XBOX објави кога ќе ја добиеме Redfall

Xbox и Bethesda конечно го открија датумот на објавување на Redfall, кој е претстојниот Co-op Shooter од Arkane Studios. Прво прикажана во 2021 година, Redfall првично беше подготвена да излезе во 2022 година заедно со огромниот наслов од Bethesda – Starfiled. И додека двата наслови подоцна завршија со одложување на првата половина од оваа година, конечно имаме конкретен датум за заокружување на календарот кога станува збор за објваување на Redfall.

Датумот најавен за време на новата презентација на Xbox „Developer Direct“ денес, Redfall беше потврдено дека ќе ја видиме на 2-ри мај. Многу убав ден, прво скарица после идеме да гејмаме. Овој долгоочекуван датум на издавање на играта беше прикажан заедно со еден тон нови снимки од игра за проектот што им дадоа на фановите опширен поглед на тоа што ќе понуди насловот. Не само што Arkane ги покажа главните мисии и различните непријатели што ќе се видат во Redfall, туку исто така блескаше поголемо светло на страничните мисии и некои од уникатните оружја на играта.

Redfall е предвидено да биде една од најголемите ексклузивци што XBOX ги има издадено во подолго време. Во 2022 година заврши како неуспешна година за XBOX бидејќи компанијата не објави многу игри од фрст-парти во текот на целата календарска година. За среќа, оваа година веќе се обликува да биде многу подобра. Не само што Redfall сега ќе биде лансирана во мај, туку ќе биде придружена со Minecraft Legends која треба да пристигне кон крајот на април. Да не зборуваме, Xbox исто така објави нова игра денес насловена Hi-Fi Rush, која доаѓа од студиото зад The Evil Within. Иако сè уште не знаеме кога Starfield би можела да излезе, се чини дека оваа година ќе биде многу поздрава за фановите на Xbox во целина.

За потсетување, Redfall ќе биде достапена само на платформите од тековната генерација кога ќе излезе, што значи дека ќе може да се репродуцира на Xbox Series X, Xbox Series S и PC. Дополнително, бидејќи ова е наслов на Xbox од фрст-парти, ќе биде достапена и преку Xbox Game Pass на првиот ден од објавувањето.

МАРКЕТИНГ

Спорели на:

Се чини дека „Kratos“ за малку ќе станел бог на едно сосема поинакво царство: пицата. Креаторот на God of War, Дејвид Џафе, откри на X дека Кратос првично се викал „Dominus“, сè додека непрекинатите шеги за Domino’s Pizza не го натерале да се предомисли.

„Доминус звучеше брутално, насилно и доминантно“, рече Џафе. „Едноставно го обожавав тоа име. Мислев дека е одлично. Но, потоа нешто почна да се случува во студиото. Луѓето од тимот почнаа да прават шеги за Domino’s Pizza. Секојпат кога некој ќе го кажеше Доминус, некој неизбежно ќе извикаше ‘30 минути или бесплатно’ или ‘Отвори ја вратата, Доминус е тука’, или ќе почнеше да зборува за проклетиот Noid. По околу 50-тиот пат, сè беше јасно. Доминус беше мртов.“ Вреди да се напомене дека Доминус не е грчко, туку римско име, изведено од латинскиот збор за „господар“ или „владетел“.

Џафе продолжи да објаснува дека некој му испечатил огромен список со старогрчки машки имиња за да ги разгледа, но ниту едно од имињата што ги избрал не се задржало. Во тој момент, Сузан Панико, раководителката на маркетингот на играта, го предложила името Кратос, кое му се допаднало на тимот. Џафе подоцна сфатил дека Кратос бил на оригиналниот список со имиња, но дека целосно го пропуштил. „Претпоставувам дека ова покажува колку успехот во игрите зависи од среќата и вистинскиот момент, а во овој случај и од маркетингот.“ На старогрчки, kratos значи „моќ“ или „сила“, па затоа името прилично добро му прилегало на главниот лик.

Откако оригиналната God of War дебитираше во 2005 година, серијалот прерасна во една од најголемите франшизи на Sony. Првите четири главни игри, како и неколку добро прифатени наслови за PSP, беа сместени во грчката митологија, пред играта God of War од 2018 година да го освежи серијалот и да го однесе Кратос во нордиската митологија, каде што научи да биде малку помалку карикатурално убиствено чудовиште во човечка форма.

Што следува за серијалот God of War?

Следната игра од серијалот God of War е God of War: Laufey, уште еден наслов сместен во нордиската митологија. Ова ќе биде првата игра во серијалот во која Кратос нема да биде главниот лик. Наместо тоа, приказната ќе ја следи Феј додека се бори низ задгробниот живот за да ги спаси Кратос и нивниот син Атреј. Играта треба да излезе на 16 февруари 2027 година.

Откако Laufey предизвика „контроверзии“ затоа што главниот лик е жена, Santa Monica Studio јасно стави до знаење дека Кратос ќе се врати како главен лик во сè уште неименуваното продолжение. Претходно оваа година, студиото потврди дека се подготвуваат и римејкови на првите три игри од серијалот. На Prime Video се подготвува и телевизиска серија заснована на God of War од 2018 година, при што Дејв Батиста ќе го глуми Кратос. Повеќе од 20 години подоцна, богот на војната сè уште е во полна сила.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!