Red Dead Redemption доаѓа на Nintendo Switch и PlayStation 4

Red Dead Redemption и додатокот за зомби верзијата Undead Nightmare доаѓаат на PlayStation 4 и Nintendo Switch на 17 август, објавија Rockstar.

Вестерн авантурата на Rockstar од 2010 година, која беше лансирана само на PlayStation 3 и Xbox 360, за кратко ќе добие портови на PS4 и Switch од девелоперите од Англија – Double Eleven Studios, со поддржана компатибилност со PlayStation 5, што е прилично предобро.

Портањето на играта не е ремастер или римејк, туку „конверзија“, според Rockstar, и вклучува новоподдржани јазици како што се поедноставен и традиционален кинески, корејски, полски, бразилски португалски, руски и латиноамерикански шпански. Играта ќе чини 49,99 долари на Nintendo Switch eShop и PlayStation Store, а физичките верзии пристигнуваат на 13 октомври. За тоа ќе почекаме малку.

Rockstar за жал не спомнаа дали ќе има верзии за PC или XBOX. Red Dead Redemption е веќе достапна на модерните Xbox конзоли преку бекврдс компатамбилност со оригиналната верзија на Xbox 360. Сепак, недостатокот на верзија за PC, која Rockstar никогаш официјално не ја објави, сигурно ќе предизвика разочарување.

Red Dead Redemption ја претставува ѕвездата на серијата Џон Марстон додека патува низ Дивиот Амерички запад дополнително и Мексико за да ги пронајде последните преостанати членови на озлогласената банда Van der Linde. Настаните од Red Dead Redemption 2 од 2018 година директно водат во приказната за неговиот претходник. За тие што можеби не знаат, Red Dead Redemption 2 е Приквел!

Red Dead Redemption на Nintendo Switch и PS4 го вклучува и Undead Nightmare, експанзијата на приказната во која се гледа дека Марстон се бори да ја преживее хордата на зомбиња.

МАРКЕТИНГ

На 12 ноември, извршната директорка на Xbox, Аша Шарма, сподели нов гејмплеј трејлер за Fable, долгоочекуваниот четврти дел од серијалот Fable, кој го развива студиото Playground Games. Иако возбудата околу играта останува голема, многу фанови ги споделија своите негативни реакции на интернет, што покажува дека ова би можело да биде уште едно контроверзно издание.

Fable треба да излезе на 23 февруари 2027 година. Играта се развива речиси една деценија, а првите информации за неа се појавија во 2018 година. Ова е првата игра од серијалот што не ја развива студиото Lionhead Studios, откако Microsoft го затвори во април 2016 година. Fable претставува обид за оживување на саканата франшиза создадена од Питер Молино и неговиот тим во Lionhead, кои ги објавија првите три игри од серијалот, добредојдени од критичарите, во периодот од 2004 до 2010 година.

Во Fable, играчите повторно ќе се вратат во земјата Албион и ќе ја преземат улогата на Херојот, но приказната нема да ја следи воспоставената временска линија на претходните игри од серијалот. Според најновиот трејлер, тоа нема да биде единствената разлика.

Трејлерот за Fable, објавен на 12 ноември, прикажува женски Херој кој ја следи трагата на жена по име Изабел, за која се тврди дека го нападнала нејзиното село и ги претворила жителите во камен. Протагонистката е придружувана од уште еден Херој, жена по име Арден (чиј глас го позајмува Сузан Вокома), која го отфрлила својот херојски повик и сега работи како чевларка. Заедно истражуваат дел од шумата, се борат против неколку немртви непријатели, а потоа откриваат мистериозна пештера во која се случуваат натприродни појави. Има многу одење и многу разговори. А целокупната атмосфера изгледа мрачно.

Првите три игри од серијалот Fable имаа свои мрачни моменти (се сеќавате ли на Tattered Spire во Fable 2?), но светот на Албион речиси секогаш изгледаше светло и шарено, дури и кога се обидуваше да ве убие. Серијалот беше инспириран од бајките, кои често ја комбинираат фантастиката со вознемирувачки елементи, давајќи им на игрите уникатен тон и атмосфера. Најновиот трејлер за новата Fable прикажува свет кој се откажал од фантастичните и разиграни елементи, задржувајќи ги само најмрачните делови од бајките (буквално, има многу малку бои).

Многу фанови го изразија своето незадоволство од прикажаните снимки. Дел од нив се пожалија дека трејлерот за „гејмплеј“ главно се состои од кинематографски сцени и ликови кои одат и разговараат, при што Арден служи како извор на претерано објаснување на приказната. Други коментари посочуваат дека играта премногу наликува на генеричка акциска RPG игра.

Трејлерот содржи и борбена секвенца во која се прикажани трите стилови на борба – блиска борба, борба од далечина и магија – меѓу кои играчите ќе можат слободно да се префрлаат. Некои корисници ја пофалија борбата прикажана во трејлерот, додека други се пожалија дека движењата изгледаат круто. Сепак, многу фанови едноставно се возбудени поради новата игра Fable и имаат големи очекувања од неа.

Генерално, најголемиот извор на несогласувања меѓу фановите е тоа што новата Fable има значително поинаков визуелен стил од претходните игри во серијалот. Иако по една деценија развој ваквата промена е разбирлива, факт е дека шарениот и впечатлив свет на Албион беше една од причините за успехот на франшизата. Треба да се напомене дека сцените прикажани во трејлерот се случуваат во шума изобличена од мрачни сили, додека претходниот трејлер изгледаше малку посветло. Fable треба да излезе на 23 февруари 2027 година за PlayStation 5, Windows PC и Xbox.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!