Horizon Forbidden West е следната PlayStation ексклузива која доаѓа на PC

Sony ја најавија Horizon Forbidden West: Complete Edition за PlayStation 5 и прситигнува следниот месец на PS5, а за PC на почетокот на следната година. Ова издание на најновите авантури на Aloy ја вклучува основната игра и DLC Burning Shores, заедно со избор на додатоци.

На PlayStation 5, комплетното издание доаѓа на 6-ти октомври со цена од 60 долари. Комплетното издание потоа ќе биде достапно за играчите на PC преку Steam и Epic Game Store некаде на почетокот на 2024 година.

На PS5 изданието, Horizon Forbidden West: Complete Edition ќе го содржи следново:

  • Horizon Forbidden West for PS5
  • Burning Shores DLC for PS5
  • Digital soundtrack
  • Digital art book
  • Horizon Zero Dawn Vol. 1: The Sunhawk digital comic book (Available in English, German, Brazilian Portuguese and Japanese)
  • In-game items: Extras in Photo Mode (special pose and face paint)
  • In-game items unlocked via story progression: Carja Behemoth Elite outfit, Carja Behemoth Short Bow, Nora Thunder Elite outfit, Nora Thunder Sling, Apex Clawstrider Machine Strike piece, Resources pack

Што се однесува до иднината на серијалот, претходно оваа година Guerrilla потврди дека „ќе го продолжи Horizon уште долго време“. Ова ќе ја вклучи претстојната адаптација на Netflix, нејзиниот нов онлајн проект фокусиран на соработка и трета игра фокусирана на Aloy. Дополнително, се шпекулира дека студиото работи и на ремастер на Zero Dawn.

МАРКЕТИНГ

Љубителите на Grand Theft Auto, гејмерите и креаторите на дигитална содржина ќе имаат можност да бидат дел од еден специјален настан посветен на долгоочекуваната GTA 6. На 19 ноември, во Скопје ќе се одржи GTA 6 Launch Event, кој истовремено ќе се организира на двете локации на Inferno Gaming Club – Inferno 1 во Тафталиџе и Inferno 2 во Кисела Вода.

Настанот ќе започне во 11:00 часот, а посетителите ќе можат да очекуваат целодневна дружба, гејминг, музика и атмосфера инспирирана од легендарниот Vice City. Организаторите најавуваат тематска музика во текот на целиот ден, со звук и енергија што ќе потсетуваат на препознатливиот свет на Grand Theft Auto, претворајќи ги гејминг-клубовите во места за вистинско GTA доживување.

Централниот дел од настанот ќе биде можноста посетителите да ја испробаат GTA 6 и одблизу да се запознаат со играта. Сите заинтересирани ќе можат да добијат свој термин за играње и да го искусат старо-новиот свет на Rockstar Games, но настанот нема да биде наменет исклучиво за оние што сакаат да седнат пред конзолата.

Идејата е да се создаде простор за собирање на домашната гејминг-заедница, размена на искуства, запознавање нови луѓе и поврзување на креаторите на дигитална содржина. Настанот ќе биде можност за дружба меѓу гејмери, стримери, јутјубери, инфлуенсери и сите оние што ја следат гејминг-културата, со можност за нови соработки и запознавања.

Посетителите ќе можат да разговараат за играта, да ги споделат своите први впечатоци, да разменат мислења за новините во GTA 6 и едноставно да поминат ден во друштво на луѓе со слични интереси. Со музика, тематска атмосфера и активности во текот на денот, организаторите сакаат настанот да прерасне во вистинско собирање на гејминг-заедницата, а не само во можност за тестирање на нова игра.

БЕСПЛАТНО ИГРАЊЕ, НО СО ЗАДОЛЖИТЕЛНО АПЛИЦИРАЊЕ ЗА ИГРАЊЕ

Една од најважните информации за сите заинтересирани е дека учеството и можноста за играње на GTA 6 се целосно бесплатни. Посетителите нема да треба да плаќаат за да ја испробаат играта, а можноста ќе биде достапна во текот на целиот настан.

Сепак, поради организацијата и распоредот на термините за играње, сите што сакаат да ја испробаат GTA 6 ќе треба однапред да аплицираат преку официјалниот формулар.

По апликацијата ќе се врши јавно влечење за сите луѓе што ќе се пријават за термин за играње, со што ќе се овозможи подобра организација и ќе се избегне непотребно чекање.

КОГА, КАДЕ И ЗОШТО?

GTA 6 Launch Event ќе се одржува на 19 ноември, со почеток во 11:00 часот, истовремено во Inferno 1 во Тафталиџе и Inferno 2 во Кисела Вода.

За сите љубители на Grand Theft Auto, ова ќе биде можност да го дочекаат новото поглавје на франшизата во друштво на домашната гејминг-заедница, со целодневна Vice City атмосфера, музика, дружење и, секако, можност први да ги споделат своите впечатоци од GTA 6.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!