Одбројување до Dragonflight: Шампионите од Azeroth пристигнаа

Броиме ситно до новото продолжение (експанзија) на World of Warcraft наречена Dragonflight. Поминати се само три години од настаните во Shadowlands и конечно се враќаме во Azeroth, каде што нѐ чекаат нови изненадувања. Или може да се кажеме дека на некој начин и се враќаме (повторно) во времето. Во времето на креацијата и првите бранители!

Со доаѓањето на вториот Pre-Patch, се запознаваме со Dractyr и нивните проблеми, кои што паѓаат на наша глава (како и секогаш) за да ги решиме. На располагање ја имаме новата класа/раса наречена Draktyr Evoker, што може да се игра како ranged DPS или ranged healer. На кратко да ги разледаме последните апдејти, па малку по малку да се спремиме за новата експанзија.

Dractyr Evoker

Драктирите се една од домородните раси на Dragon Isles, остров што преку 10 000 години е далеку од очите на обичните смртници. Но, бидејќи во тој период островот бил препуштен на чување кај Watchers (што немаат врска со претходните Watchers од другите експанзии), се случиле работи што не требале да се случат, што ги дебалансирале елементите. Драктирите, како и змејовите во овој универзум, ја црпат нивната моќ од елементите, односно воздух, вода, оган и земја. 

Dractyr

Што нудат овие нови дечки?

Можеш конечно да преживееш пад од Dalaran без да загинеш. Шала на страна, еден од поинтересните работи околу драктирите е тоа што можеш да леташ односно да лизгаш/глајдаш низ воздухот. Сепак станува збор за змејолики битија, така што некако дури и се подразбира таквата способност. Драктирите имаат неколку спелки што дозволуваат летање и маневрирање послободно низ просторот во споредба со другите класи. Но, највпечатливо се Empowered Abilities, односно појачување на спеловите во зависност од колку долго се зајакнати. Ова може да биде огромен огнен AoE бран што пали сѐ живо и диво по пат или големо лечење на другите играчи во критични моменти. Можат играчите да влезат во филм да бидат како тетка Onyxia, или тетка Alexstraza, која што е патем носител на оваа експанзија. Спеловите на Evoker класата се комбинација не само од елементите туку и даровите на dragon aspects. Така што со голема моќ, доаѓа и голема одговорност, а не само леткање наоколу.

Веќе има склопени прирачници околу како функционираат двете специјализации на оваа класа/раса. Иако веќе има и комбинации со спелките од Shadowlands Covenants, истите нема да бидат од некоја важност понатаму.

Сакаш да хилаш? Стани Preservation Evoker! Сакаш DPS? Стани Devastation Evoker!

Претпоставувам дека драктирите ќе донесат нова свежина во битки во рејдови и зандани, поради нивните интересни способности. Само да поминат само сите ребалансирања на почетокот од експанзијата. Една работа што ме одвлекува од класата е начинот на кој што изгледаат драктирите. Не знам точно како да го склопам, без да навредам некого, но се надевам дека понатаму и други раси ќе можат да ги користат моќите на змејовите.

На кратко од вториот Pre-Patch

Во втората фаза на најавувањето на новата експанзија го посведочивме настанот Primal Storms, во кој Azeroth беше нападнат од различни елементални битија на неколку локации. Како и во претходните почетоци на нови експанзии, настанот понуди добар boost и catching up за нови карактери. Настанот понуди опрема до 252 левел, играчката Bag of Furious Winds и heirloom trinket Unstable Elemental Confluence. Во однос на приказната, разбравме дека елементите и нивната рамнотежа се тесно поврзани со змејовите и нивните моќи. 

Се откри почетната зона каде што драктирите се соочуваат со нивното ненадејно будење од вековна хибернација и каде што се нападнати. Новокреираните драктири започнуваат на 58 левел и по нивното полнење на 60ти левел, истите продолжуваат со вселување во Ogrimmar или Stormwind.

Во овој дел излезе и Uldaman, Legacy of Tyr занданата која што е моментално достапна на нормално ниво.

Што следува?

Следува конечниот почеток на новата експанзија што нуди проширување на приказната, нов целосен континент со нови правила и прописи, нови рејдови, нова сезона на PvP и Mythic+ и ревамп на професиите. Надежно сите овие работи ќе носат подобро искуство и поинтересен тек на настани во споредба со предходната експанзија. 

Првиот најавен рејд го носи називот Vault of the Incarnates со нови Tier сетови тематизирани според четирите елементи. Истиот ќе биде пуштен во употреба на 12 Декември на сите нивоа со што и ќе почне и Race To World First. Новиот affix во Mythic+ се вика Thundering каде што непријателите имаат 5% повеќе HP и периодично има напади од страна на Raszageth.

Една најава што е потенцирана е Dragonriding. Целиот концепт, лично ми е како How To Train Your Dragon. Секој карактер ќе добие уникатен и целосно customizable drake со кој што ќе можете заедно да патувате низ Dragon Isles. Не знам како ова ќе влијае во однос на рејдовите и занданите, но верувам дека ќе понуди автентична интеракција со овој нов свет. Само се надевам дека нема да биде како Pocopoc, што не даваше некоја посебна суштина освен што беше симпатично роботче што отклучуваше ковчези.

Сума сумарум за Dragonflight

12 Декември – Vault of the Incarnates на сите нивоа Normal, Heroic и Mythic
19 Декември – Raid Finder Wing 1
2 Јануари – Raid Finder Wing 2
16 Јануари – Raid Finder Wing 3

Тематски, оваа експанзија делува возбудливо и се надевам дека добро ќе ја извози приказната. Shadowlands имаше многу пропусти: недоволно развиен контекст, сомнителни одлуки, невпечатливи негативци, чуден развој на важни карактери и целиот хаос во Blizzard. Се надевам дека некои работи ќе бидат подобро развиени, иако имам чувство дека многу работи се избрзани, но времето ќе си го каже своето. Моментално имам чувство дека поголем фокус е даден на светот на змејовите и нашата интеракција со истите, што може да значи пропуст во делови што играчите ги очекуваат од World of Warcraft.

Тоа е сѐ што имам да го споделам до овој момент, па ќе видиме за што се хајпавме последнава година.

СРЕЌЕН СТАРТ НА СИТЕ И СЕ ГЛЕДАМЕ ВО DRAGON ISLES!

МАРКЕТИНГ

Спорели на:

About The Author

Играта-приквел за Хари Потер Hogwarts Legacy беше најголемото ново издание во 2022 година, со продадени повеќе од 22 милиони копии во првата година во САД, надминувајќи го и тогашното издание на Call of Duty, Call of Duty: Modern Warfare 3. Оттогаш, Hogwarts Legacy успеа да продаде повеќе од 40 милиони копии, па логично е дека продолжението е во подготовка. Во текот на ова лето, матичната компанија Warner Bros. Discovery и официјално потврди: Hogwarts Legacy 2 пристигнува.

Ова не е големо изненадување. Директорите на Warner Bros. со години изјавуваа дека продолжението на милијардската Hogwarts Legacy е приоритет за компанијата, која се мачи да пронајде хитови по забележителни неуспеси како Suicide Squad: Kill the Justice League, промашувања како MultiVersus и откажувања на високопрофилни игри како Wonder Woman. Директорите исто така изјавија дека одделот WB Games ќе ги насочи своите напори кон четири клучни франшизи, од кои една е Хари Потер.

Во писмо до акционерите од 6 август, Warner Bros. наведе дека игрите се „важен двигател на растот“ за компанијата и ги истакна поновите успеси. Потоа официјално им потврди на своите инвеститори дека продолжението на Hogwarts Legacy е во развој.

Во текот на вториот квартал ја објавивме Lego Batman: Legacy of the Dark Knight – најдобро оценетата Lego игра досега – и Game of Thrones: Dragonfire, нашата втора мобилна игра од универзумот на Game of Thrones. Овие изданија ги означија првите лансирања според нашата обновена стратегија, насочена кон четири клучни франшизи вредни над 1 милијарда долари, со дисциплинирани инвестиции зад помал број наслови во кои имаме поголема доверба. Очекуваме игрите во иднина позначајно да придонесуваат за профитабилноста на сегментот, додека нашето портфолио се проширува, вклучувајќи го и второто продолжение на Hogwarts Legacy.

Повторно, ова не е големо изненадување за внимателните обожаватели на Хари Потер. Уште во 2024 година, финансискиот директор на WBD, Гунар Видeнфелс, изјави: „Очигледно, продолжението на ‘Hogwarts Legacy’ е еден од најголемите приоритети во следните неколку години.“

Во 2025 година, извршниот директор и претседател на глобалниот стриминг и гејмерски оддел на Warner Bros. Discovery, Џеј Би Перет, изјави дека по „разочарувачката 2024 година“ за гејмерскиот оддел на компанијата, тој ќе се фокусира на четири франшизи во иднина: Harry Potter/Hogwarts Legacy, Game of Thrones, Mortal Kombat и DC („првенствено Бетмен кога станува збор за игрите посветени на еден лик, но може да вклучи и избрани други можности додека се гради новиот DCU“). Досега, компанијата се придржува до таа стратегија.

Постои и причина да се верува дека Hogwarts Legacy 2 ќе пристигне наскоро. Во 2024 година, Дејвид Хадад, тогашниот претседател на Warner Bros. Interactive Entertainment, за Variety изјави дека тимот за игри „координира дел од пошироките наративни елементи во продолжението на Hogwarts Legacy со приказните што ќе се развиваат во Harry Potter серијата на HBO“, која пристигнува подоцна оваа година.

Се приближуваме до четвртата годишнина од Hogwarts Legacy, па се чини дека е вистинско време за нови авантури во Волшебничкиот свет. Со претстојните големи гејмерски настани, вклучувајќи го Gamescom Opening Night Live во август и The Game Awards во декември, не би требало да изненади доколку првиот поглед на Hogwarts Legacy 2 магично се појави со датум на издавање во 2027 (или 2028) година.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!