Senua’s Saga: Hellblade 2 пристигнува на 21ви мај

XBOX штотуку откри нов трејлер за игра Senua’s Saga: Hellblade 2 на денешниот Xbox Developer Direct, како и датумот на објавување на играта – 21 мај 2024 година.

Сепак, Ninja Theory не откри многу детали за самата приказна. Дури и страницата на Steam на играта остана неочекувано празна. За среќа, денешниот Developer Direct покажува повеќе од Hellblade 2. Се проширува на претходните трејлери, сега малку и гејмплеј, што ја прави играта малку појасна.

Ninja Theory, кои се девелопери на оригиналниот хит Hellblade од 2017 година, се вратија да работи на продолжението со издавачката куќа Xbox Game Studios. Hellblade: Senua’s Sacrifice беше моќно, брутално искуство водено од мрдната приказна. Ја спојува културата и митологијата од ерата на Викинзите со хорор елементи.

Исто така, имаше иконски изведби од актерите, а Мелина Јургенс дури и ја освои наградата за најдобрата изведба на The Game Awards за улогта на Senua. Оригиналната Hellblade продолжува да одржува „многу позитивни“ критики на Steam, години по лансирањето. Значи, очекувањата на фановите се големи за Hellblade 2, кој ќе продолжи со следното поглавје од приказната на Senua.

Senua

Продолжението веќе заработи рејтинг R 18+ во Австралија, така што играчите веројатно може да очекуваат исто ниво на интензитет.

Senua’s Saga: Hellblade 2 нема да има Физичка Верзија, само Дигитално

XBOX објави дека Senua’s Saga: Hellblade 2 нема да има физичко издание, туку компанијата и девелоперите Ninja Theory се одлучиле за лансирање само за дигитално. Откритието дојде преку блог на Xbox Wire по Xbox Developer Direct.

„Senua’s Saga: Hellblade II ќе биде игра направена од срце – игра слична по должина на првата Hellblade, со фокусирана наративност, и ќе се продава само Дигитално за $49.99“.

Официјална изјава од извршниот директор на Ninja Theory, Дом Метјуз

Цената од 50 долари за играта, Метјуз изјавди дека е одраз на пократката должина на приказната на играта во споредба со другите слични наслови. Беше споменато дека играта ќе биде слична по должина на Hellblade: Senua’s Sacrifice, што треба да трае околу девет часа за да заврши сè во играта.

Со оглед на тоа што беше само дигитално лансирање, оригиналната игра беше исто така дигитална само пред да биде објавена физичка копија една година подоцна. Издавањето на Hellblade 2 што е дигитално доаѓа само во време кога играчите се позагрижени за сопственоста на играта од кога било досега.

Неодамна, директорот за претплати на Ubisoft, Филип Трембли, изјави дека играчите треба „да се чувствуваат удобно бидејќи не ги поседуваат повеќе нивните игри така магично“.

МАРКЕТИНГ

Оваа недела Xbox одбележува 25 години од своето постоење. По тој повод, извршната директорка на Xbox, Аша Шарма, објави долга објава на X, во која ја опиша долгата историја на Microsoft во гејминг-индустријата, која започнува многу пред објавувањето на првата конзола Xbox на 15 ноември 2001 година. Сепак, иако најголемиот дел од објавата наликува на вообичаените блог-текстови по повод годишнини од раководители во гејминг-индустријата, последниот дел навестува дека компанијата би можела да тргне во нов правец со најконтроверзната технологија во моментов – генеративната вештачка интелигенција.

„Иако современите игри ги покажуваат највисоките достигнувања на човечката креативност на начини што пред само неколку децении беа незамисливи, трошоците, ресурсите и ризиците потребни за нивно создавање пораснаа исто толку драматично“, напиша Шарма. „Како резултат на тоа, премногу идеи никогаш не стануваат игри, а премногу игри не го достигнуваат она што нивните креатори го замислиле. Со децении, ова беше неизбежниот компромис при остварувањето амбициозни проекти. Мораме да го промениме тоа.“

Шарма неодамна ја опиша гејминг-дивизијата на Microsoft како „нездрава“ и изјави дека Xbox се наоѓа во процес на „рестартирање“, кое веќе доведе до отпуштање на повеќе од илјада вработени и продажба на неколку омилени студија, меѓу кои и Double Fine.

Следниот пасус на Шарма дава одреден увид во тоа како компанијата планира да ја промени ситуацијата. „Низ човечката историја, обемот на она што можевме да го создадеме зависеше од луѓето, капиталот и ресурсите со кои располагавме“, продолжи Шарма. „Таа поврзаност почнува да се менува. Едно лице наскоро ќе може да располага со можности за кои некогаш беа потребни цели нации. Мал тим ќе може да создава светови за кои денес се потребни стотици програмери и стотици милиони долари. А нашите најголеми студија ќе можат да реализираат амбиции што далеку ги надминуваат денешните игри, исто како што Microsoft Flight Simulator 2024 е далеку понапреден од првото издание во 1982 година.“

Иако Шарма внимателно избегна директно да го употреби терминот „вештачка интелигенција“, идејата дека „мал тим“ ќе може да „создава светови за кои денес се потребни стотици програмери и стотици милиони долари“ изгледа остварлива единствено во контекст на оваа технологија. Современите ААА-видеоигри обично бараат сè поголем број програмери, а како резултат на тоа, трошоците за нивниот развој постојано растат низ целата индустрија.

Искуството на Шарма со вештачката интелигенција

Откако Шарма беше назначена за нова извршна директорка на Xbox, многумина почнаа да шпекулираат дека гејминг-дивизијата на Microsoft со текот на времето сè повеќе ќе се потпира на вештачката интелигенција. Пред да ја преземе сегашната функција, Шарма беше корпоративна потпретседателка за видео во Microsoft и раководителка за производи во рамките на платформата за вештачка интелигенција, а потоа ја предводеше организацијата CoreAI за развој на производи во компанијата.

Во услови на постојани критики кон генеративната вештачка интелигенција поради нејзиното потенцијално негативно влијание врз работните места, уметничкото изразување и животната средина, Шарма се обиде да ја намали важноста на своето претходно учество во развојот на оваа технологија. Во блог-објава од февруари, таа изјави: „Како што се развиваат монетизацијата и вештачката интелигенција и влијаат врз оваа иднина, нема да бркаме краткорочна ефикасност ниту ќе го преплавиме нашиот екосистем со бездушна содржина генерирана од вештачка интелигенција. Игрите се и секогаш ќе бидат уметност, создадена од луѓе и со помош на најиновативната технологија што ја обезбедуваме“.

Сепак, на 13 октомври, таа го најави Xbox Labs, експериментална дивизија инспирирана од неодамнешниот бран проекти за декомпајлирање, пренесување и модифицирање игри, потпомогнати од вештачка интелигенција. И покрај тоа што оваа група недвосмислено се занимава со код генериран од вештачка интелигенција, Шарма успеа ниту еднаш да не го употреби зборот „AI“ во објавата со која го претстави тимот.

Најновата блог-објава на Шарма е доста слична, бидејќи ги опишува промените во индустријата за видеоигри предизвикани од генеративната вештачка интелигенција, без директно да ја именува технологијата. Иако многу играчи со право не ја одобруваат употребата на генеративна вештачка интелигенција при создавањето игри, нејзината употреба за пишување или помош при создавање програмски код тивко стана дел од софтверската индустрија.

Истражувањето на Stack Overflow за 2025 година, во кое беа опфатени случувањата во текот на годината, покажа дека 84 отсто од анкетираните софтверски програмери користат алатки за вештачка интелигенција во одредена форма. Иако сè уште постои надеж дека оваа ситуација би можела да се промени преку законски регулативи или други механизми, се чини дека повеќето големи гејминг-компании ќе продолжат да се потпираат на генеративната вештачка интелигенција сè додека не дојде до некаква значајна промена.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!