Sonic Origins – Ремастер на 4 Sonic игри

SEGA официјално ја сподели очекуваната Sonic Origins колекција на игри која што ќе се состои од 4 стари но целосно ремастерувани Sonic игри. Игри со кои што израснаа неколку генерации кои што сега се стари гејмери. И нормално оваа колекција ќе пристигне на роденденот на Синото Еже – 23ти јуни 2022. Игрите ќе бидат достапни на PC, PlayStation 4, PlayStation 5, Xbox One, Xbox Series X|S и Nintendo Switch.

Колекцијата на Sonic Origins содржи: Sonic the Hedgehog, Sonic 2, Sonic 3 & Knuckles и Sonic CD. Секоја игра е ремастерирана и ќе можете да играте во “Classic” или “Anniversary ” Modes. Classic Mode ќе биде буквално како што ги знаеме, со истата тешкотија и брзина, додека Anniversary се претвора во режим на цел екран и нуди бесконечни животи. Исто така, ќе можете да отклучувате медали со завршување на специјални мисии, кои може да се користат за отклучување на содржината за играње специјални фази.

Можете да направите Pre-Order на Sonic Origins почнувајќи од денес за 40 долари. Дигиталните преднарачки ќе добијат бонус од 100 медали, отклучување на Mirror Mode и Letter Box Mega Drive Pattern. Доколку сакате, можете да го купите Digital Deluxe изданието за 45 долари, кое додава опции за Потешки мисии, Letter Box, Character and Island Camera во главното мени, Character Animation во делот за Music Playback и ексклузивни песни на Mega Drive. Можете исто така да ги купите ексклузивните песни на Mega Drive одделно за 4 долари.

Ова е една од двете Sonic игри за кои знаеме дека се во развој (иако оваа е неколку во една), а другата е Open-World Sonic игра (или како што они го викаат Open-Zone) која беше најавено заедно со Sonic Origins минатата година. И втората игра е закажана некогаш за 2022 година, но треба да почекаме да видиме дали ќе биде оваа или следната година.

Во меѓувреме, филмската адаптација Sonic the Hedgehog 2 сега е во кината, која во голема мера се заснова на игрите во компилацијата Origins – особено Sonic 2 и 3! Можете да ја прочитате нашата рецензија за филмот ТУКА (tap)

МАРКЕТИНГ

Еве еден интересен факт: од сега па сè до 2029 година, OpenAI контролира 40 отсто од светското производство на динамичка меморија со случаен пристап (DRAM), која се користи во мобилните телефони, конзолите за видеоигри и системите за вештачка интелигенција. Така, компанијата зад ChatGPT е една од главните причини поради кои сега треба да платите 650 долари за PS5 и поради кои речиси никој не може да си дозволи да состави нов гејминг-компјутер. Сепак, извршниот директор на OpenAI, Сем Алтман, некако смета дека овој процент не е доволен.

Според Алтман, сите ние – обичните луѓе, заедно со неговата компанија вредна 852 милијарди долари – имаме заеднички интерес. Во неформално интервју за YouTube-каналот Cheeky Pint, Алтман објасни дека светот веќе има ограничени капацитети за производство на силициум.

„Од гледна точка на глобалната распределба, всушност е прилично ужасно што сите имаат големи количини од ограничените светски резерви на DRAM меморија во своите компјутери, а таа се користи само пет отсто од времето.“

Алтман тврди дека, со оглед на постојните ограничувања, би било покорисно DRAM меморијата што луѓето ја имаат во своите електронски уреди да се користи за напојување на дата-центрите. На тој начин, сите би можеле да ја искористат вкупната компјутерска моќ.

„Ако се обидувате да се справите со средина во која понудата е многу ограничена, сакате максимална искористеност на капацитетите во облакот. А некако, интуицијата на луѓето е токму спротивна од тоа“, рече Алтман.

Од ChatGPT до PS5

Аргументот на Алтман, кој погодно ја заобиколува улогата на OpenAI во создавањето на проблемот со недостигот на меморија, наиде на неверување кај коментаторите и корисниците на YouTube. Сепак, Sony се согласува со него, поради што производителот на хардвер планира да ја прекине поддршката за Blu-ray во 2027 година и да произведува само целосно дигитални конзоли PS5.

Додека корисниците откриваат начини за отклучување на хардверот, а вештачката интелигенција го забрзува процесот на создавање игри, компании како Sony имаат дополнителен мотив да создадат средина во која поединечните корисници поседуваат што е можно помалку. Не можете лесно да украдете или да направите реверзно инженерство на нешто што се емитува преку облак, додека компаниите можат да контролираат колку ќе плаќате за пристап до таа содржина. Алтман само го кажува гласно она за што обично се молчи.

Подоцна, Алтман рече дека се надева оти трошоците за енергија, снабдување и производство наскоро ќе се намалат. „Ако не се намалат, ќе бидам многу тажен. Но, за да се намалат, со оглед на тоа колку вредност има во сето ова, понудата мора значително да се зголеми.“

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!