Sonic Origins – Ремастер на 4 Sonic игри

SEGA официјално ја сподели очекуваната Sonic Origins колекција на игри која што ќе се состои од 4 стари но целосно ремастерувани Sonic игри. Игри со кои што израснаа неколку генерации кои што сега се стари гејмери. И нормално оваа колекција ќе пристигне на роденденот на Синото Еже – 23ти јуни 2022. Игрите ќе бидат достапни на PC, PlayStation 4, PlayStation 5, Xbox One, Xbox Series X|S и Nintendo Switch.

Колекцијата на Sonic Origins содржи: Sonic the Hedgehog, Sonic 2, Sonic 3 & Knuckles и Sonic CD. Секоја игра е ремастерирана и ќе можете да играте во “Classic” или “Anniversary ” Modes. Classic Mode ќе биде буквално како што ги знаеме, со истата тешкотија и брзина, додека Anniversary се претвора во режим на цел екран и нуди бесконечни животи. Исто така, ќе можете да отклучувате медали со завршување на специјални мисии, кои може да се користат за отклучување на содржината за играње специјални фази.

Можете да направите Pre-Order на Sonic Origins почнувајќи од денес за 40 долари. Дигиталните преднарачки ќе добијат бонус од 100 медали, отклучување на Mirror Mode и Letter Box Mega Drive Pattern. Доколку сакате, можете да го купите Digital Deluxe изданието за 45 долари, кое додава опции за Потешки мисии, Letter Box, Character and Island Camera во главното мени, Character Animation во делот за Music Playback и ексклузивни песни на Mega Drive. Можете исто така да ги купите ексклузивните песни на Mega Drive одделно за 4 долари.

Ова е една од двете Sonic игри за кои знаеме дека се во развој (иако оваа е неколку во една), а другата е Open-World Sonic игра (или како што они го викаат Open-Zone) која беше најавено заедно со Sonic Origins минатата година. И втората игра е закажана некогаш за 2022 година, но треба да почекаме да видиме дали ќе биде оваа или следната година.

Во меѓувреме, филмската адаптација Sonic the Hedgehog 2 сега е во кината, која во голема мера се заснова на игрите во компилацијата Origins – особено Sonic 2 и 3! Можете да ја прочитате нашата рецензија за филмот ТУКА (tap)

МАРКЕТИНГ

Судбината на следната игра од креаторот на Doom, Џон Ромеро, беше доведена во прашање откако Xbox го откажа проектот минатата година. За среќа, Ромеро во ново интервју потврди дека проектот сепак ќе биде реализиран, бидејќи неговото студио пронашло нов издавач.

Romero Games пронајде нов издавач

Џон Ромеро и неговата сопруга, дизајнерката на видеоигри Бренда Ромеро, го основаа студиото Romero Games пред повеќе од една деценија, а досега ги создадоа Gunman Taco Truck, Empire of Sin и епизодите Sigil во Doom + Doom II. Студиото планираше да направи исчекор кон развој на ААА-акциски игри со помош на Xbox Game Studios, но Xbox го откажа проектот за време на масовните отпуштања во 2025 година. Како последица на тоа, Romero Games мораше да отпушти уште дел од своите програмери.

Во неодамнешно интервју за Video Games Chronicle, Џон Ромеро откри повеќе детали за патот на проектот и потврди дека конечно успеал повторно да вработи дел од програмерите што претходно морал да ги отпушти. Romero Games првично го намалил бројот на вработени од 110 на само петмина, бидејќи не можел да најде финансирање. Сепак, студиото ги задржало сите права на интелектуална сопственост поврзани со проектот и на крајот пронашло издавач кој ќе го преземе.

„Едноставно контактирав со некого што го познавав и во основа склучивме договор, така што сега имаме нов издавач“, откри Ромеро, додавајќи дека „не може да каже кој е, кога ќе биде најавен или што било друго во врска со тоа“.

Во октомври 2026 година, Romero Games има околу 15 вработени програмери. Играта соодветно го промени својот опсег, а Ромеро признава дека помалиот тим не би можел да ја заврши играта онака како што првично била замислена во рамките на договорот со Xbox.

„Значи, ова е целосно редизајнирање на сосема поинаква игра, но користи голем дел од работата што ја имавме во претходните игри. На пример, тука се сите овие ликови што можеме да ги префрлиме“, објасни Ромеро. „Графика, програмски код, средства – мислам, игрите со пукање имаат многу заеднички код – така што префрливме голем број работи во новата игра, што ни даде значителна предност, почнувајќи со навистина одлична графика, интересни оружја и сè останато од тој вид“.

Без оглед на тоа каква конечна форма ќе добие следната игра на Romero Games, одлично е да се види дека делови од оригиналниот проект биле корисни и дека на некаков начин сепак ќе бидат реализирани. Други студија погодени на сличен начин немаа таква среќа.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!