Првиот голбален Студентски Гејминг трунир во Valorant по вторпат доаѓа во Македонија да постави нови граници и да докаже дека и кај нас има квалитетни Valorant тимови и играчи!
Red Bull Campus Clutch е глобален студентски турнир во играње VALORANT каде што ќе учествуваат повеќе од 50.000 студенти од 300 универзитети од 50+ држави ширум светот. Притоа, истите тие ќе земат учество на повеќе од 400 натпревари низ целиот свет да влезат во единственото глобално винале во VALORANT!
Valorant е сега една од најозборуваните, најгледаните и најигранити игри во последниве неколку години која што стана многу брзо голема во светот на е-спортот. Играта е FPS каде што се игра 5v5 и во истиот концепт ќе учествуваат тимови составени од по 5 играчи – студенти.
Натпреварите за Red Bull Campus Clutch ќе се одржат во следниве фази
Национални квалификации (онлајн)
Први квалификации – 4 ноември 2022 година и
Втори квалификации –5 ноември 2022 година
Повеќе информации за националните квалификации и пријавувањето можете да најдете на официјалниот Red Bull сајт – https://www.redbull.com/mk-mk/events/red-bull-campus-clutch-macedonia.
Национално финале (во живо)
6 ноември 2022 година.
Најдобрите 4 тимови ќе ги измерат силите во живо на необична локација за гејминг – во Ноќен Клуб. Повеќе информации наскоро.
Глобално финале
Декември 2022 година во Бразил.
Победничкиот тим на национално ниво ќе има шанса да ја претставува Македонија на глобалното финале во Бразил и со тоа да се бори за крајната титула – најдобар студентски VALORANT тим во светот!
Оформи тим и пријави се за гејмерска светска авантура!
Пријавувањето и сите подетални информации можете да ги најдете ТУКА
Кои се правилата?
- Учесниците мора да имаат 18+ години.
- Учесниците можат да влезат во игра само ако се тим од пет натпреварувачи (групна регистрација). Еден член на тимот го пријавува тимот во името на сите членови.
- Турнирот е отворен само за резиденти на земјите-учеснички. Листата на земји-учеснички ќе биде објавена наскоро.
- Констелацијата на тимот мора да остане непроменета низ трите фази на турнирот.
- На секој тим ќе му биде дозволено да замени само еден член на тимот во текот на трите фази.
- Секој учесник може да биде член на само еден тим.
- Секој учесник мора да е активен универзитетски студент.
- Можни се дополнителни рестрикции, во зависност од возраста и/или локалните/националните законски регулативи.
Партнери
Red Bull Campus Clutch е во партнерство со неколку светски реномирани компании, вклучувајќи ги AOC, SteelSeries и Intel.
Секој од партнерите ќе понуди висока класа на софтверски решенија.
Intel ќе создаде лимитирани Red Bull Campus Clutch Edition статични компјутери, модел Intel NUC Phantom Canyon за потребите на турнирот. Официјалниот партнер за монитори, AOC ќе ја понуди последната технологија во светот на гејмерските монитори. SteelSeries ќе ги награди студентите-учесници со дел од асортиманот на професионални гејмерски додатоци како слушалки, тастатури и компјутерски глувчиња. Backforce, официјалниот партнер за гејмерски столици, ќе обезбеди професионални гејмерски столици.
