Одбројување до Dragonflight: Шампионите од Azeroth пристигнаа

Броиме ситно до новото продолжение (експанзија) на World of Warcraft наречена Dragonflight. Поминати се само три години од настаните во Shadowlands и конечно се враќаме во Azeroth, каде што нѐ чекаат нови изненадувања. Или може да се кажеме дека на некој начин и се враќаме (повторно) во времето. Во времето на креацијата и првите бранители!

Со доаѓањето на вториот Pre-Patch, се запознаваме со Dractyr и нивните проблеми, кои што паѓаат на наша глава (како и секогаш) за да ги решиме. На располагање ја имаме новата класа/раса наречена Draktyr Evoker, што може да се игра како ranged DPS или ranged healer. На кратко да ги разледаме последните апдејти, па малку по малку да се спремиме за новата експанзија.

Dractyr Evoker

Драктирите се една од домородните раси на Dragon Isles, остров што преку 10 000 години е далеку од очите на обичните смртници. Но, бидејќи во тој период островот бил препуштен на чување кај Watchers (што немаат врска со претходните Watchers од другите експанзии), се случиле работи што не требале да се случат, што ги дебалансирале елементите. Драктирите, како и змејовите во овој универзум, ја црпат нивната моќ од елементите, односно воздух, вода, оган и земја. 

Dractyr

Што нудат овие нови дечки?

Можеш конечно да преживееш пад од Dalaran без да загинеш. Шала на страна, еден од поинтересните работи околу драктирите е тоа што можеш да леташ односно да лизгаш/глајдаш низ воздухот. Сепак станува збор за змејолики битија, така што некако дури и се подразбира таквата способност. Драктирите имаат неколку спелки што дозволуваат летање и маневрирање послободно низ просторот во споредба со другите класи. Но, највпечатливо се Empowered Abilities, односно појачување на спеловите во зависност од колку долго се зајакнати. Ова може да биде огромен огнен AoE бран што пали сѐ живо и диво по пат или големо лечење на другите играчи во критични моменти. Можат играчите да влезат во филм да бидат како тетка Onyxia, или тетка Alexstraza, која што е патем носител на оваа експанзија. Спеловите на Evoker класата се комбинација не само од елементите туку и даровите на dragon aspects. Така што со голема моќ, доаѓа и голема одговорност, а не само леткање наоколу.

Веќе има склопени прирачници околу како функционираат двете специјализации на оваа класа/раса. Иако веќе има и комбинации со спелките од Shadowlands Covenants, истите нема да бидат од некоја важност понатаму.

Сакаш да хилаш? Стани Preservation Evoker! Сакаш DPS? Стани Devastation Evoker!

Претпоставувам дека драктирите ќе донесат нова свежина во битки во рејдови и зандани, поради нивните интересни способности. Само да поминат само сите ребалансирања на почетокот од експанзијата. Една работа што ме одвлекува од класата е начинот на кој што изгледаат драктирите. Не знам точно како да го склопам, без да навредам некого, но се надевам дека понатаму и други раси ќе можат да ги користат моќите на змејовите.

На кратко од вториот Pre-Patch

Во втората фаза на најавувањето на новата експанзија го посведочивме настанот Primal Storms, во кој Azeroth беше нападнат од различни елементални битија на неколку локации. Како и во претходните почетоци на нови експанзии, настанот понуди добар boost и catching up за нови карактери. Настанот понуди опрема до 252 левел, играчката Bag of Furious Winds и heirloom trinket Unstable Elemental Confluence. Во однос на приказната, разбравме дека елементите и нивната рамнотежа се тесно поврзани со змејовите и нивните моќи. 

Се откри почетната зона каде што драктирите се соочуваат со нивното ненадејно будење од вековна хибернација и каде што се нападнати. Новокреираните драктири започнуваат на 58 левел и по нивното полнење на 60ти левел, истите продолжуваат со вселување во Ogrimmar или Stormwind.

Во овој дел излезе и Uldaman, Legacy of Tyr занданата која што е моментално достапна на нормално ниво.

Што следува?

Следува конечниот почеток на новата експанзија што нуди проширување на приказната, нов целосен континент со нови правила и прописи, нови рејдови, нова сезона на PvP и Mythic+ и ревамп на професиите. Надежно сите овие работи ќе носат подобро искуство и поинтересен тек на настани во споредба со предходната експанзија. 

Првиот најавен рејд го носи називот Vault of the Incarnates со нови Tier сетови тематизирани според четирите елементи. Истиот ќе биде пуштен во употреба на 12 Декември на сите нивоа со што и ќе почне и Race To World First. Новиот affix во Mythic+ се вика Thundering каде што непријателите имаат 5% повеќе HP и периодично има напади од страна на Raszageth.

Една најава што е потенцирана е Dragonriding. Целиот концепт, лично ми е како How To Train Your Dragon. Секој карактер ќе добие уникатен и целосно customizable drake со кој што ќе можете заедно да патувате низ Dragon Isles. Не знам како ова ќе влијае во однос на рејдовите и занданите, но верувам дека ќе понуди автентична интеракција со овој нов свет. Само се надевам дека нема да биде како Pocopoc, што не даваше некоја посебна суштина освен што беше симпатично роботче што отклучуваше ковчези.

Сума сумарум за Dragonflight

12 Декември – Vault of the Incarnates на сите нивоа Normal, Heroic и Mythic
19 Декември – Raid Finder Wing 1
2 Јануари – Raid Finder Wing 2
16 Јануари – Raid Finder Wing 3

Тематски, оваа експанзија делува возбудливо и се надевам дека добро ќе ја извози приказната. Shadowlands имаше многу пропусти: недоволно развиен контекст, сомнителни одлуки, невпечатливи негативци, чуден развој на важни карактери и целиот хаос во Blizzard. Се надевам дека некои работи ќе бидат подобро развиени, иако имам чувство дека многу работи се избрзани, но времето ќе си го каже своето. Моментално имам чувство дека поголем фокус е даден на светот на змејовите и нашата интеракција со истите, што може да значи пропуст во делови што играчите ги очекуваат од World of Warcraft.

Тоа е сѐ што имам да го споделам до овој момент, па ќе видиме за што се хајпавме последнава година.

СРЕЌЕН СТАРТ НА СИТЕ И СЕ ГЛЕДАМЕ ВО DRAGON ISLES!

МАРКЕТИНГ

Спорели на:

About The Author

Конан Варваринот успеа да остане релевантен во поп-културата повеќе од 90 години, благодарение на литературата, филмот и видеоигрите. Во 2028 година, Конан ќе се врати во нова авантура која ги комбинира темите на меч и магија од фантастичната франшиза со примеси на космички хорор.

Развивачот Games Farm во средата ја најави играта Conan: The Black Pyramid, откривајќи акциска roguelike игра во која реалноста се искривува, а Конан ќе се здружи со други ликови создадени од авторот Роберт Е. Хауард, меѓу кои и пулп-хероите Соломон Кејн и Дарк Агнес.

Според најавата од Games Farm, Конан, Соломон Кејн, Дарк Агнес и уште двајца засега неоткриени херои „се будат во Црната пирамида, лавиринт кој ги игнорира правилата на просторот и времето и се менува со секое спуштање“. Conan: The Black Pyramid е акциска RPG roguelike игра, а секое поминување низ пирамидата ветува дека ќе ги приближи играчите до откривањето кој ги повикал низ времето… и зошто.

Conan: The Black Pyramid ветува комбинација од борба одблиску, мечување, магија и борба со огнено оружје. Играта ќе има можност за играње во еден играч и кооперативно играње за двајца играчи.

„Возбудени сме што враќаме легендарен херој како Конан во современиот свет на видеоигрите“, изјави Питер Наѓи, извршен директор на Games Farm, во соопштение. „Приказните на Роберт Е. Хауард ни значат многу, исто како и на генерации читатели, и им пристапуваме со сета грижа и почит што ги заслужуваат. Сакаме играчите да зачекорат во светот што го замислувале додека ги читале тие приказни, во сета негова сурова и чудна слава.“

„Елдричките ужаси, магијата што ја искривува реалноста, древните суштества од други светови – овие помалку познати аспекти се едни од најкул деловите на Конан, а играчите конечно ќе можат да ги доживеат“, додаде Маркос Кронандер, претседател на Heroic Signatures, компанијата која ги поседува лиценцните права за брендот Конан. „Конан и многуте други моќни ликови на Роберт Е. Хауард се во добри раце со Games Farm и возбудени сме што играчите ќе можат да ги испробаат и да видат колку навистина се кул.“

Хауард е можеби најпознат по своите дела од жанрот меч и магија, во кои се појавуваат ликови како Конан, Кул, Соломон Кејн и Бран Мак Морн. Но, авторот работел во различни жанрови, вклучувајќи детективски приказни, хорор и вестерни, како и комбинации од тие жанрови. Conan: The Black Pyramid би можела за првпат во форма на игра да обедини див и интересен спој од хероите и необичните ликови на Хауард.

Conan: The Black Pyramid е планирана за издавање во 2027 година за Windows PC преку Steam, каде што играта може да се додаде на листата на желби. Се очекува верзиите за конзоли да следат по објавувањето на PC верзијата.

Арнолд Шварценегер објави претходно оваа година дека се враќа во улогата на Конан во King Conan, за која вели дека ќе ја напише и режира Кристофер Мекквари, кој ги направи последните четири филмови од серијалот Mission: Impossible. Според изјавите на Шварценегер, проектот е во фаза на развој во 20th Century Studios, дел од Disney.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!