Наскоро доаѓа Mortal Kombat 12, но.. пресвртот е во тоа што можеби воопшто нема да го носи името Mortal Kombat 12 и нема да е продолжение!? По минатонеделниот тизер, девелоперите од NetherRealm споделија кратко видео од часовник кој интезивно се движи до бројот 12. Како што доаѓа до 11 и се обидува да штиклира кон 12, времето скока напред сè до 1! Што треба да значи ова?! Дали ова значи целосен рестарт на целата франшиза?!
Треба да дознаеме многу брзо… Шпекулациите сугерираат дека играта ќе биде објавена ова лето, или како дел од некој вид на PS Showcase или на некој од другите настани што моментално се планирани да се одржат во јуни. Дефинитивно се чувствува како студиото да гради кон нешто сега, а од финансискиот извештај на издавачот Warner Bros знаеме дека насловот е насочен кон објавување подоцна оваа година.
