Новата Perfect Dark е Римејк на Првата игра

Не сме слушнале ништо ново за новата Perfect Dark игра од студиото на Microsoft – The Initiative речиси од нејзиното објавување на крајот на 2020 година. Заедно со најавниот трејлер, кој не беше баш најјасен, овие две и пол години само дознавме дека е ангажиран е развојниот тим на Crystal Dynamics да помогне во развојот на играта, кој во меѓувреме се пресели од Square Enix во Embracer Group. И додека со право очекуваме дека Microsoft ќе ја претстави играта подетално на почетокот на јуни на својот Xbox Showcase, неколку нови, иако неофицијални, детали ни доаѓаат преку LinkedIn.

Судејќи според информациите што будните очи на ResetEra од Reddit ги забележаа на профилот на LinkedIn на Tyler Thornock, технички аниматор на студиото The Initiative, новата Perfect Dark всушност нема да биде рестартирање, како што сугерираа претходните информации, туку може да биде еден вид римејк на оригиналната игра. Оригиналниот Perfect Dark беше развиен од Rare во 2000 година исклучиво за Nintendo 64, а две години подоцна Microsoft ја доби франшизата откако ги купи Rare. Ова партнерство резултираше со објавување на приквелот Perfect Dark Zero, кој се појави на конзолите Xbox 360 во 2005 година, и ремастерот на оригиналната игра објавен во 2010 година.

Цели 10 години подоцна, новата игра беше најавена за време на The Game Awards 2020 како прв наслов на новоформираното студио на Microsoft – The Initiative. Но, после тоа настана целосен медиумски молк. Дали новата Perfect Dark ќе биде меѓу игрите што ќе бидат претставени за време на Xbox Showcase на 11 јуни, останува да видиме… Сигурно ќе биде бидејќи започнаа многу новости околу неа.

МАРКЕТИНГ

Phantom Blade Zero имаше неверојатен прв викенд по објавувањето. Играта доби многу позитивни критики, достигна оценка од 88 на Metacritic, се искачи на врвот на листите на Steam и продаде 4 милиони копии ширум светот во рок од 72 часа.

Студиото S-Game, со седиште во Пекинг, ја објави Phantom Blade Zero, RPG-игра од жанрот wuxia со soulslike елементи, на 29 октомври. Иако некои играчи сметаа дека борбата не е толку предизвикувачка колку што очекувале, борбените секвенци се единствени, со одлични анимации за секој кунг-фу потег и прекрасни кинематографски сцени. Како што напиша Паоло Каваниши во рецензијата на Polygon за Phantom Blade Zero, играта „совршено го доловува значењето на боречките вештини, ставајќи поголем акцент на уметничкиот аспект на стиловите на борба и визуелната поезија на фантастичните битки прикажани во Wuxia филмовите“.

Проценките покажуваат дека играта продала најмалку еден милион копии пред објавувањето. Кинескиот пазар на видеоигри е огромен и сите погледи беа насочени кон Phantom Blade Zero овој викенд, особено по одличните критики, но никој не очекуваше толку голем број играчи да се заинтересираат за неа. Во рок од неколку часа по објавувањето, играта достигна 833.000 истовремени играчи, со што стана втората најиграна игра за еден играч во годината, веднаш зад Palworld.

Phantom Blade Zero продаде 4 милиони копии во рок од 72 часа

S-Game сега потврди дека Phantom Blade Zero продала 4 милиони копии во првиот викенд по објавувањето. Овие продажни резултати не се доволни за да го надминат успехот на Black Myth Wukong, игра од сличен тип, која продаде 10 милиони копии во првиот викенд, но и покрај тоа станува збор за импресивно достигнување. Се очекува бројот на продадени копии да продолжи да расте во текот на неделата.

Доколку продажбата продолжи да расте, нема да помине долго време пред Phantom Blade Zero да се искачи на врвот на листата на најпродавани игри во 2026 година. Во моментов, првите три места ги заземаат NBA 2k27, Resident Evil: Requiem и 007: First Light, според податоците што ги сподели Circana на почетокот на октомври. Според најновите податоци за продажбата на Capcom, Resident Evil: Requiem продала 8,5 милиони копии од нејзиното објавување на 27 февруари 2026 година. Phantom Blade Zero би можела да ја надмине таа бројка пред крајот на годината.

Phantom Blade Zero беше објавена исклучиво во дигитална форма и претставува временска ексклузива за конзолата PlayStation 5. Затоа, може да се претпостави дека уште повеќе играчи ќе ја купат кога ќе пристигне на Xbox или кога ќе излезе физичкото издание во 2027 година.

Во интервју за PCGamesN, директорот на играта Phantom Blade Zero нагласи дека, иако таа содржи одредени soulslike елементи, целта не е да ги фрустрира играчите со претерано високи нивоа на тежина. Ова можеби придонело за нејзиниот успех, бидејќи ја прави Phantom Blade Zero подостапна за сите видови гејмери. Главната цел е играчите да се забавуваат и да уживаат во кинематографското искуство. Наместо едноставно да избегнуваат смрт, изведувањето совршени потези во борбата ќе ги наградува играчите со „спектакуларни анимации“.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!