Microsoft работат на нов Cloud Streaming уред “Keystone”

Microsoft веќе некое време планираат да издадат стик за стриминг, слично на другите производи како што се Roku или Amazon Fire стик. Односно ќе биде повеќе како екстра-мини XBOX уред за Cloud Streaming а не баш “стик”.

Новиот стриминг уред ќе се фокусира на Cloud гејмингот бидејќи неодамна ја објавија нивната услуга за Cloud Xbox. Оваа услуга е проширена и на нивните домашни конзоли со Xbox One и Xbox Series X|S. Сега се известува дека Microsoft работат на евтин хардвер кој ќе им овозможи на корисниците да играат Cloud игри директно на нивниот телевизор без потреба од конзола или мобилен уред.

“Our vision for Xbox Cloud Gaming is unwavering, our goal is to enable people to play the games they want, on the devices they want, anywhere they want. As announced last year, we’ve been working on a game-streaming device, CODENAME Keystone, that could be connected to any TV or monitor without the need for a console.”

Microsoft (via WindowsCentral).

Од изјавата, се чини дека „Keystone“ е во развој неколку години и дека ќе продолжи да се развива уште една година, бидејќи ќе ги финализираат спецификациите на нивните производи. Има смисла од бизнис перспектива зошто Microsoft би сакал да се фокусира на Cloud Streaming и покрај тоа што има физичка конзола за продажба. Претходно оваа година, беше објавено дека има над 25 милиони претплатници на нивната услуга Game Pass. Реално денес кој не е претплатен на XBOX Game Pass или е PlayStation и ништо друго, или едноставно не игра игри на XBOX или PC.

Понатаму, познато е дека Microsoft се залага за добивање Game Pass во повеќе домаќинства, без оглед на тоа како тие всушност играат преку услугата. Така, уред за стриминг со ниска цена може да биде начин да се донесе поголем обем на корисници.

МАРКЕТИНГ

Тагови:

Спорели на:

Иво Бару е новиот државен шампион на Македонија во најпознатата друштвена игра во светот „CATAN“, откако вчера, 27 септември, ја освои титулата на „Државното првенство во Catan 2026“ и со тоа обезбеди место на Европското првенство кое во ноември ќе се одржи во Португалија.

Шампионатот се одржа во новоотворениот простор за друштвени игри „Rulebook“ во Скопје, а турнирот повторно беше организиран од „Гоблин Друштвени Игри“. На масите во „Rulebook“ се собраа 64 играчи, кои повеќе од десет часа се натпреваруваа за титулата најдобар играч на „Catan“ во земјава.

По повеќечасовна игра, тактика, трговија и борба за најдобрите позиции, Бару успеа да стигне до шампионската титула и да го освои своето прво Државно првенство.

Иако ова е прва победа на Иво Бару на националниот шампионат, за него финалната маса не е непозната територија. Бару и претходно успевал да стигне до самото финале на Државното првенство, но овојпат успеа да го направи последниот чекор и да ја освои титулата.

Фото: Државно Првенство во Catan 2026

Победата има и дополнително значење бидејќи со неа Бару добива можност Македонија да ја претставува на европската сцена. Како национален шампион, тој ќе настапи на CATAN European Championship 2026, кое во ноември ќе се одржи во Португалија. Според официјалниот систем на CATAN, националните првенства се патот преку кој играчите се квалификуваат за меѓународните натпревари, а шампионите добиваат можност да се борат со најдобрите играчи од другите земји.

Европското првенство претставува еден од најважните меѓународни собири за натпреварувачкиот „Catan“. На него настапуваат претставници од европските земји што организираат национални првенства, а Македонија веќе има свое место во меѓународната историја на играта. Според официјалната статистика на CATAN, Македонија има освоено бодови и во досегашните меѓународни рангирања.

За македонската „Catan“ заедница, овогодишното Државно првенство беше значајно и поради бројот на учесници. Вкупно 64 играчи се натпреваруваа во турнирот, кој траеше повеќе од десет часа, претворајќи го новиот „Rulebook“ во место каде што во текот на целиот ден се играше за една од најпосакуваните титули во македонската заедница на љубители на друштвени игри.

Првенството воедно беше едно од првите поголеми натпреварувања одржани во новиот простор „Rulebook“, кој неодамна беше отворен во центарот на Скопје и е посветен токму на друштвените игри и нивната заедница. „Rulebook“ е замислен како место за играње, турнири и други настани поврзани со друштвените игри, а Државното првенство во Катан беше еден од првите поголеми турнири што го собраа локалното играчко друштво на едно место.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!