Nintendo of America откри дека Чарлс Мартинет, долгогодишниот глас на Супер Марио во различните Марио игри на компанијата, се повлекува од улогата и повеќе нема да го дава гласот на карактерот и нема да прави никакви реплики.
Нинтендо го објави ова во твит денес, откривајќи дека Мартинет сега преминува во „сосема нова улога на Марио амбасадор“. Додека тој се повлекува од снимањето за Марио, Нинтендо вели дека Мартинет ќе продолжи да патува низ светот за да се дружи со обожавателите и да ја сподели радоста на ликот.https://twitter.com/NintendoAmerica/status/1693624002982314108?s=20
Мартинет го дава гласот на Марио во главните игри од Super Mario 64 од делечната 1996 година. Тоа е повеќе од 25 години како една од најпопуларните маскоти на сите времиња. Нинтендо изјавија дека подоцна ќе сподели специјална видео порака од креаторот на Марио, Шигеру Мијамото и Мартинет.
За жал не е точно откреино зошто Мартинет стварно си заминува од оваа улога, се шпекулира дека е нешто многу сериозно. Можеби Нинтендо сака да го одведе гласот во друга насока – го ангажираа Крис Прат да го дава гласот на Марио во овогодинешниот масовно успешен филм „Super Mario Bros.”. Можеби Мартинет едноставно сака да се одалечи од ликот, иако тоа изгледа малку веројатно бидејќи тој сега е во нова улога на Марио амбасадор, според Нинтендо.
Како и да е, навистина на сите ќе ни фали тој уникатен глас. Следното појавување на Марио е во Super Mario Bros. Wonder која ќе се појави на Switch овој октомври, но со оглед на денешните вести, сега не е јасно дали Мартинет е гласот на Марио во таа игра.
