Американскиот рапер Post Malone ја купи најретката карта што некогаш е направена во Magic: The Gathering TCG!
Картата “The One Ring” која беше испечатена како дел од неодамнешниот кросовер на Magic the Gathering со Lord of The Rings, е испечатена 1/1, што значи дека постои буквално само една во светот! Сега, картата, која беше проценета на над 2 милиони долари, е купена од страна на Post Malone. Во видеото објавено на Instagram и TikTok од корисник по име Brook Tafton, Malone е прикажан како ја прима картата, иако не се знае точно колку раперот платил за картата.
“When I found the One Ring, the first person who came to mind was Post Malone. I have played MTG since I was a kid and obviously, it would be amazing to keep this card. But for a guy like me, being able to sell it is life-changing. I just really hoped it would go to someone who would appreciate it as much as I do. This is my dream come true, meeting Post Malone and him buying The One Ring card from me is literally a moment straight out of a fairytale.”
Напиша Brook Tafton на своите социјални мрежи
Ова е прва јавна потврда на пронаоѓачот на картата. Во јуни беше објавено дека мистериозната карта е пронајдена, но идентитетот на лицето што ја нашол се чуваше во тајност. Тоа е пошто има болесници што ќе го бараат и ќе го утепаат да му ја земат… Да не се лажеме така е… Картата потоа беше оценета од PSA (Professional Sports Authenticator), водечкиот орган за квалитет на продажба и оценување на карти, кој ја оцени картата со оценка 9 од можни 10.
Меѓутоа, во овој случај, не е битен квалитетот на самата карта, побитно дека оваа карта е 001/001 и никогаш нема да има втора верзија!
