Humble Bundle нудат 70 Capcom наслови за само $20

Оние кои обожаваат ретро борби и аркадни игри треба да го погледнат овој месечен Capcom Humble Bundle. Овој месец понудата е многу мрдната бидејќи Humble Bundle ви даваат 70 наслови, вклучувајќи ги Street Fighter V: Champion Edition, Final Fight, Ghouls ‘n Ghosts, Darkstalkers: The Night Walkers и многу други наслови на Capcom! И… За само 20 долари!

За само 20 долари, ќе добиете многу ретро игри од каталогот на Capcom и 34% попуст за Street Fighter 6 на Humble Store. Повеќето од 70-те игри потекнуваат од серијата Capcom Arcade Stadium, која зема аркадни скапоцени наслови од кои што се ретро, но прилагодени за модерните платформи!

Овој Capcom Humble Bundle дава клучеви за Steam за оние што го купуваат. Ако сакате само попуст од 34% Street Fighter 6, можете да донирате најниска сума од 2 долари. Со тие 2 долари исто така ќе ја добиете и Ultra Street Fighter IV. Дел од приходите одат за болниците на Children’s Miracle Network, кои обезбедуваат „32 милиони третмани секоја година за деца низ САД и Канада“, според нејзиниот опис на Humble Bundle.

Ако сте обожавател на Mega Man, можете да ги погледнете и Mega Man 2: The Power Fighters и Mega Man: The Power Battle. Felicia дури се претвора во синиот робот во чудесниот Super Gem Fighter Mini Mix, кој е исто така вклучен.

Треба да знаете дека Capcom Humble Bundle истекува на 29 февруари доколку одлучите да го купите. Еве сè што вклучува овој пакет:

МАРКЕТИНГ

Спорели на:

Играта-приквел за Хари Потер Hogwarts Legacy беше најголемото ново издание во 2022 година, со продадени повеќе од 22 милиони копии во првата година во САД, надминувајќи го и тогашното издание на Call of Duty, Call of Duty: Modern Warfare 3. Оттогаш, Hogwarts Legacy успеа да продаде повеќе од 40 милиони копии, па логично е дека продолжението е во подготовка. Во текот на ова лето, матичната компанија Warner Bros. Discovery и официјално потврди: Hogwarts Legacy 2 пристигнува.

Ова не е големо изненадување. Директорите на Warner Bros. со години изјавуваа дека продолжението на милијардската Hogwarts Legacy е приоритет за компанијата, која се мачи да пронајде хитови по забележителни неуспеси како Suicide Squad: Kill the Justice League, промашувања како MultiVersus и откажувања на високопрофилни игри како Wonder Woman. Директорите исто така изјавија дека одделот WB Games ќе ги насочи своите напори кон четири клучни франшизи, од кои една е Хари Потер.

Во писмо до акционерите од 6 август, Warner Bros. наведе дека игрите се „важен двигател на растот“ за компанијата и ги истакна поновите успеси. Потоа официјално им потврди на своите инвеститори дека продолжението на Hogwarts Legacy е во развој.

Во текот на вториот квартал ја објавивме Lego Batman: Legacy of the Dark Knight – најдобро оценетата Lego игра досега – и Game of Thrones: Dragonfire, нашата втора мобилна игра од универзумот на Game of Thrones. Овие изданија ги означија првите лансирања според нашата обновена стратегија, насочена кон четири клучни франшизи вредни над 1 милијарда долари, со дисциплинирани инвестиции зад помал број наслови во кои имаме поголема доверба. Очекуваме игрите во иднина позначајно да придонесуваат за профитабилноста на сегментот, додека нашето портфолио се проширува, вклучувајќи го и второто продолжение на Hogwarts Legacy.

Повторно, ова не е големо изненадување за внимателните обожаватели на Хари Потер. Уште во 2024 година, финансискиот директор на WBD, Гунар Видeнфелс, изјави: „Очигледно, продолжението на ‘Hogwarts Legacy’ е еден од најголемите приоритети во следните неколку години.“

Во 2025 година, извршниот директор и претседател на глобалниот стриминг и гејмерски оддел на Warner Bros. Discovery, Џеј Би Перет, изјави дека по „разочарувачката 2024 година“ за гејмерскиот оддел на компанијата, тој ќе се фокусира на четири франшизи во иднина: Harry Potter/Hogwarts Legacy, Game of Thrones, Mortal Kombat и DC („првенствено Бетмен кога станува збор за игрите посветени на еден лик, но може да вклучи и избрани други можности додека се гради новиот DCU“). Досега, компанијата се придржува до таа стратегија.

Постои и причина да се верува дека Hogwarts Legacy 2 ќе пристигне наскоро. Во 2024 година, Дејвид Хадад, тогашниот претседател на Warner Bros. Interactive Entertainment, за Variety изјави дека тимот за игри „координира дел од пошироките наративни елементи во продолжението на Hogwarts Legacy со приказните што ќе се развиваат во Harry Potter серијата на HBO“, која пристигнува подоцна оваа година.

Се приближуваме до четвртата годишнина од Hogwarts Legacy, па се чини дека е вистинско време за нови авантури во Волшебничкиот свет. Со претстојните големи гејмерски настани, вклучувајќи го Gamescom Opening Night Live во август и The Game Awards во декември, не би требало да изненади доколку првиот поглед на Hogwarts Legacy 2 магично се појави со датум на издавање во 2027 (или 2028) година.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!