Протече датата кога ќе ја добиеме Assassin’s Creed Mirage

Следната игра од франшизата на Assassin’s Creed — наречена Assassin’s Creed Mirage — треба да биде објавена некаде оваа година… Кога оваа година, сè уште не знаеме, Ubisoft допрва треба да го открие датумот на објавување на играта за PC, PS4, PS5, Xbox One, Xbox Series X, Xbox Series S, меѓутоа… претходните гласини и извештаи сугерираа дека ќе излезе ова лето. Иако ги знаевме тие протекувања, сега еден полски познат продавач ја наведе играта со датумот на летното издавање.

Според полскиот продавач Allegro играта на Ubisoft излегува на 30 јуни 2023 година. 30 јуни е петок, најчестиот ден за објавување игри, особено AAA игри. Значи, датумот се проверува во овој поглед, меѓутоа, 30 јуни е исто така последниот ден од јуни, што значи дека ова можеби не е ништо повеќе од плејсхолдер. И ова би имало смисла затоа што не е јасно зошто регионалниот продавач би знаел за датумот на издавање на играта, освен ако таа нема да биде откриена набргу и да оди на Pre-Order (повторно).

Засега земете го овој датум со мала помисла. Ова е протекување, а не официјална информација. И, се разбира, дури и ако овој датум е точен, тоа не значи дека ќе остане вака бидејќи сè е предмет на промена, особено датумите на објавување на видео игрите.

“In the ninth century CE, Baghdad is at its height, leading the world in science, art, innovation, and commerce. Amid its bustling urban landscape, a conflicted young orphan with a tragic past must navigate the streets to survive. In Assassin’s Creed Mirage, you are Basim, a cunning street thief with nightmarish visions, seeking answers and justice. After an act of deadly retribution, Basim flees Baghdad and joins an ancient organization-The Hidden Ones. As he learns their mysterious rituals and powerful tenets, he will hone his unique abilities, discover his true nature, and come to understand a new Creed-one that will change his fate in ways he never could have imagined.”

Синопсис за играта

МАРКЕТИНГ

Љубителите на Grand Theft Auto, гејмерите и креаторите на дигитална содржина ќе имаат можност да бидат дел од еден специјален настан посветен на долгоочекуваната GTA 6. На 19 ноември, во Скопје ќе се одржи GTA 6 Launch Event, кој истовремено ќе се организира на двете локации на Inferno Gaming Club – Inferno 1 во Тафталиџе и Inferno 2 во Кисела Вода.

Настанот ќе започне во 11:00 часот, а посетителите ќе можат да очекуваат целодневна дружба, гејминг, музика и атмосфера инспирирана од легендарниот Vice City. Организаторите најавуваат тематска музика во текот на целиот ден, со звук и енергија што ќе потсетуваат на препознатливиот свет на Grand Theft Auto, претворајќи ги гејминг-клубовите во места за вистинско GTA доживување.

Централниот дел од настанот ќе биде можноста посетителите да ја испробаат GTA 6 и одблизу да се запознаат со играта. Сите заинтересирани ќе можат да добијат свој термин за играње и да го искусат старо-новиот свет на Rockstar Games, но настанот нема да биде наменет исклучиво за оние што сакаат да седнат пред конзолата.

Идејата е да се создаде простор за собирање на домашната гејминг-заедница, размена на искуства, запознавање нови луѓе и поврзување на креаторите на дигитална содржина. Настанот ќе биде можност за дружба меѓу гејмери, стримери, јутјубери, инфлуенсери и сите оние што ја следат гејминг-културата, со можност за нови соработки и запознавања.

Посетителите ќе можат да разговараат за играта, да ги споделат своите први впечатоци, да разменат мислења за новините во GTA 6 и едноставно да поминат ден во друштво на луѓе со слични интереси. Со музика, тематска атмосфера и активности во текот на денот, организаторите сакаат настанот да прерасне во вистинско собирање на гејминг-заедницата, а не само во можност за тестирање на нова игра.

БЕСПЛАТНО ИГРАЊЕ, НО СО ЗАДОЛЖИТЕЛНО АПЛИЦИРАЊЕ ЗА ИГРАЊЕ

Една од најважните информации за сите заинтересирани е дека учеството и можноста за играње на GTA 6 се целосно бесплатни. Посетителите нема да треба да плаќаат за да ја испробаат играта, а можноста ќе биде достапна во текот на целиот настан.

Сепак, поради организацијата и распоредот на термините за играње, сите што сакаат да ја испробаат GTA 6 ќе треба однапред да аплицираат преку официјалниот формулар.

По апликацијата ќе се врши јавно влечење за сите луѓе што ќе се пријават за термин за играње, со што ќе се овозможи подобра организација и ќе се избегне непотребно чекање.

КОГА, КАДЕ И ЗОШТО?

GTA 6 Launch Event ќе се одржува на 19 ноември, со почеток во 11:00 часот, истовремено во Inferno 1 во Тафталиџе и Inferno 2 во Кисела Вода.

За сите љубители на Grand Theft Auto, ова ќе биде можност да го дочекаат новото поглавје на франшизата во друштво на домашната гејминг-заедница, со целодневна Vice City атмосфера, музика, дружење и, секако, можност први да ги споделат своите впечатоци од GTA 6.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!