Ubisoft случајно ја најавија The Division 3

The Division
Креативниот директор на Star Wars Outlaws ќе ги преземе главната позиција за правење на The Division следната година

Креативниот директор на Star Wars Outlaws, Julian Gerighty, ќе добие нова улога во Ubisoft штом ќе заврши изработката на играта и кога ќе биде издадена самата игра Star Wars Outlaws. Gerighty во Ubisoft ќе ја добие главната улога на личноста која што ќе ги води тимовите кои што работат на сите Tom Clancy’s The Division игри. Тоа вклучува надзор на сите игри со брендови на The Division, The Division 2, The Division Heartland, мобилна игра The Division Resurgence и сега официјално по ново, и по грешка најавена… The Division 3, што Ubisoft лежерно ја најви во соопштението за медиумите за новата позиција на Gerighty.

Star Wars Outlaws и The Division 2 во студиото Massive Entertainment „активно се гради тим“ за The Division 3 во моментов, се вели во соопштението за печатот. Што се однесува до тековниот проект на Gerighty, играта Star Wars Outlaws, Ubisoft вели дека на тој проект „останува целосно посветен“ на него и дека „ќе остане на проектот до лансирањето“ пред да ја започне својата нова улога.

Моментално, Division 3 е многу рано во развој, што помага да се објасни најавата со ниски информации – нема трејлер, па дури и концепт за споделување. Видовме слични вакви работи, рани најави за игри од други големи студија во последниве години. Blizzard, на пример, минатата година објави дека работи на сурвајвл игра без да и даде име и ништо друго. Претходните заслуги на Gerighty во Ubisoft ги вклучуваат другите главни игри на Division, како и игри од серијата Splinter Cell и Ghost Recon на игри со брендот Tom Clancy, The Crew и Watch Dogs. Тој е во компанијата 25 години, а последните 10 ги помина во Massive Entertainment. Човек со огромно искуство и кариера!

The Division и The Division 2 беа потег на Ubisoft да се бори против играта Destiny 2, со една многу добра тематика која што се случува во бликс иднина по избувнување на страшен вирус. Првата игра на Division помина многу добро, гејмерите добија нешто многу ново и уникатно и уживаа во играта и таа црна тематика што ја носеше самата игра. Подоцна кога дојде The Division 2, за жал бројките не беа на тоа ниво и фановите не се вратија во продолжението до тоа ниво, за жал… Сега треба да видиме што ќе се случи со The Division 3.

Веројатно ќе помине некое време пред да слушнеме нешто значајно за The Division 3, бидејќи Massive дури сега го регрутира тимот за играта, а Gerighty нема да го промени фокусот дури по објавувањето на Star Wars Outlaws. Тоа би требало да се случи некаде следната година…

МАРКЕТИНГ

Љубителите на Grand Theft Auto, гејмерите и креаторите на дигитална содржина ќе имаат можност да бидат дел од еден специјален настан посветен на долгоочекуваната GTA 6. На 19 ноември, во Скопје ќе се одржи GTA 6 Launch Event, кој истовремено ќе се организира на двете локации на Inferno Gaming Club – Inferno 1 во Тафталиџе и Inferno 2 во Кисела Вода.

Настанот ќе започне во 11:00 часот, а посетителите ќе можат да очекуваат целодневна дружба, гејминг, музика и атмосфера инспирирана од легендарниот Vice City. Организаторите најавуваат тематска музика во текот на целиот ден, со звук и енергија што ќе потсетуваат на препознатливиот свет на Grand Theft Auto, претворајќи ги гејминг-клубовите во места за вистинско GTA доживување.

Централниот дел од настанот ќе биде можноста посетителите да ја испробаат GTA 6 и одблизу да се запознаат со играта. Сите заинтересирани ќе можат да добијат свој термин за играње и да го искусат старо-новиот свет на Rockstar Games, но настанот нема да биде наменет исклучиво за оние што сакаат да седнат пред конзолата.

Идејата е да се создаде простор за собирање на домашната гејминг-заедница, размена на искуства, запознавање нови луѓе и поврзување на креаторите на дигитална содржина. Настанот ќе биде можност за дружба меѓу гејмери, стримери, јутјубери, инфлуенсери и сите оние што ја следат гејминг-културата, со можност за нови соработки и запознавања.

Посетителите ќе можат да разговараат за играта, да ги споделат своите први впечатоци, да разменат мислења за новините во GTA 6 и едноставно да поминат ден во друштво на луѓе со слични интереси. Со музика, тематска атмосфера и активности во текот на денот, организаторите сакаат настанот да прерасне во вистинско собирање на гејминг-заедницата, а не само во можност за тестирање на нова игра.

БЕСПЛАТНО ИГРАЊЕ, НО СО ЗАДОЛЖИТЕЛНО АПЛИЦИРАЊЕ ЗА ИГРАЊЕ

Една од најважните информации за сите заинтересирани е дека учеството и можноста за играње на GTA 6 се целосно бесплатни. Посетителите нема да треба да плаќаат за да ја испробаат играта, а можноста ќе биде достапна во текот на целиот настан.

Сепак, поради организацијата и распоредот на термините за играње, сите што сакаат да ја испробаат GTA 6 ќе треба однапред да аплицираат преку официјалниот формулар.

По апликацијата ќе се врши јавно влечење за сите луѓе што ќе се пријават за термин за играње, со што ќе се овозможи подобра организација и ќе се избегне непотребно чекање.

КОГА, КАДЕ И ЗОШТО?

GTA 6 Launch Event ќе се одржува на 19 ноември, со почеток во 11:00 часот, истовремено во Inferno 1 во Тафталиџе и Inferno 2 во Кисела Вода.

За сите љубители на Grand Theft Auto, ова ќе биде можност да го дочекаат новото поглавје на франшизата во друштво на домашната гејминг-заедница, со целодневна Vice City атмосфера, музика, дружење и, секако, можност први да ги споделат своите впечатоци од GTA 6.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!