Следната Nintendo конзола пристигнува во 2024 година

Изгледа дека дознаваме кога ќе ја видиме и ќе ја земеме во раце следната Nintendo конзола. Клучните студија кои што ќе прават игри за следната конзола конечно ги добиле Development Kits, и според тоа сите сугерираат дека следната конзола ќе ја видиме во 2024 година!

Според повеќе луѓе со познавање на плановите за конзолата за следната генерација на Nintendo, компанијата најверојатно ќе објави нов хардвер во втората половина на 2024 година, за да се осигура дека има доволно залихи на располагање на првиот ден и да го избегне видот на недостиг што сите го почуствуваме со PlayStation 5 и XBOX Series X. Сетете се колку време се чекаше да се стигне до некоја од тие две конзоли… Nintendo не сакаат да го имаат истото, сакаат да си имаат продажба за сите и уште толку да имаат во сите продажни салони.

Иако специфичните детали за конзолата се чуваат внимателно, порталот VGC доби инсајдерски информации дека следната конзола на Nintendo ќе биде многу слична на Switch-от и ќе има преносливи опции. Огромни се шансите да биде Nintendo Switch 2. Дополнително зошто може конзолата да е Switch 2 е тоа што два извори со кои разговарале луѓе од VGC сугерираат дека конзолата би можела да се лансира со LCD екран, наместо со попремиум OLED, со цел да се намалат трошоците, особено имајќи го предвид зголеменото складирање потребно за игри со поголема верност. Тековниот Switch доаѓа со само 32 GB внатрешна меморија, додека многу игри од сегашната генерација на PlayStation и Xbox се над 100 GB.

Сакате уште еден доказ дека ќе е Switch 2? И новата конзола повторно ќе подржува физички игри кои што ќе бидат на кертриџи…

Останатите детали, како што е Backwards Compatibility за Switch игрите (физички и дигитални), остануваат нејасни. Нинтендо соопшти дека сака да конвертира што е можно повеќе од корисничката база на Switch од над 100 милиони во неговиот следен систем.

Индустрискиот консултант со седиште во Токио, Dr Serkan Toto, изјави за сајтот VGC дека лансирањето на конзолата во 2024 година ќе има смисла за Nintendo, бидејќи се предвидува да забележи двоцифрен пад во продажбата на хардверот и софтверот на Switch оваа година, и дополнително конзолата прави 7 години постоење. Тоа е главниот генерациски живот на секоја конзола.

“I would generally say that looking at Nintendo’s financials, it seems clear that it’s time for a new piece of hardware in 2024,” he said. “Hardware is already projected to fall 16.5% year-on-year in the current fiscal, while the minus for software is expected to hit 15.9%. The only way to stop these losses from totally ballooning next fiscal is a new device, and the second half of 2024 sounds like a realistic release window to me.”

Dr Serkan Toto, изјави за сајтот VGC

МАРКЕТИНГ

Љубителите на Grand Theft Auto, гејмерите и креаторите на дигитална содржина ќе имаат можност да бидат дел од еден специјален настан посветен на долгоочекуваната GTA 6. На 19 ноември, во Скопје ќе се одржи GTA 6 Launch Event, кој истовремено ќе се организира на двете локации на Inferno Gaming Club – Inferno 1 во Тафталиџе и Inferno 2 во Кисела Вода.

Настанот ќе започне во 11:00 часот, а посетителите ќе можат да очекуваат целодневна дружба, гејминг, музика и атмосфера инспирирана од легендарниот Vice City. Организаторите најавуваат тематска музика во текот на целиот ден, со звук и енергија што ќе потсетуваат на препознатливиот свет на Grand Theft Auto, претворајќи ги гејминг-клубовите во места за вистинско GTA доживување.

Централниот дел од настанот ќе биде можноста посетителите да ја испробаат GTA 6 и одблизу да се запознаат со играта. Сите заинтересирани ќе можат да добијат свој термин за играње и да го искусат старо-новиот свет на Rockstar Games, но настанот нема да биде наменет исклучиво за оние што сакаат да седнат пред конзолата.

Идејата е да се создаде простор за собирање на домашната гејминг-заедница, размена на искуства, запознавање нови луѓе и поврзување на креаторите на дигитална содржина. Настанот ќе биде можност за дружба меѓу гејмери, стримери, јутјубери, инфлуенсери и сите оние што ја следат гејминг-културата, со можност за нови соработки и запознавања.

Посетителите ќе можат да разговараат за играта, да ги споделат своите први впечатоци, да разменат мислења за новините во GTA 6 и едноставно да поминат ден во друштво на луѓе со слични интереси. Со музика, тематска атмосфера и активности во текот на денот, организаторите сакаат настанот да прерасне во вистинско собирање на гејминг-заедницата, а не само во можност за тестирање на нова игра.

БЕСПЛАТНО ИГРАЊЕ, НО СО ЗАДОЛЖИТЕЛНО АПЛИЦИРАЊЕ ЗА ИГРАЊЕ

Една од најважните информации за сите заинтересирани е дека учеството и можноста за играње на GTA 6 се целосно бесплатни. Посетителите нема да треба да плаќаат за да ја испробаат играта, а можноста ќе биде достапна во текот на целиот настан.

Сепак, поради организацијата и распоредот на термините за играње, сите што сакаат да ја испробаат GTA 6 ќе треба однапред да аплицираат преку официјалниот формулар.

По апликацијата ќе се врши јавно влечење за сите луѓе што ќе се пријават за термин за играње, со што ќе се овозможи подобра организација и ќе се избегне непотребно чекање.

КОГА, КАДЕ И ЗОШТО?

GTA 6 Launch Event ќе се одржува на 19 ноември, со почеток во 11:00 часот, истовремено во Inferno 1 во Тафталиџе и Inferno 2 во Кисела Вода.

За сите љубители на Grand Theft Auto, ова ќе биде можност да го дочекаат новото поглавје на франшизата во друштво на домашната гејминг-заедница, со целодневна Vice City атмосфера, музика, дружење и, секако, можност први да ги споделат своите впечатоци од GTA 6.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!