Новата Perfect Dark е Римејк на Првата игра

Не сме слушнале ништо ново за новата Perfect Dark игра од студиото на Microsoft – The Initiative речиси од нејзиното објавување на крајот на 2020 година. Заедно со најавниот трејлер, кој не беше баш најјасен, овие две и пол години само дознавме дека е ангажиран е развојниот тим на Crystal Dynamics да помогне во развојот на играта, кој во меѓувреме се пресели од Square Enix во Embracer Group. И додека со право очекуваме дека Microsoft ќе ја претстави играта подетално на почетокот на јуни на својот Xbox Showcase, неколку нови, иако неофицијални, детали ни доаѓаат преку LinkedIn.

Судејќи според информациите што будните очи на ResetEra од Reddit ги забележаа на профилот на LinkedIn на Tyler Thornock, технички аниматор на студиото The Initiative, новата Perfect Dark всушност нема да биде рестартирање, како што сугерираа претходните информации, туку може да биде еден вид римејк на оригиналната игра. Оригиналниот Perfect Dark беше развиен од Rare во 2000 година исклучиво за Nintendo 64, а две години подоцна Microsoft ја доби франшизата откако ги купи Rare. Ова партнерство резултираше со објавување на приквелот Perfect Dark Zero, кој се појави на конзолите Xbox 360 во 2005 година, и ремастерот на оригиналната игра објавен во 2010 година.

Цели 10 години подоцна, новата игра беше најавена за време на The Game Awards 2020 како прв наслов на новоформираното студио на Microsoft – The Initiative. Но, после тоа настана целосен медиумски молк. Дали новата Perfect Dark ќе биде меѓу игрите што ќе бидат претставени за време на Xbox Showcase на 11 јуни, останува да видиме… Сигурно ќе биде бидејќи започнаа многу новости околу неа.

МАРКЕТИНГ

Nagoshi Studio, развивачкото студио основано од креаторот на Yakuza, Тошихиро Нагоши, официјално ги затвори вратите откако поддржувачот NetEase го прекина финансирањето. Nagoshi Studio работеше на Gang of Dragon, криминалистичка драма во стилот на Yakuza, во која главната улога ја толкува Ма Донг-сок.

Јапонскиот службен весник, Kanpo, потврди дека компанијата била распуштена на 31 октомври. Уште во март, Bloomberg објави дека NetEase одлучил да го прекине финансирањето на Nagoshi Studio, откако дознал дека за завршување на Gang of Dragon ќе бидат потребни дополнителни 7 милијарди јени (44 милиони долари). Според извештаите, Nagoshi Studio не успеало да најде друг поддржувач за играта.

Gang of Dragon беше прескап за NetEase

Gang of Dragon беше претставена на доделувањето на наградите The Game Awards во 2025 година, со кинематографски трејлер кој навести уште пореалистичен и понасилен приказ на гангстерскиот живот во токискиот кварт Кабукичо од оној во игрите Yakuza.

Кинескиот гигант NetEase го намалува обемот на своето портфолио на видеоигри и ги повлекува инвестициите во странство од 2024 година, поради што затвори повеќе студија. Меѓу нив беше и ново студио за ММО-игри основано оддизајнерот наWorld of Warcraft, Грег Стрит.

Nagoshi Studio беше основано во 2022 година од Нагоши и клучни членови на Ryu Ga Gotoku Studio, тимот на Sega одговорен за серијалот Yakuza/Like a Dragon. Нагоши работел во Sega повеќе од 30 години, каде што учествувал во создавањето на Daytona USA, Shenmue и Super Monkey Ball, пред да го создаде серијалот Yakuza.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!