Протекоа информации за можна Ремастер верзија на Red Dead Redemption

Ремастер на Red Dead Redemption можеби штотуку протече на социјалните мрежи и на целиот интернет. Red Dead Redemption е една од најпознатите игри во својата ера и играта која што остави голем белег во историјата. Играта прикажа многу поразлична околина од сите останати игри кои што ги имаат креирано Rockstar Games бидејќи не секој може да направи голем број на игри со брзи коли и големи градови а дополнително да направи игра во Дивиот Запад до перфекција!

Гласините за римастер или римејк на Red Dead Redemption кружат по објавувањето на Red Dead Redemption 2 поради нештата пронајдени закопани во играта, шпекулациите од фановите и многу повеќе. Red Dead Redemption 2 зема многу идеи од првата игра и ги разнесува до екстремно ниво, што резултираше со фановите да сакаат да ја видат првата игра направена во истиот стил. Гласините, исто така, сугерираа дека овој римејк/римастер е одложен пред некое време, но тоа можеби се променило. Корејскиот борд за рејтинг, Комитетот за оценување и администрација на игри на Кореја, се чини дека им се лизна инфомраицја за новата верзија на Red Dead Redemption. Како што забележаа Gematsu, корејскиот рејтинг одбор ја оцени новата конзолна верзија на Red Dead Redemption, иако не наведе конкретни платформи. Вреди да се напомене дека играта претходно беше оценета во Кореја за нејзините оригинални изданија, па дефинитивно е чудно да се види како се појавува овде.

Корејскиот борд за рејтинг е прилично озлогласен по протекувањето игри пред нивното откривање. Тоа е нешто што треба да го поминат сите издавачи за да ја пуштат својата игра во Кореја, па затоа е прилично официјално. Се разбира, секогаш постои шанса ова да е чудна грешка, но со оглед на долгата историја на гласини за ажурирана верзија на Red Dead Redemption, тоа е прилично интересно. Не е јасно дали ова ќе дојде и на PC, ако е легитимно, но тоа би било идеално бидејќи оригиналната игра некогаш била достапна само на конзолите.

МАРКЕТИНГ

Љубителите на Grand Theft Auto, гејмерите и креаторите на дигитална содржина ќе имаат можност да бидат дел од еден специјален настан посветен на долгоочекуваната GTA 6. На 19 ноември, во Скопје ќе се одржи GTA 6 Launch Event, кој истовремено ќе се организира на двете локации на Inferno Gaming Club – Inferno 1 во Тафталиџе и Inferno 2 во Кисела Вода.

Настанот ќе започне во 11:00 часот, а посетителите ќе можат да очекуваат целодневна дружба, гејминг, музика и атмосфера инспирирана од легендарниот Vice City. Организаторите најавуваат тематска музика во текот на целиот ден, со звук и енергија што ќе потсетуваат на препознатливиот свет на Grand Theft Auto, претворајќи ги гејминг-клубовите во места за вистинско GTA доживување.

Централниот дел од настанот ќе биде можноста посетителите да ја испробаат GTA 6 и одблизу да се запознаат со играта. Сите заинтересирани ќе можат да добијат свој термин за играње и да го искусат старо-новиот свет на Rockstar Games, но настанот нема да биде наменет исклучиво за оние што сакаат да седнат пред конзолата.

Идејата е да се создаде простор за собирање на домашната гејминг-заедница, размена на искуства, запознавање нови луѓе и поврзување на креаторите на дигитална содржина. Настанот ќе биде можност за дружба меѓу гејмери, стримери, јутјубери, инфлуенсери и сите оние што ја следат гејминг-културата, со можност за нови соработки и запознавања.

Посетителите ќе можат да разговараат за играта, да ги споделат своите први впечатоци, да разменат мислења за новините во GTA 6 и едноставно да поминат ден во друштво на луѓе со слични интереси. Со музика, тематска атмосфера и активности во текот на денот, организаторите сакаат настанот да прерасне во вистинско собирање на гејминг-заедницата, а не само во можност за тестирање на нова игра.

БЕСПЛАТНО ИГРАЊЕ, НО СО ЗАДОЛЖИТЕЛНО АПЛИЦИРАЊЕ ЗА ИГРАЊЕ

Една од најважните информации за сите заинтересирани е дека учеството и можноста за играње на GTA 6 се целосно бесплатни. Посетителите нема да треба да плаќаат за да ја испробаат играта, а можноста ќе биде достапна во текот на целиот настан.

Сепак, поради организацијата и распоредот на термините за играње, сите што сакаат да ја испробаат GTA 6 ќе треба однапред да аплицираат преку официјалниот формулар.

По апликацијата ќе се врши јавно влечење за сите луѓе што ќе се пријават за термин за играње, со што ќе се овозможи подобра организација и ќе се избегне непотребно чекање.

КОГА, КАДЕ И ЗОШТО?

GTA 6 Launch Event ќе се одржува на 19 ноември, со почеток во 11:00 часот, истовремено во Inferno 1 во Тафталиџе и Inferno 2 во Кисела Вода.

За сите љубители на Grand Theft Auto, ова ќе биде можност да го дочекаат новото поглавје на франшизата во друштво на домашната гејминг-заедница, со целодневна Vice City атмосфера, музика, дружење и, секако, можност први да ги споделат своите впечатоци од GTA 6.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!