно подоцна.

Ажурирањето со Slaughter Mode за Doom: The Dark Ages треба да биде објавено во понеделник, на 16 ноември. Бесплатно ќе биде достапно за играчите кои го поседуваат DLC-пакетот Revelations, како и за оние кои ја купиле премиум верзијата или премиум надградбата за Doom: The Dark Ages.

Id Software и MachineGames работат на нови игри

Студиото Id Software, кое стои зад Doom: The Dark Ages, одговори на објавата на Шарма за новото ажурирање и потврди дека неговите тимови во Тексас и Франкфурт работат на нова игра. Се чини дека мистериозниот проект сè уште е во рана фаза на развој, бидејќи Id Software не сподели многу детали. Сепак, потврди дека режисер на играта ќе биде Хуго Мартин, кој ја предводеше работата на The Dark Ages.

Ова не беше единствената најава за нова игра во четвртокот. Шарма потврди дека Wolfenstein 3 официјално е во продукција во студиото MachineGames. Ваквата најава беше очекувана, бидејќи минатата година шефот на студиото, Јерк Густафсон, потврди дека рестартирањето на серијалот Wolfenstein отсекогаш било замислено како трилогија. Сепак, официјалната потврда дека играта се развива претставува значаен чекор напред во однос на претходните гласини и шпекулации.

Двете најави беа придружени со малку детали, па веројатно станува збор за проекти кои сè уште се во рана фаза на развој. Сепак, ова се одлични вести за фановите кои со нетрпение очекуваат нови игри од овие студија. Засега ќе мора да почекаме за повеќе информации, но за среќа, новиот режим на игра во Doom: The Dark Ages ќе ни понуди нешто со што ќе го исполниме времето дотогаш.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!