Новата Perfect Dark е Римејк на Првата игра

Не сме слушнале ништо ново за новата Perfect Dark игра од студиото на Microsoft – The Initiative речиси од нејзиното објавување на крајот на 2020 година. Заедно со најавниот трејлер, кој не беше баш најјасен, овие две и пол години само дознавме дека е ангажиран е развојниот тим на Crystal Dynamics да помогне во развојот на играта, кој во меѓувреме се пресели од Square Enix во Embracer Group. И додека со право очекуваме дека Microsoft ќе ја претстави играта подетално на почетокот на јуни на својот Xbox Showcase, неколку нови, иако неофицијални, детали ни доаѓаат преку LinkedIn.

Судејќи според информациите што будните очи на ResetEra од Reddit ги забележаа на профилот на LinkedIn на Tyler Thornock, технички аниматор на студиото The Initiative, новата Perfect Dark всушност нема да биде рестартирање, како што сугерираа претходните информации, туку може да биде еден вид римејк на оригиналната игра. Оригиналниот Perfect Dark беше развиен од Rare во 2000 година исклучиво за Nintendo 64, а две години подоцна Microsoft ја доби франшизата откако ги купи Rare. Ова партнерство резултираше со објавување на приквелот Perfect Dark Zero, кој се појави на конзолите Xbox 360 во 2005 година, и ремастерот на оригиналната игра објавен во 2010 година.

Цели 10 години подоцна, новата игра беше најавена за време на The Game Awards 2020 како прв наслов на новоформираното студио на Microsoft – The Initiative. Но, после тоа настана целосен медиумски молк. Дали новата Perfect Dark ќе биде меѓу игрите што ќе бидат претставени за време на Xbox Showcase на 11 јуни, останува да видиме… Сигурно ќе биде бидејќи започнаа многу новости околу неа.

МАРКЕТИНГ

Информациите за следната игра на Naughty Dog, Intergalactic: The Heretic Prophet, беа прилично оскудни откако беше најавена во 2024 година. Шефот на студиото и ко-директор на играта, Нил Дракман, штотуку сподели големо ажурирање, а се чини дека играта е блиску до завршување.

За време на преносот во живо на Revenge Of, чиј домаќин беше Патон Освалт на настанот Comic Creators Block Party 2026, Дракман откри дека Intergalactic е во „последната фаза од продукцијата“. Играта може целосно да се игра, а тимот на Naughty Dog е фокусиран на нејзино усовршување и финално дотерување. Сепак, развојот не бил лесен, а Naughty Dog наводно ги принудувал програмерите да работат прекувремено за да ги исполни роковите.

Intergalactic е првата оригинална интелектуална сопственост на студиото по The Last of Us од 2013 година. Играта ќе биде научнофантастична авантура за лов на награди, која се фокусира на борба со оружје за блиска борба, слична на онаа во игрите од серијалот Souls, наместо на вообичаената борба со огнено оружје на студиото. Intergalactic е сместена 2.000 години во иднината, во алтернативна временска линија што се одвоила од нашата реалност во 1980-тите. Дракман навести дека играчите ќе се урнат на пустинска планета која служи како центар на нова религија.

###

За време на овогодинешниот Last of Us Day (26 септември), Дракман навести дека Naughty Dog има најмалку два нови проекти во рана фаза на развој кои ќе го „прошират канонот на The Last of Us надвор од Part 1 и Part 2“. Тоа би можело да значи дека студиото е подготвено да продолжи понатаму од приказната на Ели, иако сè уште има простор за евентуален трет дел.

Naughty Dog исто така ќе се врати на Uncharted во блиска иднина, според повеќе извештаи. Во играта ќе се појави протагонистот на серијалот, Нејтан Дрејк, но не е потврдено дали тој ќе се врати како главен лик или ќе биде ментор на неговиот наследник. Шон Ескајг ќе ја режира новата игра Uncharted, откако претходно ја водеше работата на Uncharted: The Lost Legacy, самостојното проширување во кое главните улоги ги имаа Клои Фрејзер и Надин Рос.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!