Blizzard повторно работи на нов StarCraft шутер! Конечнооо! Според информациите од новата книга на „Џејсон Шрајер, Play Nice: The Rise, Fall, and Future of Blizzard Entertainment“ лидер на новата игра која што моментално се прави е поранешниот лидер на тимот на Far Cry, Ден Хеј. Доста познато име во индустријата и човек кој што има голема историја зад себе.
Џејсон Шрајер, кој се појави на неодамнешниот подкаст на IGN, каде што зборуваше за играта и многу работи од самата книга.
StarCraft се враќа!
Зборувајќи со Рајан МекКафри, Џејсон Шрајер беше прашан дали играта сè уште е во изработка, или дали можеби е откажана како другите наслови? На што Шрајер одговори: „Ако не се откаже. Мислам, сепак збориме за Blizzard, на крајот на денот, нивната историја со стрелците на StarCraft не е добра“. Искрено многу глупав и чуден одговор даде Џејсон за самата игра. Да, он само напиша книга, но сепак веројатно знае некои работи дали играта е во изработка или не.
Тој додаде дека, колку што знаел, сè уште е во развој, наведувајќи дека „StarCraft франшизата не е закопана од страна на Blizzard“.
Овој нов шутер на StarCraft не е првпат Blizzard да се обиде да оди по оваа рута. Во раните до средината на 2000-тите, Blizzard работеа на StarCraft Ghost (само што ми потекоа солзи кога го кажав ова) игра која што доби огромна фан база и популарност, и на крај беше откажана (уште повеќе солзи и тага). Потоа, беше Project Ares, шутер во прво лице кој беше во развој најмалку две години пред да биде откажан во 2019 година. За ова тага и солзи не доаѓаат пошто никој не се сеќава на ова.
Што се однесува до тоа кој ја води играта, Ден Хеј работеше на игри како што се Far Cry 3 до Far Cry 6, Marvel Ultimate Alliance, 007 Nightfire и многу повеќе. Тој работеше на Project Odyssey на Blizzard (пак дојде тешкотијата ffs…) која беше откажана во јануари по купувањето на Activision Blizzard од Microsoft. Според неговата веб-страница, Хеј допрва треба да започне да работи на испорачаната игра во Blizzard.
