Турнири во Guilty Gear, sNES Dragon Ball Z и Yu-Gi-Oh! на Нихон-џи 2.0

Загрејте ги Џојстиците и Картите

Неформалната организација Japan@mk и оваа година одвојува значително внимание и простор во својата подобрена и побогата програма за гејминг делот кој е особено привлечен за младата публика! Па и за старите фанови да тепачките игри и нормално една од најпопуларните игри со карти – Yu-Gi-Oh!

На второто издание на Нихон-Џи фестивалот на јапонска култура кој ќе се одржи на 27-ми мај во Мала Станица, публиката ќе има можност да учествува на три турнири, и тоа во видео игрите: Guilty Gear и sNES Dragon Ball Z Hyper Dimension, малку ново и малку ептен ретро, како и играта со карти Yu-Gi-Oh! Дополнително, за оние кои не сакаат да учествуваат во ниту еден натпревар, а сепак сакаат да ги испробаат своите вештини во друштвени игри на јапонска тематика, ќе можат да го сторат тоа приклучувајќи се на релаксираното катче за друштвени игри!

Турнирот во Guilty Gear – Strive е во организација на Ѓорѓи Конгуловски од Redfist Dojo, а за загревање на атмосферата задолжени ќе бидат коментаторите Марко Гулевски и Дарко “Pazzie” Никодиновски. Овој возбудлив дел од фестивалската програма е овозможен од МЕСФ!

Македонската Еспорт Федерација е непрофитна организација одговорна за организирање на официјални еспорт натпревари и турнири. Нивната мисија е промовирање на еспортот и гејмингот, за да се зголеми нивото на свесност, да се подобрат стандардите и да инспирира идни таленти. МЕСФ организира национални еспорт лиги и квалификациски турнири за светски и европски шампионати.

sNES турнирот во играта Dragon Ball Hyper Dimension, ќе биде овозможен од Божиновски Часовници и накит, кои на победникот ќе му доделат атрактивна награда! 

Љубителите на играта и анимето Yu-Gi-Oh!, исто како и минатата година, така и оваа ќе имаат можност да си ги „одмерат силите“ за време на турнирот во играта со карти кој ќе го организира Гоблин Друштвени Игри. Гоблин Друштвени Игри исто така застанува и позади катчето со друштвени игри, а координатор на овој дел ќе биде Стефан Велковски.

Учесници на турнирите во Guilty Gear и Yu-Gi-Oh! Ќе бидат оние кои кои се пријавија на претходно објавените јавни повици.

Покрај гејмерскиот сектор, Нихон-џи на својата публика ѝ ветува незаборавно искуство преку изложби, проекции, мода, трибини, поезија, работилници, презентации, боречки вештини и продажен дел.

Фестивалот Нихон-Џи е единствениот од својата природа во земјата, а сите заинтересирани за повеќе информации може да погледнат фотографии, видеа или други информации за сите настани на Јапан@мк на било кој од социјалните медиуми (Instagram, Facebook, Youtube) како и на страната japan.net.mk.

Деталната програма за фестивалот е достапна на нивната офицјална веб страна, како и Фејсбук настанот.

МАРКЕТИНГ

Љубителите на Grand Theft Auto, гејмерите и креаторите на дигитална содржина ќе имаат можност да бидат дел од еден специјален настан посветен на долгоочекуваната GTA 6. На 19 ноември, во Скопје ќе се одржи GTA 6 Launch Event, кој истовремено ќе се организира на двете локации на Inferno Gaming Club – Inferno 1 во Тафталиџе и Inferno 2 во Кисела Вода.

Настанот ќе започне во 11:00 часот, а посетителите ќе можат да очекуваат целодневна дружба, гејминг, музика и атмосфера инспирирана од легендарниот Vice City. Организаторите најавуваат тематска музика во текот на целиот ден, со звук и енергија што ќе потсетуваат на препознатливиот свет на Grand Theft Auto, претворајќи ги гејминг-клубовите во места за вистинско GTA доживување.

Централниот дел од настанот ќе биде можноста посетителите да ја испробаат GTA 6 и одблизу да се запознаат со играта. Сите заинтересирани ќе можат да добијат свој термин за играње и да го искусат старо-новиот свет на Rockstar Games, но настанот нема да биде наменет исклучиво за оние што сакаат да седнат пред конзолата.

Идејата е да се создаде простор за собирање на домашната гејминг-заедница, размена на искуства, запознавање нови луѓе и поврзување на креаторите на дигитална содржина. Настанот ќе биде можност за дружба меѓу гејмери, стримери, јутјубери, инфлуенсери и сите оние што ја следат гејминг-културата, со можност за нови соработки и запознавања.

Посетителите ќе можат да разговараат за играта, да ги споделат своите први впечатоци, да разменат мислења за новините во GTA 6 и едноставно да поминат ден во друштво на луѓе со слични интереси. Со музика, тематска атмосфера и активности во текот на денот, организаторите сакаат настанот да прерасне во вистинско собирање на гејминг-заедницата, а не само во можност за тестирање на нова игра.

БЕСПЛАТНО ИГРАЊЕ, НО СО ЗАДОЛЖИТЕЛНО АПЛИЦИРАЊЕ ЗА ИГРАЊЕ

Една од најважните информации за сите заинтересирани е дека учеството и можноста за играње на GTA 6 се целосно бесплатни. Посетителите нема да треба да плаќаат за да ја испробаат играта, а можноста ќе биде достапна во текот на целиот настан.

Сепак, поради организацијата и распоредот на термините за играње, сите што сакаат да ја испробаат GTA 6 ќе треба однапред да аплицираат преку официјалниот формулар.

По апликацијата ќе се врши јавно влечење за сите луѓе што ќе се пријават за термин за играње, со што ќе се овозможи подобра организација и ќе се избегне непотребно чекање.

КОГА, КАДЕ И ЗОШТО?

GTA 6 Launch Event ќе се одржува на 19 ноември, со почеток во 11:00 часот, истовремено во Inferno 1 во Тафталиџе и Inferno 2 во Кисела Вода.

За сите љубители на Grand Theft Auto, ова ќе биде можност да го дочекаат новото поглавје на франшизата во друштво на домашната гејминг-заедница, со целодневна Vice City атмосфера, музика, дружење и, секако, можност први да ги споделат своите впечатоци од GTA 6.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!