Новата Justice League игра беше претставена како дел од денешниот настан OG Unwrapped организиран од издавачот Outright Games. Иако не се знае многу за новата игра, вклучувајќи го и нејзиното официјално име, првиот тизер е објавен, а потврдено е дека играта ја развива PHL Collective за PlayStation 5, PlayStation 4, Xbox Series X, Xbox Series S , Nintendo Switch и PC. Исто така, се очекува да излезе во текот на следната година.
Екстремно краток тизер кој ја открива играта дава поглед на мини (детските) верзии на Superman, Batman, The Flash, Cyborg, Wonder Woman, Green Lantern и Aquaman. А, судејќи по смешкањето во тизерот, изгледа дека Џокерот ќе биде дел од неволјата што ги очекува хероите и хероините од оваа игра. Како што може да се очекува од Outright Games, играта е опишана како семејна авантуристичка игра со суперхерои на DC.
Некои дополнителни детали откриени од Outright Games вклучуваат дека нема да има микротрансакции, ќе има Multiplayer и дека играта е првенствено наменета за оние под десет години. Не рипајте многу, за младите е ова, не е за сите.
Xbox овој месец ја прославува својата 25-годишнина, а по тој повод ги изненадува фановите со бројни подароци и најави. Игри како Minecraft, Microsoft Flight Simulator 2024, Gears E-Day и други добија бесплатни содржини по повод прославата. Покрај бесплатните предмети во игрите, играчите добија и неколку возбудливи најави од студијата Id Software и MachineGames, кои се во сопственост на Bethesda.
Извршната директорка на Xbox, Аша Шарма, во четвртокот објави порака на X во која зборуваше за подобрувањата што пристигнуваат на Xbox, но тоа не беше сè. Таа ја промовираше и новата Slaughter Mode, бесконечен борбен режим за Doom: The Dark Ages. Во овој режим, играчите ќе се соочуваат со сè посилни бранови случајно избрани демони, со цел да освојат што повеќе поени и да собираат черепи кои можат да ги заменат за уникатни награди. По секој бран, ќе мора да одлучат дали ќе продолжат и ќе ризикуваат да го изгубат целиот дотогашен напредок или ќе се откажат и ќе се обидат повторно подоцна.
Ажурирањето со Slaughter Mode за Doom: The Dark Ages треба да биде објавено во понеделник, на 16 ноември. Бесплатно ќе биде достапно за играчите кои го поседуваат DLC-пакетот Revelations, како и за оние кои ја купиле премиум верзијата или премиум надградбата за Doom: The Dark Ages.
Id Software и MachineGames работат на нови игри
Few studios have shaped the first-person shooter genre as much as @idSoftware. Slaughter Mode comes to DOOM: The Dark Ages | Revelations on Monday, and the team is already working on its next game. pic.twitter.com/lkLlQ6Umo2
Студиото Id Software, кое стои зад Doom: The Dark Ages, одговори на објавата на Шарма за новото ажурирање и потврди дека неговите тимови во Тексас и Франкфурт работат на нова игра. Се чини дека мистериозниот проект сè уште е во рана фаза на развој, бидејќи Id Software не сподели многу детали. Сепак, потврди дека режисер на играта ќе биде Хуго Мартин, кој ја предводеше работата на The Dark Ages.
Ова не беше единствената најава за нова игра во четвртокот. Шарма потврди дека Wolfenstein 3 официјално е во продукција во студиото MachineGames. Ваквата најава беше очекувана, бидејќи минатата година шефот на студиото, Јерк Густафсон, потврди дека рестартирањето на серијалот Wolfenstein отсекогаш било замислено како трилогија. Сепак, официјалната потврда дека играта се развива претставува значаен чекор напред во однос на претходните гласини и шпекулации.
Wolfenstein 3 is officially in production at @MachineGames. One of gaming's most important franchises, and a team that has done remarkable work bringing it forward. Looking forward to sharing more. pic.twitter.com/YyX8LrbTvh
Двете најави беа придружени со малку детали, па веројатно станува збор за проекти кои сè уште се во рана фаза на развој. Сепак, ова се одлични вести за фановите кои со нетрпение очекуваат нови игри од овие студија. Засега ќе мора да почекаме за повеќе информации, но за среќа, новиот режим на игра во Doom: The Dark Ages ќе ни понуди нешто со што ќе го исполниме времето дотогаш.