По објавата на PC пред два месеци од издавачите на Funcom и развојното студио Shiro Games, високо пофалената 4X стратешка игра Dune: Spice Wars доаѓа и на конзолите XBOX Series X|S кон крајот на месец ноември.
Навистина сметаме дека е излишно да се опише Dune, бидејќи сите знаат дека знаат за епското дело на Френк Херберт. Ако сте еден од оние кои никогаш не слушнале за Dune, можеме само да кажеме дека ми е жал и препорачувам да го поправите тоа што е можно поскоро. Кратко кажано, најдоброто Sci-Fi искуство што можете да го добиете! Сите Sci-Fi работи што мислите дека се добри, се инспирирани од Dune, и се полоши.
Dune: Spice Wars ве става во улога на една од неколкуте фракции кои се борат за превласт на планетата Аракис и секако контрола над ископувањето на „спајс“ како врвен ресурс во универзумот. Ве очекуваат средби со популарните црви на песочната планета, како и разни начини како да ги избегнете за да го заштитите „спајс“ и своите војници. Spice Wars во својот состав ќе има легендарни ликови како војводата Лето Атреидес и баронот Владимир Харконен со кои ќе тргнеме во битка и ќе владееме со Аракис.
