Remedy Entertainment, девелоперите на Control и Alan Wake, склучија договор за заем со гигантот Tencent од €15 милиони евра.
Соопштението доаѓа преку изјавата за медиумите од Remedy Entertainment. Тоа е потег за кој извршниот директор на Remedy, Теро Виртала вели дека и овозможува на компанијата да продолжи напред со развојот на игри, како и со самообјавување идни наслови.
Дел од долгорочната стратегија на Remedy беше да ја зајакнеме нашата позиција во синџирот на вредност, да имаме поголема контрола врз тоа како нашите игри се комерцијализираат и да го зголемиме нашиот удел во вредноста што овие игри можат да ја создадат.
Изјава од извршниот директор на Remedy Entertainment, Теро Виртала
Како што се движиме кон самообјавување, ова финансирање ќе не поддржи во развојот и целосното реализирање на потенцијалот на игрите што ги имаме во развој и успешно спроведување на комерцијалните активности на нашите следни игри кои сами се објавуваат. Инвестицијата на Tencent покажува силна доверба во долгорочната визија и стратегија на Remedy.
Remedy моментално има голем број игри во развој, вклучувајќи ги Control 2 и Control спин-оф игра Project Condor. Студиото работи и на римејкот на Max Payne 1 & 2 кој е во целосна продукција.
Договорот за конвертибилен заем носи годишна безготовинска каматна стапка од 8%, која ќе се конвертира од 27,2 евра по акција. Цената ќе овозможи заемот да се конвертира до 811.100 нови акции на Remedy. Тоа претставува приближно 5,98% од сите акции во компанијата.
Tencent моментално поседува 15% од Remedy.
