Tales From The Borderlands се враќа во живот ова лето

Gearbox се далеку од завршување со франшизата на Borderlands по објавувањето на Tiny Tina’s Wonderlands и со претстојниот филм Borderlands кој е во постпродукција моментално. Компанијата денеска објави дека популарниот спиноф на Borderlands се враќа оваа година и тоа е нормално познатата игра Tales from the Borderlands.

Компанијата ја сподели оваа информација на официјалниот Twitter на Borderlands. Беше откриено дека Tales from the Borderlands ќе добие втора сезона, а Gearbox наведе дека само 2K се приклучени на овој проект. Твитот гласи: „Има уште приказни за истражување во универзумот на Borderlands. Во 2022 година доаѓа сосема нова авантура на Tales from the Borderlands од @GearboxOfficail и @2K. Повеќе инфо ова лето“. Пораката дојде со уметничко дело со три лика под логото на Borderlands со голема месечина која свети во позадина! Лудории!

Првите девелопер за Tales of the Borderlands беа Telltale Games, но не се спомнати во најавата, што има смисла бидејќи таа компанија презеде повеќе издавачка улога откако беше затворена и воскресна во последните неколку години. Не е познато дали ова ново издание на Tales from the Borderlands ќе продолжи со ликовите од првата сезона или ќе продолжи кон други приказни и карактери во универзумот. Ние претпоставуваме дека ќе бидат целосно нови карактери. Односно ќе ги има и старите, но сепак главните карактери нема да бидат истите.

Првата сезона на Tales of the Borderlands е Adventure Game која ги следи приказните на бивш-вработен во Hyperion Rhys и ConArtist-от Fiona во грубиот, но хумористичниот свет на Pandora.

МАРКЕТИНГ

Спорели на:

Љубителите на Grand Theft Auto, гејмерите и креаторите на дигитална содржина ќе имаат можност да бидат дел од еден специјален настан посветен на долгоочекуваната GTA 6. На 19 ноември, во Скопје ќе се одржи GTA 6 Launch Event, кој истовремено ќе се организира на двете локации на Inferno Gaming Club – Inferno 1 во Тафталиџе и Inferno 2 во Кисела Вода.

Настанот ќе започне во 11:00 часот, а посетителите ќе можат да очекуваат целодневна дружба, гејминг, музика и атмосфера инспирирана од легендарниот Vice City. Организаторите најавуваат тематска музика во текот на целиот ден, со звук и енергија што ќе потсетуваат на препознатливиот свет на Grand Theft Auto, претворајќи ги гејминг-клубовите во места за вистинско GTA доживување.

Централниот дел од настанот ќе биде можноста посетителите да ја испробаат GTA 6 и одблизу да се запознаат со играта. Сите заинтересирани ќе можат да добијат свој термин за играње и да го искусат старо-новиот свет на Rockstar Games, но настанот нема да биде наменет исклучиво за оние што сакаат да седнат пред конзолата.

Идејата е да се создаде простор за собирање на домашната гејминг-заедница, размена на искуства, запознавање нови луѓе и поврзување на креаторите на дигитална содржина. Настанот ќе биде можност за дружба меѓу гејмери, стримери, јутјубери, инфлуенсери и сите оние што ја следат гејминг-културата, со можност за нови соработки и запознавања.

Посетителите ќе можат да разговараат за играта, да ги споделат своите први впечатоци, да разменат мислења за новините во GTA 6 и едноставно да поминат ден во друштво на луѓе со слични интереси. Со музика, тематска атмосфера и активности во текот на денот, организаторите сакаат настанот да прерасне во вистинско собирање на гејминг-заедницата, а не само во можност за тестирање на нова игра.

БЕСПЛАТНО ИГРАЊЕ, НО СО ЗАДОЛЖИТЕЛНО АПЛИЦИРАЊЕ ЗА ИГРАЊЕ

Една од најважните информации за сите заинтересирани е дека учеството и можноста за играње на GTA 6 се целосно бесплатни. Посетителите нема да треба да плаќаат за да ја испробаат играта, а можноста ќе биде достапна во текот на целиот настан.

Сепак, поради организацијата и распоредот на термините за играње, сите што сакаат да ја испробаат GTA 6 ќе треба однапред да аплицираат преку официјалниот формулар.

По апликацијата ќе се врши јавно влечење за сите луѓе што ќе се пријават за термин за играње, со што ќе се овозможи подобра организација и ќе се избегне непотребно чекање.

КОГА, КАДЕ И ЗОШТО?

GTA 6 Launch Event ќе се одржува на 19 ноември, со почеток во 11:00 часот, истовремено во Inferno 1 во Тафталиџе и Inferno 2 во Кисела Вода.

За сите љубители на Grand Theft Auto, ова ќе биде можност да го дочекаат новото поглавје на франшизата во друштво на домашната гејминг-заедница, со целодневна Vice City атмосфера, музика, дружење и, секако, можност први да ги споделат своите впечатоци од GTA 6.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!