Genshin Impact наднимала приход од $3 милијарди

Кога за прв пат беше прикажана Genshin Impact, Nintendo фановите многу тешко ја прифатија играта. Штандовите на PlayStation од играта беа натрупани со гејмери кои што ја напаѓаа дека е многу инспирирана од Zelda: Breath of the Wild, до степен што PlayStation сакале да направат Zelda но за нивните конзоли. Многу од сликите може да ги погледнете ТУКА. Сепак, кинескиот развивач miHoYo е тој што беше “кој последен се смее најслатко се смее”, бидејќи беше објавено дека верзијата за телефони си собира околу $1 милијарда приход на секои шест месеци! Имајте на ум дека ова е одвоено од она што го заработува на PC и на конзолите. Причината за тоа е што многу повеќе гејмери трошат пари преку телефон за разлика од PC и PlayStation. И интересно е што многу повеќе е играта преку телефони.

Sensor Tower, кој ги разбранува бројките, објаснува: „По објавувањето на играта низ целиот свет, на играта и беа потребни 171 ден за да ги генерира своите први 1 милијарда долари на мобилни телефони, не вклучувајќи го трошењето преку продавници за Android од трети страни. Потоа беа потребни дополнителни 195 дена за да се акумулираат дополнителни 1 милијарда долари – што резултираше за играта да заработи 2 милијарди долари само во првата година. Genshin Impact ја премина пресвртницата од 3 милијарди долари 185 дена подоцна, што значи дека играта има просечен приход од 1 милијарда долари на секои шест месеци, што ја прави една од најуспешните мобилни игри на сите времиња.”

Иако бројките на конзолата се веројатно многу пониски, би можеле да ризикуваме дека и тие да бидат сè уште импресивни, што можеби на некој начин објаснува зошто Sony се толку опседнат со овие игрис. Шефот на PlayStation, Џим Рајан, минатата година навести дека неговата компанија ќе приспособи дел од својата најголема интелектуална сопственост на мобилните телефони, и гледањето на ваквите бројки, изгледа како паметна инвестиција.

Сосема очекувано, Кина е земјата од која доаѓаат најмногу приходите за играта. Ова има смисла бидејќи програмерите зад Genshin Impact, MiHoYo, се базирани таму. Јапонија и САД се на второто и третото место соодветно. Значи, оваа вест веројатно значи дека нивните извори на приходи се дури и повисоки отколку што се пријавени бидејќи овде не се земаат предвид платформите PS4, PS5 и PC. Тие, исто така, посочија дека наскоро ќе излезе (треба да излезе) Switch верзија. Што значи дека тие веројатно ќе заработат уште повеќе пари откако ќе бидат објавени.

Ова е прилично позитивна вест за компанијата, која неодамна мораше да го одложи ажурирањето на Version 2.7 на неодредено време. Така, иако тоа сигурно ќе доведе до пад на приходите на претпоставениот краток рок, бидејќи работите ќе се средат во Кина. Тие сигурно имаат повеќе од доволно пари за да лебдат во ова време. Genshin Impact е бесплатна за PC (преку Epic Games Store и официјалната веб-страна), PlayStation 4, PlayStation 5, Android, iOS, а наскоро доаѓа и на Nintendo Switch.

МАРКЕТИНГ

Тагови:

Спорели на:

Љубителите на Grand Theft Auto, гејмерите и креаторите на дигитална содржина ќе имаат можност да бидат дел од еден специјален настан посветен на долгоочекуваната GTA 6. На 19 ноември, во Скопје ќе се одржи GTA 6 Launch Event, кој истовремено ќе се организира на двете локации на Inferno Gaming Club – Inferno 1 во Тафталиџе и Inferno 2 во Кисела Вода.

Настанот ќе започне во 11:00 часот, а посетителите ќе можат да очекуваат целодневна дружба, гејминг, музика и атмосфера инспирирана од легендарниот Vice City. Организаторите најавуваат тематска музика во текот на целиот ден, со звук и енергија што ќе потсетуваат на препознатливиот свет на Grand Theft Auto, претворајќи ги гејминг-клубовите во места за вистинско GTA доживување.

Централниот дел од настанот ќе биде можноста посетителите да ја испробаат GTA 6 и одблизу да се запознаат со играта. Сите заинтересирани ќе можат да добијат свој термин за играње и да го искусат старо-новиот свет на Rockstar Games, но настанот нема да биде наменет исклучиво за оние што сакаат да седнат пред конзолата.

Идејата е да се создаде простор за собирање на домашната гејминг-заедница, размена на искуства, запознавање нови луѓе и поврзување на креаторите на дигитална содржина. Настанот ќе биде можност за дружба меѓу гејмери, стримери, јутјубери, инфлуенсери и сите оние што ја следат гејминг-културата, со можност за нови соработки и запознавања.

Посетителите ќе можат да разговараат за играта, да ги споделат своите први впечатоци, да разменат мислења за новините во GTA 6 и едноставно да поминат ден во друштво на луѓе со слични интереси. Со музика, тематска атмосфера и активности во текот на денот, организаторите сакаат настанот да прерасне во вистинско собирање на гејминг-заедницата, а не само во можност за тестирање на нова игра.

БЕСПЛАТНО ИГРАЊЕ, НО СО ЗАДОЛЖИТЕЛНО АПЛИЦИРАЊЕ ЗА ИГРАЊЕ

Една од најважните информации за сите заинтересирани е дека учеството и можноста за играње на GTA 6 се целосно бесплатни. Посетителите нема да треба да плаќаат за да ја испробаат играта, а можноста ќе биде достапна во текот на целиот настан.

Сепак, поради организацијата и распоредот на термините за играње, сите што сакаат да ја испробаат GTA 6 ќе треба однапред да аплицираат преку официјалниот формулар.

По апликацијата ќе се врши јавно влечење за сите луѓе што ќе се пријават за термин за играње, со што ќе се овозможи подобра организација и ќе се избегне непотребно чекање.

КОГА, КАДЕ И ЗОШТО?

GTA 6 Launch Event ќе се одржува на 19 ноември, со почеток во 11:00 часот, истовремено во Inferno 1 во Тафталиџе и Inferno 2 во Кисела Вода.

За сите љубители на Grand Theft Auto, ова ќе биде можност да го дочекаат новото поглавје на франшизата во друштво на домашната гејминг-заедница, со целодневна Vice City атмосфера, музика, дружење и, секако, можност први да ги споделат своите впечатоци од GTA 6.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!