Call of Duty слави 20 Години

На овој ден пред 20 години легендите од Infinity Ward на светот му ја претставија една од најдобрите пукачки игри некогаш направени – Call of Duty. Во тој момент беа составен од тим од само 21 вработен во студиото. Од денес ако убрзаме точно 20 години ќе видиме дека франшизата е преполна со наслови, поттикнати од базата на фанови која брои стотици милиони и развиена од тимови кои сега ги има илјадници.

Денес е дваесетгодишнината на Call of Duty и каква пресвртница е тоа. Може да се каже дека Call of Duty е единствената најпрепознатлива франшиза на игри во светот. Фрнашизата е титан на индустријата што може да привлече милијарди долари во приходи секоја година. Од 2003 година, серијата продаде повеќе од половина милијарда копии и собра повеќе месечни активни корисници од која било друга франшиза на пазарот.

Од огромниот успех на Call of Duty Warzone до стотиците милиони на COD Mobile, и сè попопуларната заедница за е-спорт до разновидна сцена за создавање содржини, Call of Duty е монументална франшиза со многу вредни гранки кои се чини дека никогаш не престануваат да растат.

Во последните дваесет години, игрите на Call of Duty не однесоа од Втората светска војна во далечната иднина. Од фамозната реченица “Boots-on-the-Ground“, традиционална борба, до битни со футуристички оружја и останати чуда. Тоа е серија што привлече славни личности кои што исто така инвестираа многу пари во франшизата едноставно на некаков начин да се појават во нивната омилена игра.

За жал сите знаеме дека Call of Duty овие 20 години не беше на врвот цело време, секогаш имаше големи падини. Имаше некои одлуки засновани на развој кои предизвикаа загриженост кај обожавателите ширум светот, и тоа долго време беше извор на тековната дебата во врска со темите на расизмот, сексизмот и токсичноста што неконтролираа во основната заедница на серијата. Исто така трејлерот за Call of Duty Advanced Warfare се уште е едно од видеата на YouTube со најмногу Дислајкови, иако за жал веќе не можеме да ги видиме. Повеќе на ова можете да видете во нашата емисија со Александар Крстиќ, човек кој што работеше на та игра.

Сè уште има очекувања дека има светла иднина за Call of Duty. За девелоперите, има многу потенцијал за серијата напред, и во овој момент, таа буквално може да оди каде што сака. Со секоја измината година, игрите се продаваат побрзо и со поголем жар, и покрај вообичаените поплаки кои се појавуваат на површина за одредени елементи на играта: движење, микротрансакции, асистенција со цел итн.

МАРКЕТИНГ

Љубителите на Grand Theft Auto, гејмерите и креаторите на дигитална содржина ќе имаат можност да бидат дел од еден специјален настан посветен на долгоочекуваната GTA 6. На 19 ноември, во Скопје ќе се одржи GTA 6 Launch Event, кој истовремено ќе се организира на двете локации на Inferno Gaming Club – Inferno 1 во Тафталиџе и Inferno 2 во Кисела Вода.

Настанот ќе започне во 11:00 часот, а посетителите ќе можат да очекуваат целодневна дружба, гејминг, музика и атмосфера инспирирана од легендарниот Vice City. Организаторите најавуваат тематска музика во текот на целиот ден, со звук и енергија што ќе потсетуваат на препознатливиот свет на Grand Theft Auto, претворајќи ги гејминг-клубовите во места за вистинско GTA доживување.

Централниот дел од настанот ќе биде можноста посетителите да ја испробаат GTA 6 и одблизу да се запознаат со играта. Сите заинтересирани ќе можат да добијат свој термин за играње и да го искусат старо-новиот свет на Rockstar Games, но настанот нема да биде наменет исклучиво за оние што сакаат да седнат пред конзолата.

Идејата е да се создаде простор за собирање на домашната гејминг-заедница, размена на искуства, запознавање нови луѓе и поврзување на креаторите на дигитална содржина. Настанот ќе биде можност за дружба меѓу гејмери, стримери, јутјубери, инфлуенсери и сите оние што ја следат гејминг-културата, со можност за нови соработки и запознавања.

Посетителите ќе можат да разговараат за играта, да ги споделат своите први впечатоци, да разменат мислења за новините во GTA 6 и едноставно да поминат ден во друштво на луѓе со слични интереси. Со музика, тематска атмосфера и активности во текот на денот, организаторите сакаат настанот да прерасне во вистинско собирање на гејминг-заедницата, а не само во можност за тестирање на нова игра.

БЕСПЛАТНО ИГРАЊЕ, НО СО ЗАДОЛЖИТЕЛНО АПЛИЦИРАЊЕ ЗА ИГРАЊЕ

Една од најважните информации за сите заинтересирани е дека учеството и можноста за играње на GTA 6 се целосно бесплатни. Посетителите нема да треба да плаќаат за да ја испробаат играта, а можноста ќе биде достапна во текот на целиот настан.

Сепак, поради организацијата и распоредот на термините за играње, сите што сакаат да ја испробаат GTA 6 ќе треба однапред да аплицираат преку официјалниот формулар.

По апликацијата ќе се врши јавно влечење за сите луѓе што ќе се пријават за термин за играње, со што ќе се овозможи подобра организација и ќе се избегне непотребно чекање.

КОГА, КАДЕ И ЗОШТО?

GTA 6 Launch Event ќе се одржува на 19 ноември, со почеток во 11:00 часот, истовремено во Inferno 1 во Тафталиџе и Inferno 2 во Кисела Вода.

За сите љубители на Grand Theft Auto, ова ќе биде можност да го дочекаат новото поглавје на франшизата во друштво на домашната гејминг-заедница, со целодневна Vice City атмосфера, музика, дружење и, секако, можност први да ги споделат своите впечатоци од GTA 6.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!