Кои се следните Super Mario игри

Значаен и доста познат инсајдер на Nintendo изјави дека повеќе игри поврзани со серијалот на Super Mario треба да бидат објавени во иднина. Во овој момент, голем дел од она што Nintendo го развива со своите First Party студиа се чува скриено. Надвор од The Legend of Zelda: Tears of the Kingdom и Pikmin 4, многу фанови на Nintendo не знаат што да очекуваат од издавачот во иднина. Меѓутоа, кога станува збор за главната маскота на Nintendo – Mario, изгледа дека Италијанскиот Водоводџија наскоро се враќа во многу нови наслови (па и стари).

Доаѓајќи од инсајдерот – Zippo, кој имаше неколку прецизни погодувања во минатото во однос на Nintendo, изјави дека во моментов се работи на неколку различни игри на Mario. За почеток, Zippo тврди дека нова, 2D игра на Super Mario Bros. е во подготовка и ќе биде објавена во одреден момент во блиска иднина. Дополнителни детали за оваа игра не беа дадени, но слушнавме претходни извештаи и гласини во минатото кои наведоа слични информации.

Надвор од ова, исто така се вели дека ќе биде објавена нова спортска игра со Mario и најверојатно ќе биде поврзана со бејзбол. Во истиот тој правец, наводно доаѓа и нова игра со Mario & Sonic on the Olympics, и ќе започне во тандем со Летните игри во 2024 година. Конечно, и можеби најзначајно, ремастерот на класичниот GameCube RPG Paper Mario: The Thousand-Year Door е веќе завршен и веројатно треба да дојде на Switch наскоро.

МАРКЕТИНГ

Игрите создадени со вештачка интелигенција ја преплавија дигиталната понуда на продавниците оваа година. Steam Next Fest, настан на кој се претставуваат демо-верзии на игри, беше вистинска катастрофа бидејќи игрите создадени со вештачка интелигенција ја преплавија платформата, што им го отежна на љубителите филтрирањето на резултатите и пронаоѓањето скриени независни хитови. Според itch.io, бројот на страници за игри што се создаваат е двојно зголемен во последните два месеца, што веројатно е поврзано со популарноста на „vibe coding“ и алатките за вештачка интелигенција како Claude. Не се проблематични само „оригиналните“ игри создадени со вештачка интелигенција, туку и римејковите и копиите на постојни игри генерирани со ВИ, кои стануваат сè поголем проблем во индустријата за видеоигри.

Anthropic се обидува да стави крај на копирањето постојни игри со вештачка интелигенција

На 30 октомври, корисник на X забележал ажурирање на правилата на Claude Code, во кое стои:

„Создавајте оригинални игри, игри во одреден жанр и игри врз основа на дизајни и ресурси што ги создал самиот корисник. Не создавајте копија на конкретна постојна игра, дури и ако ѝ дадете ново име или ја наречете оригинална.“

На 30 октомври, портпарол на Anthropic потврдил за Game Developer дека ажурирањето е вистинско. Членот на техничкиот тим на Anthropic, Ади Османи, исто така објавил објаснување на X: „Додадовме две реченици во инструкциите за Claude Code на Opus 5.5 за да го насочиме да не пресоздава конкретни игри на други автори, бидејќи користењето на Claude за повреда на правата на интелектуална сопственост е спротивно на нашите правила за користење. Оригиналните игри, игрите во одреден жанр и игрите создадени врз основа на ваши дизајни и ресурси треба да продолжат да функционираат. Ќе продолжиме да ги подобруваме правилата за да постигнеме соодветна рамнотежа.“

Правилото е формулирано така што треба да ги спречи корисниците да го заобиколуваат преку разговор со алатката. На овој начин, Claude ќе генерира игри со вештачка интелигенција само врз основа на дизајни и ресурси создадени од самиот корисник. Не е познато кои конкретни насоки ги користи алатката за вештачка интелигенција за да разликува оригинални материјали од копирани ресурси, но доколку корисникот смета дека неправедно е обвинет дека не ги користи сопствените ресурси, мора да контактира со член на тимот за да го разјасни случајот и да продолжи со работата.

Добро е да се види дека Anthropic презема мерки, а се надеваме дека тоа ќе ги одврати корисниците од употреба на неоригинални материјали. Овој проблем е особено изразен кај независните развивачи, кои стравуваат дека нивните игри би можеле да бидат украдени од корисници на „vibe coding“. Неколку мали развивачки студија ги откажаа јавните тестирања на игрите и се одлучија за приватни тестирања во контролирана средина за да спречат појава на копии создадени со вештачка интелигенција. Со 25.000 игри на листата на желби на Steam, илјадници обожаватели со нетрпение очекуваа да ја испробаат демо-верзијата на Drunken Goddess Reflux за време на Steam Next Fest во октомври. За жал, развивачите Alliance Arts и Who You одлучија да се повлечат од настанот за да спречат нечесни играчи да ја копираат нивната игра. Слично на тоа, Digital Sun го откажа јавниот тест на игратаReVamp и наместо тоа се одлучи за контролирано тестирање преку Discord.

Иако ажурирањето на Claude звучи како добра вест за развивачите, ваквите безбедносни ограничувања на големите јазични модели сепак можат да бидат заобиколени од корисниците. Како алтернатива, корисниците на „vibe coding“ можат едноставно да се префрлат на таканаречените модели со „отворени тежини“ (open-weight), кои се бесплатни за користење и чии безбедносни ограничувања лесно може да се отстранат.

GG анкета

вести и новости од

ПРИЈАТЕЛИТЕ на GG.MK

GG LFM

W00t w00t? GG ис лукинг фор мор!​
Стани дел од тимот на GG.MK!

GG ЛОВЦИ НА ТРОФЕИ

покажете го пленот

Претплати се на нашата мејлинг листа

Нема спам, нема замарање!
Само гејминг!