Колекцијата на Capcom Arcade Stadium наскоро би можела да добие продолжение.
Барем така пишува корејската веб-страница за класификација на игри, со новиот наслов „Capcom Arcade 2nd Stadium“ и „Capcom Arcade 2nd Stadium Bundle # 1“. Двата записи имаат опис дека се работи за компјутерска игра која носи голем број на Capcom игри од 80-тите и 90-тите. Но, бидејќи старосната граница овој пат е 15+ години, а не 12+ како во претходната колекција, за очекување е колекцијата да има малку поексплицитни игри во колекцијата. Што, сè уште не е познато.
Првиот Capcom Arcade Stadium излезе минатата година за конзоли и компјутери, така што се очекува дека оваа колекција нема да биде ниту само игра за компјутер. Додуша, оваа колекција се уште не е потврдена, па ќе треба да почекаме Capcom официјално да ја објави и да ги наведе игрите кои ќе се најдат во колекцијата.
Конан Варваринот успеа да остане релевантен во поп-културата повеќе од 90 години, благодарение на литературата, филмот и видеоигрите. Во 2028 година, Конан ќе се врати во нова авантура која ги комбинира темите на меч и магија од фантастичната франшиза со примеси на космички хорор.
Развивачот Games Farm во средата ја најави играта Conan: The Black Pyramid, откривајќи акциска roguelike игра во која реалноста се искривува, а Конан ќе се здружи со други ликови создадени од авторот Роберт Е. Хауард, меѓу кои и пулп-хероите Соломон Кејн и Дарк Агнес.
Според најавата од Games Farm, Конан, Соломон Кејн, Дарк Агнес и уште двајца засега неоткриени херои „се будат во Црната пирамида, лавиринт кој ги игнорира правилата на просторот и времето и се менува со секое спуштање“. Conan: The Black Pyramid е акциска RPG roguelike игра, а секое поминување низ пирамидата ветува дека ќе ги приближи играчите до откривањето кој ги повикал низ времето… и зошто.
Conan: The Black Pyramid ветува комбинација од борба одблиску, мечување, магија и борба со огнено оружје. Играта ќе има можност за играње во еден играч и кооперативно играње за двајца играчи.
„Возбудени сме што враќаме легендарен херој како Конан во современиот свет на видеоигрите“, изјави Питер Наѓи, извршен директор на Games Farm, во соопштение. „Приказните на Роберт Е. Хауард ни значат многу, исто како и на генерации читатели, и им пристапуваме со сета грижа и почит што ги заслужуваат. Сакаме играчите да зачекорат во светот што го замислувале додека ги читале тие приказни, во сета негова сурова и чудна слава.“
„Елдричките ужаси, магијата што ја искривува реалноста, древните суштества од други светови – овие помалку познати аспекти се едни од најкул деловите на Конан, а играчите конечно ќе можат да ги доживеат“, додаде Маркос Кронандер, претседател на Heroic Signatures, компанијата која ги поседува лиценцните права за брендот Конан. „Конан и многуте други моќни ликови на Роберт Е. Хауард се во добри раце со Games Farm и возбудени сме што играчите ќе можат да ги испробаат и да видат колку навистина се кул.“
Хауард е можеби најпознат по своите дела од жанрот меч и магија, во кои се појавуваат ликови како Конан, Кул, Соломон Кејн и Бран Мак Морн. Но, авторот работел во различни жанрови, вклучувајќи детективски приказни, хорор и вестерни, како и комбинации од тие жанрови. Conan: The Black Pyramid би можела за првпат во форма на игра да обедини див и интересен спој од хероите и необичните ликови на Хауард.
Conan: The Black Pyramid е планирана за издавање во 2027 година за Windows PC преку Steam, каде што играта може да се додаде на листата на желби. Се очекува верзиите за конзоли да следат по објавувањето на PC верзијата.
Арнолд Шварценегер објави претходно оваа година дека се враќа во улогата на Конан во King Conan, за која вели дека ќе ја напише и режира Кристофер Мекквари, кој ги направи последните четири филмови од серијалот Mission: Impossible. Според изјавите на Шварценегер, проектот е во фаза на развој во 20th Century Studios, дел од Disney.