Денес требаше да ја играме GTA 6… Требаше…

GTA 6

Grand Theft Auto 6 требаше да биде лансирана денес, 26 мај, пред да биде одложена за ноември оваа година. Ќе видиме дали навистина ќе биде и во ноември оваа година.

Развивачите Rockstar Games првично планираа Grand Theft Auto 6 да биде лансирана кон крајот на 2025 година, но минатиот мај потврдија дека продолжението на Grand Theft Auto 5 од 2013 година ќе биде објавена на 26 мај 2026 година, после цели 13 години.

„Интересот и возбудата околу Grand Theft Auto беа навистина голема за целиот наш тим. Со секоја игра што ја објавивме, целта отсекогаш беше да се обидеме да ги надминеме вашите очекувања, а GTA 6 не е исклучок. Се надеваме дека разбирате дека ни е потребно ова дополнително време за да го испорачаме нивото на квалитет што го очекувате и заслужувате.“

Стоеше во тогашното соопштение на Rockstar Games

Неколку месеци подоцна, датумот на објавување на Grand Theft Auto 6 беше поместен на 19 ноември 2026 година.

Минатата недела, издавачот Take-Two Interactive потврди дека играта е сè уште на добар пат да се лансира во ноември по виралната гласина за одложување на 4chan.

Сепак, најновиот трејлер за Grand Theft Auto 6, кој е прикачен на врвот на страниците на социјалните медиуми на Rockstar, сè уште го рекламира датумот на објавување во мај.

Во вирална објава на GTA6 Reddit, еден корисник објави како партнерката го изненадила дечкото со парите вчера (25 мај) за да ја купат играта на денот на лансирањето. „Морав да ѝ објаснам дека нема да излезе до ноември. Само покажува дека повеќето обични играчи дури и не се во тек со новостите и нема да имаат поим за одложувањето“.

Се објави дека Grand Theft Auto 6 ќе стане најскапата видео игра некогаш направена кога конечно ќе биде лансирана. Извршниот директор на Take-Two, Штраус Зелник, исто така предвиде дека луѓето ќе отсуствуваат од работа за да ја играат играта на денот на објавување.

МАРКЕТИНГ

Тагови:

Спорели на:

Љубителите на Grand Theft Auto, гејмерите и креаторите на дигитална содржина ќе имаат можност да бидат дел од еден специјален настан посветен на долгоочекуваната GTA 6. На 19 ноември, во Скопје ќе се одржи GTA 6 Launch Event, кој истовремено ќе се организира на двете локации на Inferno Gaming Club – Inferno 1 во Тафталиџе и Inferno 2 во Кисела Вода.

Настанот ќе започне во 11:00 часот, а посетителите ќе можат да очекуваат целодневна дружба, гејминг, музика и атмосфера инспирирана од легендарниот Vice City. Организаторите најавуваат тематска музика во текот на целиот ден, со звук и енергија што ќе потсетуваат на препознатливиот свет на Grand Theft Auto, претворајќи ги гејминг-клубовите во места за вистинско GTA доживување.

Централниот дел од настанот ќе биде можноста посетителите да ја испробаат GTA 6 и одблизу да се запознаат со играта. Сите заинтересирани ќе можат да добијат свој термин за играње и да го искусат старо-новиот свет на Rockstar Games, но настанот нема да биде наменет исклучиво за оние што сакаат да седнат пред конзолата.

Идејата е да се создаде простор за собирање на домашната гејминг-заедница, размена на искуства, запознавање нови луѓе и поврзување на креаторите на дигитална содржина. Настанот ќе биде можност за дружба меѓу гејмери, стримери, јутјубери, инфлуенсери и сите оние што ја следат гејминг-културата, со можност за нови соработки и запознавања.

Посетителите ќе можат да разговараат за играта, да ги споделат своите први впечатоци, да разменат мислења за новините во GTA 6 и едноставно да поминат ден во друштво на луѓе со слични интереси. Со музика, тематска атмосфера и активности во текот на денот, организаторите сакаат настанот да прерасне во вистинско собирање на гејминг-заедницата, а не само во можност за тестирање на нова игра.

БЕСПЛАТНО ИГРАЊЕ, НО СО ЗАДОЛЖИТЕЛНО АПЛИЦИРАЊЕ ЗА ИГРАЊЕ

Една од најважните информации за сите заинтересирани е дека учеството и можноста за играње на GTA 6 се целосно бесплатни. Посетителите нема да треба да плаќаат за да ја испробаат играта, а можноста ќе биде достапна во текот на целиот настан.

Сепак, поради организацијата и распоредот на термините за играње, сите што сакаат да ја испробаат GTA 6 ќе треба однапред да аплицираат преку официјалниот формулар.

По апликацијата ќе се врши јавно влечење за сите луѓе што ќе се пријават за термин за играње, со што ќе се овозможи подобра организација и ќе се избегне непотребно чекање.

КОГА, КАДЕ И ЗОШТО?

GTA 6 Launch Event ќе се одржува на 19 ноември, со почеток во 11:00 часот, истовремено во Inferno 1 во Тафталиџе и Inferno 2 во Кисела Вода.

За сите љубители на Grand Theft Auto, ова ќе биде можност да го дочекаат новото поглавје на франшизата во друштво на домашната гејминг-заедница, со целодневна Vice City атмосфера, музика, дружење и, секако, можност први да ги споделат своите впечатоци од GTA 6.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!