Loot River – Dark Souls и Tetris направиле детенце

Share on facebook
Share on twitter
Share on reddit

Кога игрите ве казнуваат, речиси секогаш има причина за нивното казнување. Сите знаеме најчесто кои се тие игри, големите Souls игри. Сепак овие игри се прават на начин што ги учите нападите на непријателите, учите каде треба да одите и што да правите, се билдате да сте појаки и на крај се враќате да згазите се пред себе. Едноставно тие игри ве наградуваат со тоа што се подобрувате. И Loot River на прво гледање изгледа исто таква игра, но по првото играње сфаќате дека играта некако не сака да ве наградува… До одреден степен…

Loot River се одвива во еден прекрасен мрачен амбиент, каде што сте вовлечени во вечен циклус на живот и смрт. Луѓето постепено полудуваат и стануваат чудовишта. Тоа е позната приказна која никогаш не ви дава никакво изложување. Како и насловите на FromSoft, голем дел од приказната се наоѓа во белешки расфрлани низ светот и повремени ликови што може да ги сретнете. За некои луѓе тоа е многу добро искуство, за мене искрено тоа е малку досадно бидејќи да сфатам што се случува треба да влезам во некое темно ќоше, а не знам дали таму ќе ме очекува најголемиот Lore или нешто сосема небитно од приказната. Пикеслизираниот стил е лудории, а процедурално генерираниот свет го прави целото место на моменти да ви е мерак да умрете, иако така ја правите најголемата грешка, но да истражите некои работи како подобро би можеле да ги направите, и нешто ново да истражите.

ТЕШКА НО ЧИСТА ROGUELIKE ИГРА

Како и сите други Roguelike, дури и во Loot River ги има типичните елементи на жанрот, како што се Permadeath, тешко учење на играта, а исто така и процедурални поставки. По секое заминување (од почетоното место), јасно е дека ќе треба да започнете од нула и ако одлучите да не ги потрошите ресурсите акумулирани во бегството кое што сте го поминале, тие ќе бидат изгубени. Во секој случај, патувањата ќе започнат во Sanctuary, главниот центар на играта, кој освен што дава пристап до нивоата ќе ви овозможи да купите оружје и да го надградите карактерот. Овде ќе се запознаете со Iphis, жената која што ќе ви додели “бесмртност”, но и задача: да најдете начин да уништите една античка клетва. Од Sanctuary можете да се префрлите на првото место на играта, потопено село каде што можете да ги научите зачетоците на борбата, благодарение на присуството на различни непријатели со однапред воспоставени способности.

За време на авантурата во светот ќе се сретнете со неизбежните сандаци кои ќе ви дадат награди како оружје, пари, прстени или модификатори. Наведените прстени нудат бројни бонуси на играчот од можноста за ослободување на громови по серија удари, до воскреснување по смртта и повеќе, и огромен број на други надоградувања кои што се сретнуваат во сите Roguelike игри, не е ништо ново ни посебно. И нормално низ светот нема да наоѓате само ајтеми, оружја или богатства, туку ќе најдете и одредени NPC’s кои што ќе се вратат во почетната зона и ќе станат некои што ќе ви продаваат одредени работи. Уште еден класичен Roguelike елемент што го има во сите игри.

Надминувањето на данџените сигурно ќе ве олабави малку бидејќи сте завршиле една голема тешкотија и сте среќни после тоа. Четири мизерни шишенца кои што ви ја враќааат силата нема да ви помогнат, ова не е Elden Ring да соберете околу 10 и да мислите дека ви се доволно. Тука ќе дојде клучниот систем на Loot River “инвестирање на шишенцата”. Во играта има лик кој се вика Soap – кој на влезот од секое ниво ќе бара од нас да ги вложите вашите напивки/шишенца, врз основа на тоа колку ќе му доверите на Soup и колку ќе му “инвестирате” следниот пат ќе добиете дупло од тоа што сте инвестирале. Тука доѓа големата дилема во самата игра: да ќе му ги доверите на Soap напивките и да имате долгорочна предност или да ги чувате за кога ќе е потребно? Во суштина, зборуваме за облог за кој ќе треба малку стратегија и пред се способност да се процени вистинската закана претставена од конкретни непријатели. Во секој класичен Roguelike знаете дека на почетокот напивките ќе ви бидат многу потребни, но после ќе најдете некој Item кој што ќе може лесно да ви ја враќа силата. Многу големо обложување ќе треба да правите на самите почетоци.

ТЕТРИС ДВИЖЕЊА И ТЕПАЧКИ

Она што е предобро смислено е начинот на кој се движите низ целата игра. Девелоперите решиле да не ви го остават целиот свет и вие да си можете да си шетате насекаде, туку ви понудиле платформи во вид на тетрис коцки и со нив да можете да се движите. Целиот свет, односно платформите се на вода и доколку имате простор да поминете со платформата ќе поминете, доколку не ќе си најдете некој друг начин. Од почеток до крај е еден прекрасен “платформерски пазлер”. Со поместување на теренот под вас, редовно се појавуваат многу можности да избегнете опасност, да напредувате низ тесни точки или да стигнете до некое богатство. Можете исто така да го искористите ова во ваша корист во борба. Приближете се до непријателот, нападнете го, а потоа оддалечете се. Начинот на борба за помош на платформите е направен до перфекција. Доволно сте брзи за да направите прекреасни работи и начини како да ги победите непријателите. Можеби некогаш ќе ве начека поголема група на непријатели и ќе направите интересна финта на една платформа да земете неколку непријатели, или по еден и со таа платформа да им избегате на другите додека тие ги тепате. Буквално можете да правите “тетриси” на каков начин сакате вие. Интересно е што скоро никогаш нема да се тепате како другите, секогаш ќе најдете некако посебен начин да ги тепате непријателите. Понекогаш, постојат чудовишта кои можат да ги замрзнат платформите и единствениот начин да ги братите платформите во функција е да ги убиете непријателите кои што ви ги замрзнуваат платформите. Е ова непријатели тотално ви ја фрлаат во вода можноста што ви ја кажавме погоре да си бегате со помош на платформите. Девелоперите размислиле и на ова да можат некако да ве збунат и да не ви дозволат секогаш да сте “брзи и бесни”.

Има огромен број на различни суштества во морничавиот свет на Loot River од самиот почеток до крајот. Секој од нив има специфичен начин на борба, некои напаѓаат од многу блиску со помош на нивните канџи, мечови или чекани, или од далечина со разни магии и бомби. Пајаци, лилјаци, деформирани суштества и други животни ќе ве измачуваат додека патувате низ Loot River, а ако не сте подготвени, смртта сигурно ќе ве најде. Односно ве чека со снајпер за да ве запука во секоја секунда. Нешто што е многу интересно е што Parry системот работи фантастично. Ако сте се мачеле во другите Souls игри да направите Parry овде ич да не се грижите, ќе ви е мерак кога ќе го правите тоа.. Во зависност со одредени оружја и опрема, исто така, можете да бидете наградени за тоа што ќе правите Parry цело време. Таквите моменти доста ве наградуваат.

ИГРАТА НЕКАКО НЕ Е ДОВРШЕНА

Жално е што Loot River се осеќа како производ од Early Access во сегашната состојба. Недостигот на содржина и целосно незавршеното, незадоволувачко чувство за борбата, движењето и откривањето на ставките го прави овој наслов малку тешко да се препорача на секој. Иако до сега зборевме како многу работи се добри, сепак не се најдобри. Има доста недостатоци. Најдобрите Action Roguelikes бараат цврсти основи за да застанат сами на нозе, а неколку грешки кои ја кршат играта во комбинација со ограничената опрема (Items) и чудни дескрипции на нив се причина за загриженост за оваа игра. Босовите во играта се движат од лесно победливи до некои што можат да ви направат инстант-убиство на вас, и тоа доведува до степен вие да сте направиле нешто многу добро и да дојде некој да ви залепи шамар и се да ви пропадне во вода. Loot River е фрустрирачко искуство на кое очигледно му треба повеќе време за развој, но се надеваме дека играта ќе ја најде својата основа по лансирањето.

УМТЕНОСТА И ЗАДОВОЛСТВОТО Е ВО ДЕТАЛИТЕ

На визуелен план, мрачните поставки кои ја формираат позадината на авантурата се прекрасно изработени, со пикселна уметност курирана до секој детал. На пример, водата е прекрасно претставена со секое бранче, па дури и мрачните фантастични сценарија и непријателите инспирирани од чудовиштата на Lovecraft успеаа да го наполнат екранот како што треба. Но сепак графиките не се единствениот прекрасен детал, тука доаѓа и фантастичниот саундтрак, кој ќе може совршено да го нагласи секој момент од искуството, од електронските звуци на судирите со босовите, до сите врвни мелодии кои што може да ги чуете додека ја истражувате целата мапа. Еден од најдобрите саундтраци во игрите можете да го најдете овде, и за малечка игра како што е оваа ова е перфектно.

ЗАВРШНИ ЗБОРОВИ

Loot River е не доволно комплетна, тешка и скоро добро спакувана игра. Уникатна механика на платформите во стилот на тетрис, кој добро се спојува со светот на играта создаден од момците на Straka Studio. Генерално, играта е повеќе солидна, забавна, предизвикувачка и ќе ве држи приврзани долго време. Се до степенот да сфатите дека некои работи не се толку битни и сметате дека треба да и ставите крај. Но доколку сакате да идете до последен степен значи не ве погодиле некои од лошите елементи.

МАРКЕТИНГ

Спорели на:

Share on facebook
Share on twitter
Share on reddit
Share on pinterest

WP Post Author

Напишете коментар

Вашата адреса за е-пошта нема да биде објавена. Задолжителните полиња се означени со *

Share on facebook
Share on twitter
Share on reddit

Актерот од God of War RagnarokChristopher Judge, кој го дава гласот и глумата на Kratos во игрите сега сака да го глуми големиот Kratos и во ТВ играната адаптација која ќе биде правена од Amazon Prime. Kratos е еден од најпознатите иконски ликови во светот на игрите. Датира од времето на PS2 кога Kratos беше клучен лик на PlayStation и беше веднаш препознатлив поради тоа колку беше целосно маестрален, неговите тетоважи и лузни и неговиот дементен глас што врескаше по неговите непријатели. Тој беше толку голема работа што NetherRealm дури и го вклучија и во Mortal Kombat како лик што може да се игра во верзиите на играта на PlayStation. Неговото патешествие продолжи во 2018 година со објавувањето на God of War на PS4, што беше меко рестартирање кое го промени тонот на серијалот, но ја продолжи приказната. Актерот на Kratos, исто така се смени и дојде Christopher Judge, кој беше прогласен за давање на една од најдобрите изведби во видео игри!

Претходно оваа година беше потврдено дека Amazon развива играна ТВ сериј за God of War. Не е јасно кои игри ќе ги адаптира или кои ликови ќе бидат во серијата, но многумина почнаа да го кастираат Kratos. Моментално оваа франшиза има толкава фан база што луѓе полудуваат за кој да биде Kratos!

Актерот кој што е многу актуелен со Филмскиот универзум на Marvel, Dave Bautista, го фрли своето име во пехарот на Kratos, а многу други имиња беа предложени од обожавателите. Но сепак Dave Bautista е многу пропаднат актер што моментално пробува секаде да се протне бидејќи никој не го сака толку многу. Пробува да се протне и во адаптацијата на Gears of War, да се прават Marvel филмови само со него, и многу други работи. Dave Bautista е актерот кој што би направил се за да добие улога која ќе му донесе многу пари, но сепак луѓето не го сакаат.

Сепак, актерот на Kratos, Christopher Judge, мисли дека тој е човекот за таа работа. Еден обожавател на Twitter потенцираше дека никој од актерите што се барани од страна на фанови не биле доволно добри да ја земат секирата или мечовите и да влезат во улога на Kratos. Вистинската улога, односно актерот кој треба да ја добие улогата МОРА да биде Christopher Judge!

Може сите да се сложиме дека Christopher Judge е човекот кој треба да го игра Kratos! Гласот му е прекрасен, иако можеби за млад Kratos може да го промени. Тој има тело за тоа, го има гласот за тоа, се чини дека Christopher Judge е одлично погоден за Kratos. Сепак, со оглед на природата на овие емисии, не би било изненадувачки ако Amazon се обиде да најде по „препознатливо“ име на кое ќе може да се потпира на маркетингот….. А кога зборуваме за препознатливо лице со добра мускулатура и без коса сите знаеме на кој актер прво ни идат мислите… Да не звучиме рацистички но The Rock е белец, Judge можеби ќе биде доста негативно прифатен од страна на фановите.

Ние ниту малку не сакаме Dwayne ‘The Rock’ Johnson да ја игра улогата на Kratos од причина што сметаме дека The Rock треба да си остане на тоа што е добар и што си го прави, Комедии во Hollywood. Иако го видовме малку да премине од комедија во сериозна улога на Анти-Херој во новиот Black Adam филм, сепак има доста други актери кои што можат да го одглумат Kratos. Прекрасен пример е еден од членовите на нашиот тим – Гораст Цветковски! Подоле може да го погледнете во улога на Kratos!