Во новиот извештај на Wall Street Journal е наведено дека Netflix е во преговори со Take-Two Interactive и Rockstar Games за купување на лиценцата за поседување на правата за GTA. Односно сакаат играта да биде на нивната платформа во иднина.
Според Wall Street Journal и нивните извори го добивме следново. „Они (Netflix) разговараа за плановите за издавање игра во рамките на Grand Theft Auto од Take-Two Interactive Software преку договор за лиценцирање тоа да се случи на нивната платформа“.
И покрај извештаите и гласините на интернет кои ги извадија информациите од контекст, договорот не е за нова игра во развој на Netflix. Наместо тоа, Netflix едноставно ги сака правата да има игра која ќе се вика Grand Theft Auto на својата платформа. Иако извештајот не навлегува во која игра, но нормално може да се претпостави дека најверојатно се однесува на најновата делумно најавена, GTA 6.
Иако GTA 6 допрва треба да се објави (односно прво да се најави), Take-Two Interactive објави дека компанијата очекува значително зголемување на приходите во следната фискална година. Take-Two очекува зголемување од 2,5 милијарди долари, што доведе до тоа мнозинството од заедницата да верува дека откривањето на GTA 6 е на пат!
Извештајот исто така открива дека Netflix сега има огромен фокус на мобилните игри и како таков ќе лансира широк спектар на мобилни игри на својата платформа во наредните месеци. Игрите ги вклучуваат корејската серија „Squid Game“ и натприродната комедија „Wednesday“, се наведува во извештајот. Покрај тоа, во извештајот се цитираат и свои извори и се вели дека Нетфликс разговара за игри базирани на „Extraction“, нивниот серијал на Шерлок Холмс и серијата „Black Mirror“.