Официјално е: Nintendo Switch сега е четвртата најпродавана конзола на сите времиња во САД! Според податоците од NPD Group, сите продажби на Nintendo Switch ги надминаа оние на PlayStation 4 во месец април.
Конзолата од минатата генерација на Sony веројатно нема да си ја врати позицијата и да продаде повеќе конзоли за да ги стигнат, бидејќи Nintendo неодамна кажаа дека конзолата е во „средината“ на својот животен циклус. Switch, исто така, има корист од силната постава на игри кои што следат – вклучувајќи ги Xenoblade Chronicles 3 во јули и Splatoon 3 во септември – и три различни модели кои се грижат за широк спектар на потрошувачите. Обична, Lite и Oled.
Глобалната продажба на Switch за Lifetime сега достигна 107,65 милиони единици заклучно до 31 март, а Nintendo очекува да продаде 21 милион Switch конзоли во текот на оваа година. Глобалниот недостиг на уреди – за кој Нинтендо верува дека нема да заврши наскоро – ја натера компанијата да ги ревидира своите проценки за продажба, но конзолата сè уште е на дофат да стане трета најпродавана конзола на сите времиња ширум светот!
Ако Switch продолжи со својата динамика, ќе го надмине глобалниот рекорд на продажба на PlayStation 4 и Game Boy во текот на оваа година. Во моментов, најпродаваната конзола на сите времиња е PS2, која има над 155 милиони доживотни продажби низ целиот свет.
Во поврзаните вести од индустријата, Elden Ring сега е најпродаваната премиум игра во САД за последниот 12-месечен период кој заврши во април 2022 година, соборувајќи го Call of Duty: Vanguard од таа позиција. За многу години нека е Древен Прстену!
