Во изработка е Vampire Survivors Серија

Vampire Survivors, хитот на Steam кој се искачи на топ листите како ракета и на крајот се проби до Xbox Game Pass, исто така ќе добие адаптација во ТВ Серија… Полека, не паничете многу… Серијата ќе биде анимиран проект (сега можете да дишете), а медиумската компанија Story Kitchen ќе работи на проектот заедно со девелоперите на Vampire Survivors. Во моментов не е одредено кога ќе ја видиме адаптацијата, а исто така сè уште не е кажано на која стриминг платформа ќе дојде серијата Vampire Survivors. Има огромни шанси да биде на Netflix, но треба да почекаме да видиме.

Deadline беа првите кои што ја дадоа информацијата за адаптацијата на Vampire Survivors и ја потврдија соработката на Девелоперите со Story Kitchen, компанија која веќе не е непозната да работи на адаптации на видео игри. Овој проект е во многу рана фаза бидејќи се уште не е најдена стриминг платформа каде ќе биде прикажувана серијата, многумина шпекулираат дека Netflix ќе ги откупи правата, но сепак за серијата се уште се бара авторска екипа.

Luca Galante, основачот на Poncle, сподели неколку зборови за објавата и фактот дека „малата инди игра“ како што е Vampire Survivors беше доволно успешна за да премине од мало издание до евентуална серија. Тој, исто така, се пошегува со фактот дека, и покрај името на играта, всушност нема вампири во Vampire Survivors… Се уште…

“The most important thing in Vampire Survivors is the story, so it’s a dream come true to see what started as a little indie game I made on my weekends come to life as an animated TV show!. It’s also great to be partnering up with such experienced and talented people to make the show. I do wonder if they’ve realized that there isn’t a single vampire in Vampire Survivors, though.”

Luca Galante основачот на Poncle

Од нејзиното објавување, Vampire Survivors беше играта која го освои светот, посебно луѓето кои што имаат Steam Deck. За тие луѓе Vampire Survivors е како God of War на PlayStation (да не претерувам ама од прилика). Исто така, доби и повеќе од еден DLC, со Legacy of the Moonspell и Tides of the Foscari.

Poncle иако ја обожаваат Vampire Survivors, сепак работат и на многу други проекти во моментов. Во ажурирањето за играта споделено претходно оваа година, Poncle изјавија дека имаат „многу работи, кои не се исклучиво поврзани со Vampire Survivors, кои се прават зад сцената во Poncle”.

МАРКЕТИНГ

Љубителите на Grand Theft Auto, гејмерите и креаторите на дигитална содржина ќе имаат можност да бидат дел од еден специјален настан посветен на долгоочекуваната GTA 6. На 19 ноември, во Скопје ќе се одржи GTA 6 Launch Event, кој истовремено ќе се организира на двете локации на Inferno Gaming Club – Inferno 1 во Тафталиџе и Inferno 2 во Кисела Вода.

Настанот ќе започне во 11:00 часот, а посетителите ќе можат да очекуваат целодневна дружба, гејминг, музика и атмосфера инспирирана од легендарниот Vice City. Организаторите најавуваат тематска музика во текот на целиот ден, со звук и енергија што ќе потсетуваат на препознатливиот свет на Grand Theft Auto, претворајќи ги гејминг-клубовите во места за вистинско GTA доживување.

Централниот дел од настанот ќе биде можноста посетителите да ја испробаат GTA 6 и одблизу да се запознаат со играта. Сите заинтересирани ќе можат да добијат свој термин за играње и да го искусат старо-новиот свет на Rockstar Games, но настанот нема да биде наменет исклучиво за оние што сакаат да седнат пред конзолата.

Идејата е да се создаде простор за собирање на домашната гејминг-заедница, размена на искуства, запознавање нови луѓе и поврзување на креаторите на дигитална содржина. Настанот ќе биде можност за дружба меѓу гејмери, стримери, јутјубери, инфлуенсери и сите оние што ја следат гејминг-културата, со можност за нови соработки и запознавања.

Посетителите ќе можат да разговараат за играта, да ги споделат своите први впечатоци, да разменат мислења за новините во GTA 6 и едноставно да поминат ден во друштво на луѓе со слични интереси. Со музика, тематска атмосфера и активности во текот на денот, организаторите сакаат настанот да прерасне во вистинско собирање на гејминг-заедницата, а не само во можност за тестирање на нова игра.

БЕСПЛАТНО ИГРАЊЕ, НО СО ЗАДОЛЖИТЕЛНО АПЛИЦИРАЊЕ ЗА ИГРАЊЕ

Една од најважните информации за сите заинтересирани е дека учеството и можноста за играње на GTA 6 се целосно бесплатни. Посетителите нема да треба да плаќаат за да ја испробаат играта, а можноста ќе биде достапна во текот на целиот настан.

Сепак, поради организацијата и распоредот на термините за играње, сите што сакаат да ја испробаат GTA 6 ќе треба однапред да аплицираат преку официјалниот формулар.

По апликацијата ќе се врши јавно влечење за сите луѓе што ќе се пријават за термин за играње, со што ќе се овозможи подобра организација и ќе се избегне непотребно чекање.

КОГА, КАДЕ И ЗОШТО?

GTA 6 Launch Event ќе се одржува на 19 ноември, со почеток во 11:00 часот, истовремено во Inferno 1 во Тафталиџе и Inferno 2 во Кисела Вода.

За сите љубители на Grand Theft Auto, ова ќе биде можност да го дочекаат новото поглавје на франшизата во друштво на домашната гејминг-заедница, со целодневна Vice City атмосфера, музика, дружење и, секако, можност први да ги споделат своите впечатоци од GTA 6.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!