Гејминг Натпревар во Диско! – Red Bull Campus Clutch 2022

На 6 ноември во скопскиот клуб Станица 26 се одржа националното финале на Red Bull Campus Clutch 2022 во кое го добивме тимот кој ќе патува на големото глобално финале во Бразил! Авантура и натпревари кои што нема да ги заборават до крајот на нивните животи! Млади дечки од Македонија кои што се огромни фанови на играта Valorant ќе си ги остварат соновите на млади години и ќе се борат против најдобрите во светот! Порано студентите можеби немаа време за ништо освен за учење, денес се борат на светско во видео игри!

После два напорни квалификациони дена (4 и 5 ноември), во кои се изнагледавме тесни, тешки и динамични партии, неизвесни битки и многу неочекувано-очекувани потези, дојде денот за големото национално финале во кое се сретнаа екипите на BRAZIL BOUND и ZOOMERS. Две екипи со млади дечки кои што најголема пасија им е нормално Valorant, а потоа и нивните студии. Партиите беа пеколно добри за гледање и двата тима го оставија срцето во тој прекрасен ноќен клуб кој што овој пат беше повеќе од клуб!

Eкипата на Brazil Bound со фокусирана игра, паметна тактика и прецизни прсти успеа да го порази тимот на Zoomers со вкупен резултат од 3:0. Многу интересен резултат оваа година бидејќи е втор во буквално исто време за Македонски играчи! Во скоро исто време нашиот Мартин “Saksa” Саздов со неговиот тим Tundra победија во финалето на The International со резултат од 3:0. Или да цитираме еден наш познат коментатор “Тројка! Леле луѓе што направивме!“

Патот до успехот нема тајни, туку е полн со предизвици, за чие остварување потребна е напорна работа и 100% посветеност. Во нашиот случај, успехот се должи на долгогодишно искуство во играње Valorant и CS:GO. Оваа победа и учеството на глобалното финале во Бразил во месец декември е одлична прилика за секој од нас, поединечно и тимски, но пред сè неповторлива шанса да ја донесеме светската Red Bull Campus Clutch титула во Македонија. За крај, како што би кажале бразилците Vamos Makedonija!

Следно на агендата на BRAZIL BOUND е претставување на Македонија на глобалното финале во Бразил кое ќе се одржи во месец декември. Ние фановите ќе ги бодриме нашите BRAZIL BOUND во студените денови, но они ќе си уживаат во летни температури! Македонците сакаат сонце и се гордеат со сонцето, затоа ќе ги грее и до победа! Мора да имаме и финалисти во Valorant!

Да им посакаме среќа и успех во борбата за крајната титула – најдобар студентски VALORANT тим во светот!

МАРКЕТИНГ

Љубителите на Grand Theft Auto, гејмерите и креаторите на дигитална содржина ќе имаат можност да бидат дел од еден специјален настан посветен на долгоочекуваната GTA 6. На 19 ноември, во Скопје ќе се одржи GTA 6 Launch Event, кој истовремено ќе се организира на двете локации на Inferno Gaming Club – Inferno 1 во Тафталиџе и Inferno 2 во Кисела Вода.

Настанот ќе започне во 11:00 часот, а посетителите ќе можат да очекуваат целодневна дружба, гејминг, музика и атмосфера инспирирана од легендарниот Vice City. Организаторите најавуваат тематска музика во текот на целиот ден, со звук и енергија што ќе потсетуваат на препознатливиот свет на Grand Theft Auto, претворајќи ги гејминг-клубовите во места за вистинско GTA доживување.

Централниот дел од настанот ќе биде можноста посетителите да ја испробаат GTA 6 и одблизу да се запознаат со играта. Сите заинтересирани ќе можат да добијат свој термин за играње и да го искусат старо-новиот свет на Rockstar Games, но настанот нема да биде наменет исклучиво за оние што сакаат да седнат пред конзолата.

Идејата е да се создаде простор за собирање на домашната гејминг-заедница, размена на искуства, запознавање нови луѓе и поврзување на креаторите на дигитална содржина. Настанот ќе биде можност за дружба меѓу гејмери, стримери, јутјубери, инфлуенсери и сите оние што ја следат гејминг-културата, со можност за нови соработки и запознавања.

Посетителите ќе можат да разговараат за играта, да ги споделат своите први впечатоци, да разменат мислења за новините во GTA 6 и едноставно да поминат ден во друштво на луѓе со слични интереси. Со музика, тематска атмосфера и активности во текот на денот, организаторите сакаат настанот да прерасне во вистинско собирање на гејминг-заедницата, а не само во можност за тестирање на нова игра.

БЕСПЛАТНО ИГРАЊЕ, НО СО ЗАДОЛЖИТЕЛНО АПЛИЦИРАЊЕ ЗА ИГРАЊЕ

Една од најважните информации за сите заинтересирани е дека учеството и можноста за играње на GTA 6 се целосно бесплатни. Посетителите нема да треба да плаќаат за да ја испробаат играта, а можноста ќе биде достапна во текот на целиот настан.

Сепак, поради организацијата и распоредот на термините за играње, сите што сакаат да ја испробаат GTA 6 ќе треба однапред да аплицираат преку официјалниот формулар.

По апликацијата ќе се врши јавно влечење за сите луѓе што ќе се пријават за термин за играње, со што ќе се овозможи подобра организација и ќе се избегне непотребно чекање.

КОГА, КАДЕ И ЗОШТО?

GTA 6 Launch Event ќе се одржува на 19 ноември, со почеток во 11:00 часот, истовремено во Inferno 1 во Тафталиџе и Inferno 2 во Кисела Вода.

За сите љубители на Grand Theft Auto, ова ќе биде можност да го дочекаат новото поглавје на франшизата во друштво на домашната гејминг-заедница, со целодневна Vice City атмосфера, музика, дружење и, секако, можност први да ги споделат своите впечатоци од GTA 6.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!