Новиот трејлер за Final Fantasy XVI – Awakening

Final Fantasy е една од оние франшизи кои имаат долга историја. Последен голем наслов добивме во 2016-та година со излегувањето на Final Fantasy XV која како и сите свои претходници помалку или повеќе доживеа успех. Воопшто не беше за сомневање дали франшизата ќе застане таму, па така денеска го добивме и првиот подолг трејлер за новата игра во низата, Final Fantasy XVI!

Поради некоја причина трејлерот има Age Restriction…

Овој пат играта нè носи во светот Valisthea, свет кој 1500 години е опседнат од чума која го ништи животот на земјата и ја остава во мрак. Единствена надеж за преживување ја даваат огромни кристали наречени Mothercrystals, кои даваат благослов без кој животот би згаснал. На светот доминантни се шест фракции, The Grand Duchy of Rosaria, The Holy Empire of Sanbreque, The Dhalmekian Republic, The Iron Kingdom, The Crystalline Dominion и The Kingdom of Waloed. Секоја од фракциите е со специфичен дизајн, политика и идеја за тоа која треба да доминира во светот. Главен лик во приказната е младиот Clive Rosfield кој потекнува од Rosaria.

Who shall claim their fading light? From a single spark, will the land ignite A new shadow rises to fall upon the Dominants, painting their destinies black as night.

Иако Final Fantasy XVI може да биде многу очекуван наслов за многумина, тоа во никој случај не е единствената Final Fantasy игра што Square Enix ја има во работа. Дополнително, вториот дел од трилогијата за Final Fantasy VII Remake, насловен како Rebirth, треба да започне „следната зима“. И во блиска иднина, новиот римастер Crisis Core: Final Fantasy VII Reunion ќе биде објавен подоцна оваа година во декември. Накратко, фановите на Final Fantasy имаат многу да очекуваат во наредната година бидејќи серијата дефинитивно влезе во ренесанса.

Во моментов, Final Fantasy XVI нема специфичен датум на издавање, но е подготвен да започне во одреден момент во летото 2023 година. Кога ќе пристигне, ќе биде ексклузивен за PlayStation 5. Се чини дека ќе дојде и верзија за компјутер на играта исто така, но Square Enix допрва треба официјално да објави издание за оваа платформа.

МАРКЕТИНГ

Спорели на:

About The Author

Grand Theft Auto 6 ќе доминира во 2026 година со долгоочекуваното издание за PlayStation 5, но една друга игра, во голема мера инспирирана од GTA, Marvel’s Spider-Man и Genshin Impact – ќе им биде сериозна конкуренција на Rockstar Games. Се работи за играта Ananta.

Игрите на NetEase на големо се претставија на Gamescom Opening Night Live ова лето со Ananta. Играта, која во суштина е „аниме Grand Theft Auto“, привлекува внимание уште од нејзиното најавување, а сега го добивме и официјалниот датум на издавање, во почетокот на 2027 година.

Трејлерот за датумот на издавање на Ananta започнува со кратко претставување на приказната во играта, која изгледа прилично едноставна. Играчите ќе ја преземат улогата на натприроден истражител задолжен за борба против неколку негативци. Не изгледа дека приказната е особено важна, но глетката на главниот лик како виси од страната на авион среде лет, како да е Том Круз, несомнено е прилично импресивна. Потоа добивме поглед и на поголем дел од гејмплејот, кој ги потврдува споредбите со Grand Theft Auto. Ќе истражувате два огромни града со отворен свет и ќе возите или летате со скутери, автомобили и други пофутуристички возила. Играта ќе вклучува и многу мини-игри и активности во кои ќе можете да уживате надвор од главната приказна.

За да не остане во сенка на издавањето на Grand Theft Auto 6, Ananta нуди многу повеќе од познатите елементи преземени од серијалот на Rockstar. Претходните трејлери покажаа дека NetEase црпи инспирација од речиси секоја ААА-игра што може да се замисли. Тоа ја вклучува и можноста да се нишате низ прекрасните аниме-градови во играта како Spider-Man. Навистина изгледа дека NetEase вложува што е можно повеќе пари во Ananta и се стреми да испорача вистинска игра „за сè“, која ќе понуди по нешто за секој гејмер.

Иако Ananta ќе биде бесплатна за играње, не изгледа дека ќе биде гача-игра како Genshin Impact и Honkai: Star Rail. Ќе има купувања во играта, но тие ќе бидат насочени кон козметички додатоци, возила и други украси, наместо кон отклучување ликови. Во таа смисла, се чини дека Ananta ќе биде социјална RPG-игра, која најмногу ќе се натпреварува со Grand Theft Auto Online.

Ananta ќе биде објавена на 15 јануари 2027 година за PlayStation 5 и Windows PC, како и во мобилни верзии за Android и iOS.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!